Aizaaya 7:1 - EBƆRƐ BE KAWƆL

¹ Ewura Ahaz, mo tuto e daa la Jotam nɛ mo nananyɛn malɛ daa la Uzaya. Jemanɛ nɛ ewura Ahaz daa ji kuwura Juda be efuli so na nɛ Siriya be efuli so be ewura, Rezin nɛ Israɛl be efuli so be ewura nɛ baa tre Pɛka, nɛ e la Remaliya pibinyɛn na, daŋ cha abar m ba kɔ Jerusalɛmebi kena nna, ama b daŋ maŋ tiŋ ŋ kɔ n sɔ kadegboŋ na.

Aizaaya 7:1 ပူးပေါင်းရင်းမြစ်များ

2 Bewura 15:25

Remaliya pibinyɛn Peka e daa la Pekahiya be ekrachiana na to be enimu, ama mo alɛ daŋ kre kemɔ ewura na nna. Kachako nɛ e keta benapo lempo adunu nɛ b shi Giliad na n ya luri ewura be laŋ na to be kakpa nɛ baa kuŋ nɛnɛ ga ashi Samɛria na m mɔ Pekahiya nɛ Agob nɛ Arie nseŋ ki ewura.

2 Bewura 15:27

Ewura Uziya ka ji Juda be kuwura be kafɛ adunu nɛ anyɔsopo to, nɛ Remaliya pibinyɛn Peka malɛ ki Israɛl be ewura nseŋ ji kuwura Samɛria to nfɛ adunyɔ.

2 Bewura 15:37

Saŋɛ so nɛ e daa la ewura na, nɛ Enyɛnpe Ebɔrɛ shuŋi Siriya be ewura Rezin nɛ Israɛl be ewura Pɛka fanɛ b ya kɔ Juda kena.

2 Bewura 16:1

Remaliya pibinyɛn Pɛka ka ji Israɛl be kuwura be kafɛ kuduashunusopo to, nɛ Jotam pibinyɛn Ahaz malɛ ki Juda be ewura.

2 Bewura 16:5

Siriya be ewura Reezin nɛ Israɛl be ewura Pɛka daŋ ya kulti Jerusalɛm na nna n wɔtɔ ŋ kɔ kumo kena, ama bumo alɛ daa maŋ tiŋ m pɔɔ ewura Ahaz so.

Aizaaya 1:1

Kubɔya nɛ Ebɔrɛ lara ŋ ŋini Aizaaya, nɛ e la Amɔz pibinyɛn, a laŋɛ Juda be efuli nɛ kadegboŋ nɛ baa tre Jerusalɛm na be kaplɛa so jemanɛ nɛ Uziya nɛ Jotam nɛ Ahaz nɛ Hɛzekaya daa ji kuwura Juda be efuli so na, e wɔ kawɔl ere to na.

Aizaaya 8:6

“Basa ere kini kechubɔr nɛ baa tre Shilowa na be nchu nɛ a bee shile yɛlyɛlbi na, nseŋ yɔ ewura Rezin nɛ ewura Pɛka be kaba so nɛ kagbenefuli.

Aizaaya 9:11

Ndoŋ nna nɛ Enyɛnpe Ebɔrɛ na shin nɛ bumo doŋana kre m ba nɛ b ba kɔ bumo kena.

Ezikɛl 27:16

Siriya be basa daŋ tɔ fo asɔ faso damta nseŋ ta yawu kpakpaso be kejembu nɛ k la kefitiribumbuŋ nɛ baa tre ‘ɛmeraldi’ na nɛ ewajɛ peper kunɔkunɔ nɛ ewajɛ nɛ jɔɔ nɛ ewajɛchɛbi lela nɛ nchu to be kefalta jembu nɛ baa tre ‘koral’ na nɛ yawu kpakpaso be ajembu peper nɛ baa tre ‘rubi’ na ŋ ka amo be kukɔ.

Hoziya 1:1

Saŋɛ so nɛ Uziya, nɛ Jotam nɛ Ahaz nɛ Hɛzekaya daa ji Juda be efuli so be kuwura, nɛ saŋɛ so nɛ Jehɔash malɛ pibinyɛn Jeroboam daa ji Israɛl be efuli so be kuwura na, nɛ Enyɛnpe Ebɔrɛ ta kubɔya ere n sa Beeri pibinyɛn Hoziya.

Maika 1:1

Kamalga ere nɛ Enyɛnpe Ebɔrɛ daŋ ta n sa Maika nɛ e daŋ shi kade nɛ baa tre Moreshɛf na. E yɛ: “Jemanɛ nɛ Jotam nɛ Ahaz nɛ Hɛzekaya daŋ ji Juda be efuli so be kuwura na, nɛ Enyɛnpetale Ebɔrɛ daŋ lara loŋ be asheŋ ere ŋ ŋini Maika a laŋɛ ndegboŋ nɛ baa tre Samɛria nɛ Jerusalɛm na be kaplɛa so.