Aizaaya 7:23 - EBƆRƐ BE KAWƆL

²³ Jemanɛ na kaŋ fo, ewi nɛ egɔnnyaŋɛ beeŋ sɔ ndibi sɔrso be adɔ lelaana nɛ amo to be kekama kɔ ewaindibi nɛ a fo kagboŋ nɛ amo be amansherbi beeŋ fo fanɛ gbiti be ndarbi kagboŋ na kikɛ to.

Aizaaya 7:23 ပူးပေါင်းရင်းမြစ်များ

Jɛnesis 3:18

Kasawule na beeŋ baa kɔr ewi nɛ afitiri kpaŋ ŋkpal fo so; kasawule na malɛ so nɛ feeŋ baa dɔ a ji.

Aizaaya 32:10

Ashere shɛŋ maŋ tir menyi naniere, ama ta a ba kafɛ a ba saŋɛ ere so kagbenejija damta beeŋ tɔr menyi so. Ŋkpal manɛ so, ndibi be asɔrso maaŋ sɔr nɛ b nya n wora yabra n sa menyi nɛ men baa nuu.

Aizaaya 5:10

Yabra belbelso fanɛ egalɔn ashe nawule nɛ esa beeŋ nya ashi ndibi sɔrso be kudɔ nɛ k fo fanɛ nto adunyɔ be kasawule so, nseŋ nya ayu beeŋ wora ekurwa kuduaburwa nawule ashi ayuduu ekurwa kalfa nɛ aduburwa nɛ e ta n duu to.”

Aizaaya 5:6

Ma alɛ beeŋ yige amo nɛ amo to e wora afitiri ŋ ki kupuŋ. M maŋ naŋ lɔŋɛ ndibi na be ayabi so ŋko n ta kɔtɔkrɔ m buse amo to kikɛ. Meeŋ shin nɛ egɔnnyaŋɛ nɛ ewi e sɔ amo to. Ma alɛ beeŋ naŋ pɛ bɔrɛ nɛ k sa maŋ naŋ ba kudɔ na to kikɛ.”

Aizaaya 7:24

Saŋɛ na so basa beeŋ baa ta ata nɛ atanyembi a luri amo to a mɔ asɔbɔya. Kashenteŋto, ewi nɛ egɔnnyaŋɛ beeŋ sɔ efuli na kikɛ so.

Jɛremaya 4:26

Kasawule lela nɛ k bee wora adɔjibi na ki keshishɛrsawule nɛ ndegboŋana na kikɛ ki alambure. Ŋkpal manɛ so, Enyɛnpe Ebɔrɛ daŋ nya agbo ga nna.

Ezikɛl 12:20

Ndegboŋ nɛ basa bɔlɔ amo to naniere kikɛ beeŋ mur nɛ efuli na kikɛ e ki kasawule a dese loŋ nɛ esa kikɛ maŋ wɔ kumo so. Ndoŋ nɛ baaŋ pin fanɛ ma e la Enyɛnpe Ebɔrɛ na.”

Hoziya 2:12

Meeŋ mur mbe asɔrso nɛ baa tre greep nɛ figi be ndibi be ndɔ nɛ e yɛ mo jipoana ta n sa mo fanɛ mbe kakɔka na. Meeŋ shin nɛ mbe asɔrso nɛ baa tre greep na be adɔbi nɛ mbe figi be ndibi be adɔ na kikɛ e ki fanɛ kupuŋ; nɛ kupuŋ to be asɔbɔya e jija amo.

Hoziya 9:6

Hale men baa shile a ŋana gba, Ijipt be efuli so nɛ menyeeŋ ya lar nɛ b puli menyi ashi bumo be kade nɛ baa tre Mɛmfis na to. Menyi be gbiti be ekpanjawu na beeŋ shir kupuŋ to nɛ afitiri e kɔr menyi be ewajɛbu to.

Matiu 21:33

Nɛ Yesu kaŋɛ basa na: “Men naŋ nu keŋasa ko: Kowurnyɛn ko e daa wɔtɔ n dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so.

Hibruwebi 6:8

Ama kasawule kama nɛ k bee kɔr ewidibiana nɛ ajinjɛ nawule la kasawule jiga nna, nɛ kumo alɛ maŋ de so, k beeŋ nya kɔnɔso nɛ kumo be kaman b chɔɔ kumo edɛ.