Aizaaya 66:5 - EBƆRƐ BE KAWƆL

⁵ Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Aizaaya 66:5 ပူးပေါင်းရင်းမြစ်များ

1 Bewura 21:29

“Fo gbagba ere wu kananɛ Ahab bar mbe kumu kaseto n sa ma nna na, amoso, m maaŋ shin nɛ jɛrbi e tu mo ama mo pibi be jemanɛ so nɛ meeŋ shin nɛ jɛrbi e ba mbe kanaŋ kikɛ so.”

2 Bewura 22:10

Kumo be kaman nɛ e naŋ kaŋɛ ewura na le: “Bɔrɛmatapo nimuso Hilkiya e ta kawɔl ere n sa ma.” Kumo be kaman nɛ e kraŋ kumo awɔrso ŋ ŋini ewura na.

2 Kronikɛls 34:27

nseŋ chɛrga fo nfɛra m bar fo kumu kaseto ŋ kpɛa fo asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Juda be basa kusoe so. N nu fo kabɔrɛkule,

Ɛzra 9:4

Kagbenejija na to nɛ n chena loŋ hale n ya fo jemanɛ nɛ baa lara kaaseso be sarga na. Ndoŋ nna nɛ basa nɛ kufu kɔ bumo ŋkpal kusɔ nɛ Israɛl be Ebɔrɛ kaŋɛ a laŋɛ alubi be kaplɛa so na ba shɛr ŋ kulti ma.

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Nshɛ 38:20

Baa ta kulubi nna a ka ma kelela be kukɔ, nsaa malga a gbiti ma ŋkpal ŋ kaa bee wora alela so.

Aŋasa 13:13

Esa nɛ e bee kini kasotoji lela bee wɔtɔ mbe kumu tɔrɔ to nna, ama emo nɛ e bee shuli a sɔ kasotoji bre bee nya kumo be tɔnɔ nna.

Sɔlɔmɔn 1:6

Men sa maŋ mɛrge anishi n cha ma ŋkpal epeŋi ka chɔ ma nɛ m biri gbitigbiti so. N siponyɛnana e daŋ nya agbo n wora ma nseŋ shin nɛ n ya ka keni asɔrso nɛ baa tre greep na be ndɔ so. Nɛ m maŋ naa nya saŋɛ a sa ma eyur nɛ k ki loŋ na.

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Aizaaya 5:19

Le nɛ menyee kaŋɛ: “Shin nɛ Enyɛnpe Ebɔrɛ na e nya manaŋ n wora kusɔ nɛ e yɛ e beeŋ wora na ai, saŋɛ na so anyeeŋ wu kumo. Shin nɛ Israɛl be Ebɔrɛ cheembi na e wora asheŋ nɛ e kre na ai; n shin nɛ an wu kusɔ nɛ k wɔ mbe nfɛra to.”

Aizaaya 60:15

Menyi be kadegboŋ na maaŋ naa la kade nɛ ekama beeŋ kini n lɛ nseŋ kishi kumo be asheŋ a maa sha kumo to be keba gba na. Ama meeŋ shin nɛ k nyalɛ kebita nɛ kumo be ketre e dii. K beeŋ ki kagbenewushi be kakpa n sa bekama nɛ baaŋ chena kumo to nɛ bekama nɛ baaŋ shir kaman m ba na kikɛ.

Aizaaya 65:13

Kumo be kaman nɛ Enyɛnpetale Ebɔrɛ na naŋ kaŋɛ le: “Basa kama nɛ baa shuŋ ma nsaa wora ma kasonu na beeŋ nya n ji nseŋ nuu yilayilaso, ama akoŋ nɛ achukoŋ e naaŋ mɔ menyi alubiworapoana bre. Bumo be ŋgbene beeŋ fuli bumo ama menyi ere beeŋ ji anishinyɔr.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Jɛremaya 36:16

E ka kraŋ kumo n loge, nɛ kufu pɛ bumo nɛ b kilgi ŋ keni abar nseŋ kaŋɛ Baruk le: ‘A daga ewura ka nu demu ere!’

Hoziya 11:10

Ma basa baŋ nu ŋ ka ponte bumo doŋana so fanɛ buluŋ na, baaŋ shi epeŋitɔrkpa be kaba so n chicha kufuso m ba ŋ kutɔ.

Matiu 10:22

Ekama beeŋ kishi menyi ŋkpal ma so, ama esa kama nɛ e ji kanyiti n ya fo lalaloge na beeŋ nya kumɔlga.

Luuk 13:17

E ka bishi kesheŋ ere na nɛ anishinyɔr pɛ mo doŋana na kikɛ nɛ basa pɔtɛ malɛ be ŋgbene fuli bumo ŋkpal emamachisheŋ kama nɛ e daŋ wora so.

Baru lela nɛ Jɔn kute na 16:2

Basa beeŋ ba kaa ju menyi ashi nshɛrbuana na to be keluri to. Saŋko beeŋ ba fo nɛ esa kama nɛ e mɔ menyi beeŋ baa fɛ fanɛ Ebɔrɛ nɛ e bee shuŋ.

Baru lela nɛ Jɔn kute na 9:34

Nɛ basa na kaŋɛ: “Keni, baŋ yili fo kakurgeachɛ kikɛ nɛ fo wɔ alubi to m ba fo mbre nɛ fo ba kaa sha nɛ fo ŋini anyi asheŋ a?” B ka kaŋɛ mo loŋ n loge nɛ b ju mo nshɛrbuana na to be keluri to.

2 Tɛsalɔnikaebi 1:12

Loŋ nɛ an Nyɛnpe Yesu be ketre beeŋ nya kemaŋkura menyi kutɔ, nɛ menyi alɛ gba e bɔla an Nyɛnpe Yesu Kristo nɛ an be Ebɔrɛ be kuwɔr be kakɛ so n nya kemaŋkura ashi mo kutɔ.

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

1 Jɔn 3:13

Amoso, n niopibiana, nɛ durnya ere to ebi kishi menyi, men sa maŋ shin nɛ k baa chinchiŋ menyi.