Aizaaya 7:22 - EBƆRƐ BE KAWƆL

²² kumo ere asɔbɔya na beeŋ baa sa mo kenyipochu damta ga nɛ e bɔla amo so n nya kusɔ kama nɛ e bee sha. Kashenteŋto, basa gbrɛbi nɛ baaŋ ji efute nseŋ ka a wɔ kasawule na so na beeŋ nya kenyipochu nɛ mushoŋ a ji.

Aizaaya 7:22 ပူးပေါင်းရင်းမြစ်များ

Jɛnesis 18:8

Kumo be kaman nɛ e ta kenyipo ko nɛ wagashi n ti eblaŋ nɛ b daŋɛ na so n ya yili bumo be anishito nseŋ kilgi a yil bumo kutɔ kedibi na be kifito nɛ b ji ajibi na.

Aizaaya 14:30

Enyɛnpe Ebɔrɛ na beeŋ baa keni betirpo nɛ b wɔ mbe basa Israɛlebi to so fanɛ kananɛ mbolpɔkpapo bee keni mbe mbolpɔ so na. E beeŋ shin nɛ b baa wɔtɔ nɛ shɛŋ maaŋ naa tɔrɔ bumo. Ama mo alɛ beeŋ shin nɛ akoŋgboŋ e tɔr menyi Filistiebi so nɛ menyi be ekama maaŋ pete.

Aizaaya 17:2

Siriya be efuli so be ndegboŋ beeŋ ki nde nɛ ekama shile ka amo nɛ a dese fuloŋ. A beeŋ ki mbolpɔ nɛ ana be ejikpa nɛ esa kikɛ maaŋ baa ju amo a lar ndoŋ.

Aizaaya 7:15

Kebia na baŋ daŋ m pin asheŋ, nsaa nyi kelela nɛ kulubi, e beeŋ baa nuu kenyipochu nsaa ji mushoŋ.

Aizaaya 8:15

Basa damta beeŋ fiti kumo n tɔr m buri to nɛ bedamta e tɔr kejigbelɛ na to nɛ b pɛ bumo ŋ gberge bumo n yɔ.”

Matiu 3:4

Nyɔma be afuibi be kusɔbuuso nɛ Jɔn daŋ buu ŋ kre kawɔl be kreso kashɛr to. Elotɔr nɛ mushoŋ nɛ e daa ji.