Aizaaya 7:18 - EBƆRƐ BE KAWƆL

¹⁸ Loŋ be jemanɛ na kaŋ fo, Enyɛnpe Ebɔrɛ na beeŋ foŋ kafoli nɛ k baa la tɔɔnɛ n sa Ijipt be efuli so be basa, nɛ b shi lɔrgboŋ nɛ baa tre Nail na ase m ba menyi so fanɛ ashushombi na. Kumo be kaman nɛ Asiriya be basa malɛ e shi bumo be kasawule so m ba menyi so fanɛ emushoŋ na.

Aizaaya 7:18 ပူးပေါင်းရင်းမြစ်များ

Nshɛ 105:31

Ebɔrɛ daŋ malga nna nɛ ashushombi firgiso nɛ asɔ duŋso fanɛ epini ba mel efuli na kikɛ so.

Nshɛ 118:12

B daŋ ba mel ma so fanɛ emushoŋ nna, ama Enyɛnpe Ebɔrɛ na be ketre to, b daŋ chɔɔ m mur nna fanɛ edɛ ka tɔr afitiri wɔlso so na.

Ɛksodɔs 8:21

Nɛ fo baŋ maŋ shin nɛ ma basa yɔ, meeŋ shin nɛ ashushombi damta e buu fo nɛ fo beyaasepoana nɛ fo basa kikɛ so nseŋ luri m bɔlɔ menyi be ebuana gba to hale n ya lar elaŋ to kikɛ.

Ɛksodɔs 8:24

Ndoŋ nna nɛ Enyɛnpe Ebɔrɛ wora loŋ n shin nɛ ashushombi damta ba m ba bɔlɔ Fɛɛro be kowu kikɛ to nɛ beko malɛ yɔ mbe beyaasepoana be elaŋana to nɛ Ijipt be kasawule so kikɛ a sha kejija kasawule na kikɛ kuraa.

Aizaaya 13:5

B shi efuli wɔfɔ wɔfɔ nɛ a wɔ durnya be lalaloge to nna a ba. Enyɛnpe Ebɔrɛ na malɛ e kaa kagbene n ta mbe akɔsɔ a ba nɛ e ba mur Babilɔn be efuli kikɛ.

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.

Aizaaya 5:26

Kasogberge na be kaman, Enyɛnpe Ebɔrɛ ere beeŋ pal enɔ n tre efuli pɔtɛana nɛ a wɔ kufɔ kufɔ be basa nɛ b ba kɔ menyi kena. E beeŋ foŋ kafoli nna n tre bumo nɛ b nya manaŋ n shi durnya be lalaloge kikɛ m ba fanɛ afu na!

Aizaaya 7:17

Ama Enyɛnpe Ebɔrɛ na beeŋ shin nɛ etɔrɔ damta nɛ a chɔ etɔrɔ kama nɛ a daŋ ba menyi so, yili jemanɛ nɛ Israɛl nɛ Juda be kuwurji barga to m ba fo kabre na, e ba fo nɛ fo basa nɛ fo tuto be laŋ to ebi kikɛ so. E beeŋ shin nɛ efuli nɛ baa tre Asiriya na be ewura gba e ba kɔ menyi kena.

Zakareya 10:8

Meeŋ tre ma basa m ba gama abar so, ma alɛ beeŋ mɔlga bumo nseŋ shin nɛ b wora keshi a du fanɛ kananɛ b daa sa na.

Ditɛronɔmi 1:44

Ndoŋ nna nɛ Amɔriebi nɛ b daa wɔ abee na so na gbelge m ba menyi so fanɛ emushoŋ n ju menyi hale n ya fo kakpa nɛ baa tre Hɔɔma nɛ k wɔ Edɔm be kebeesawule so n ya kɔ m pɔɔ menyi so ndoŋ.

Ditɛronɔmi 28:49

Enyɛnpe Ebɔrɛ na beeŋ shin nɛ efuli pɔtɛ be basa nɛ men maa nu bumo be ŋgbar e shi kufɔ kufɔ ŋ kre kena m ba purgi menyi fanɛ kusore ka ta koshi na.

Ditɛronɔmi 7:20

E beeŋ shin nɛ keyeŋiyeŋi e tɔr bumo so nɛ e mur bumo nɛ baaŋ nya n shile n ya ŋana na gba.

Joshuwa 24:12

Mannɛ menyi be etokobi nɛ ata nɛ men daŋ ta m pɔɔ bumo so. Kufu nɛ n daŋ ta n wɔtɔ bumo to fanɛ kananɛ n daŋ wora Amɔriebi be bewura anyɔ nɛ b wɔ Jɔɔdan be lɔr na be epeŋilarkpa na.