Aizaaya 7:2 - EBƆRƐ BE KAWƆL

² Juda be ewura ka daŋ nu fanɛ Siriya be efuli so be benapo ba ti Israɛl be benapo so, nɛ kufu pɛ ewura Ahaz nɛ mbe basa kikɛ ga nɛ baa chicha fanɛ afu ka bee ber ndibi so na.

Aizaaya 7:2 ပူးပေါင်းရင်းမြစ်များ

2 Samuɛl 7:16

Fo alɛ Deevid be kenana maa ba nɛ k mur kikɛ. Fo kuwurji beeŋ baa wɔtɔ hale mbaanaayɔ.”

1 Bewura 11:32

Ama ŋ kraa beeŋ shin nɛ Sɔlɔmɔn e baa ji efuli na be kaba ko so nɛ Jerusalɛm nɛ k la ma kade laraso ashi Israɛl be efuli so na so kuwura ŋkpal e ka la ma kayɛrbi ewura Deevid pibinyɛn na so.

1 Bewura 12:16

Basa na ka wu fanɛ Rehoboam maŋ nu n sa bumo na, nɛ b ponte ŋ kaŋɛ le: “Anyi nɛ ewura Deevid nɛ mbe kanaŋ maŋ kɔ shɛŋ! Manɛ nɛ b daŋ wora n sa anyi? Israɛlebi, men shin nɛ an yɔ epe! Men yige Rehoboam nɛ e baa ji mbe laŋ to ebi nawuleso kuwura. Ndoŋ nna nɛ Israɛlebi na kini kenu n sa mo

1 Bewura 13:2

Kusɔ nɛ Enyɛnpe Ebɔrɛ kaŋɛ fanɛ anebi na e kaŋɛ a laŋɛ bɔrɛsure na be kaplɛa so e la fanɛ: “Baaŋ kurge kebia ko ashi ewura Deevid be kanaŋ to n nase mbe ketre Josaya. E beeŋ mɔ bɔrɛmatapoana nɛ baa lara esarga a deŋi kumo so ere n lara sarga n deŋi kumo so nseŋ chɔɔ dimɛdi be awibi kumo so.”

2 Kronikɛls 25:10

Ndoŋ nna nɛ ewura Amaziya shin nɛ benapo nɛ b haya na kikɛ bɛta n yɔ bumo peana. Ama pɔɛŋ nɛ b yɔ na b daŋ nya agbo nna ga n wɔtɔ Juda be basa.

2 Kronikɛls 28:12

Loŋ be saŋɛ na gbagba nɛ Azariya nɛ e la Jehohanan pibinyɛn na nɛ Bɛrekaya nɛ mo alɛ la Mɛshillemɔf pibinyɛn na nɛ Jehizkia nɛ e la Shallɔm pibinyɛn na nɛ Amasa nɛ mo alɛ la Hadlai pibinyɛn nɛ b la Israɛl be benimu ana na gba ba kaŋɛ fanɛ Israɛl be benapo na maŋ wora n nyalɛ.

Nshɛ 11:1

Ŋkpal Enyɛnpe Ebɔrɛ na ka la ma ekumpo so, k maŋ la kesheŋ tirso fanɛ fo kaŋɛ ma fanɛ n firgi fanɛ kabuibi n yɔ kebeegboŋ so be kakpa nɛ meeŋ nya kekuŋ.

Aŋasa 28:1

Basa lubi bee shile nna nsaa gbɛ a keni fanɛ esa ko ka bee ju bumo na, ama basa nɛ baa wora asheŋ niŋiso bre bee nite kenyɛnso nna fanɛ buluŋ na.

Aizaaya 11:13

Israɛl be kuwurji maaŋ naa kɔ Juda be kuwurji kukɔrkɔ. Juda malɛ maaŋ naa la Israɛl mo doŋ.

Aizaaya 22:22

Ma, Enyɛnpe Ebɔrɛ na beeŋ sa Eliakim eleŋ nɛ k bɛ ewura nɛ e shi Deevid be kanaŋ to peya so, saŋɛ na so kusɔ kama nɛ e yili, esa maaŋ tiŋ ŋ kini kumo; kusɔ kama malɛ nɛ e maŋ sa akpa, esa kikɛ maaŋ tiŋ n wora kumo.

Aizaaya 37:27

Basa nɛ b daa wɔ ndegboŋ na to daŋ maŋ naa kɔ eleŋ nna, ŋkpal kufu ka daŋ pɛ bumo nɛ eburma tɔr bumo so so. B daa du fanɛ kudɔ to be afitiri nna ŋko afitiri popɔrbi nɛ e kɔr ebu be esoso nɛ epeŋilarkpa be afu tushi so ber amo so nɛ e wu nna.

Aizaaya 37:35

Meeŋ kuŋ kadegboŋ na ŋkpal ŋ gbagba be kemaŋkura nɛ kɔnɔ nɛ n nase n sa ma kayɛrbi Deevid nɛ e daa la ewura ashi Jerusalɛm to jemanɛ ko na so.’ ”

Aizaaya 6:13

Basa kudu to be esa koŋwule gba ka kasawule na so, mo alɛ gba beeŋ mur. E beeŋ ki fanɛ kedibi gboŋgboŋi nɛ b ku n lɛ be keyimu.” (Keyimu na yili n sa Ebɔrɛ be basa ka beeŋ naŋ fara kepopɔr to nna.)

Aizaaya 7:13

Nɛ Aizaaya malɛ kaŋɛ le: “Ewura Deevid be kamanebi, men kaŋ asoe n nu nfe. Menyee kaa wora edimɛdi a keni. Menyee sha kewora Ebɔrɛ gba nna ŋ keni a?

Aizaaya 7:17

Ama Enyɛnpe Ebɔrɛ na beeŋ shin nɛ etɔrɔ damta nɛ a chɔ etɔrɔ kama nɛ a daŋ ba menyi so, yili jemanɛ nɛ Israɛl nɛ Juda be kuwurji barga to m ba fo kabre na, e ba fo nɛ fo basa nɛ fo tuto be laŋ to ebi kikɛ so. E beeŋ shin nɛ efuli nɛ baa tre Asiriya na be ewura gba e ba kɔ menyi kena.

Aizaaya 7:5

Siriya be efuli so be basa nɛ Israɛl nɛ ewura Pɛka e kre kebaamur menyi a kaŋɛ le:

Aizaaya 8:12

E yɛ: “Sa maŋ kaŋ tre kusɔ kama nɛ basa ere bee tre ŋkre lubi fanɛ k la ŋkre lubi. Fo alɛ e sa maa ŋana kusɔ ko ŋkpal b ka bee ŋana kumo so.

Aizaaya 9:9

Bumo kikɛ, nɛ ekama nɛ e wɔ bumo be kadegboŋ nɛ baa tre Samɛria na nyi kumo be asheŋ. Ama b daŋ kpeŋ nna nsaa wu bumo be amu nseŋ daŋ kaŋɛ le:

Hoziya 12:1

Kusɔ kama nɛ Israɛl be basa bee wora kapa nɛ kanyɛ na kikɛ ki kusɔ jiga nɛ kusɔ fuloŋ nna. Efɛ nɛ kebaa nyaŋɛto a wɔtɔ abar e wɔ bumo to. Bumo nɛ Asiriyaebi wora kɔnɔkoŋwule nna a ji yawu ashi Ijipt.”

Matiu 2:3

Ewura Hɛrɔd ka nu kesheŋ na nɛ mbe kagbene kaa. Loŋ koŋwule na malɛ e daŋ wora Jerusalɛmebi kikɛ.