Aizaaya 66:3 - EBƆRƐ BE KAWƆL

³ Basa kikɛ bee wora bumo be aparsheŋ nna nsaa wɔtɔ a wora mbushusheŋ kananɛ baa sha. Ŋkpal loŋ so, esa kama nɛ e ta gbolu n lara sarga n sa ma nɛ esa nɛ e mɔ esa kikɛ la kukoŋwule nna; nɛ emo nɛ e ta kpakpafɔlbi n lara sarga malɛ nɛ esa nɛ e kii jɔnɔ be kubɔ to m mɔ gba la kukoŋwule nna. Bekama malɛ nɛ baa ta ayu a lara esarga a sa ma nɛ basa nɛ baa ta epreku be ŋklaŋ a lara esarga kikɛ la kukoŋwule nna ashi ma anishito. Esa nɛ e bee chɔɔ duwu a lara sarga a sa ma nɛ emo nɛ e bee shuŋ agbir kikɛ la kukoŋwule nna.

Aizaaya 66:3 ပူးပေါင်းရင်းမြစ်များ

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 21:27

Enyɛnpe Ebɔrɛ kishi belubiworapo be sarga ga. Fɔŋfɔŋ saŋɛ nɛ b nya kumo ekpa lubi so na.

Aizaaya 44:19

Esa nɛ e bee lɔŋɛ agbir maŋ kɔ mbe kumu so be eleŋ ŋko nfɛra nɛ e tiŋ ŋ kaŋɛ le: “Ndibi na be ako nɛ n ta m puga edɛ n daŋɛ ajibi n ji nseŋ tɔ eblaŋ edɛ koŋwule na to n we na. Ndibi nɛ a ka na nɛ n ta n lɔŋɛ kegbir na. Amoso kedishiŋ fuloŋ nɛ mee gbir a bunyaŋ na!”

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Aizaaya 57:17

N daŋ nya agbo ga nna n wora bumo ŋkpal bumo be alubi nɛ kejimuni be kebaawɔtɔ so, amoso nɛ n daŋ gberge bumo kusoe nseŋ daŋ kplaŋ bumo so na. Ama b kraŋ wora kusoe kpakpaso ŋ kini a wɔ bumo be asheŋ lubi na to.

Aizaaya 65:12

Menyi be kumulela beeŋ fo ekar nɛ m bugi ekpa n shin nɛ b ta etokobi m mɔ menyi. Ŋkpal manɛ so, ŋ ka tre menyi men kini keshuli nna; menyi alɛ maŋ naŋ wɔtɔ lakal kusɔ nɛ ŋ ŋini menyi na to. Ama asɔ nɛ ŋ kishi nɛ menyi alɛ nyi k ka la kulubi na nɛ men wora.”

Aizaaya 65:2

Jemanɛ kikɛ ma ere wora shiriya nɛ n sɔ ma basa kpeŋso nɛ b sɔ bumo gbagba be ekpa a wɔtɔ a wora asheŋ lubi na nna.

Aizaaya 66:17

Menyi to be beko bee bela ase nna a yɔ adɔbi to n ya kaa shuŋ efuli pɔtɛana so be agbir cheso. Menyi alɛ bee ji epreku nɛ eshiboe nɛ asɔ damta nɛ a la ekishi n sa menyi na nna. Ma, Enyɛnpe Ebɔrɛ na beeŋ mur menyi ŋkpal loŋ so.

Jɛremaya 6:20

Ma shɛŋ maŋ wɔ eduwu nɛ baa ta a shi Shɛba be efuli so, ŋko asɔ nɛ e bee shin nɛ ajibi bee wora ebel nɛ baa ta a shi efuli wɔfɔ a bar ma na to. Bumo be esarga nɛ baa lara a sa ma na maa par ma, amoso m maaŋ sɔ amo.

Levitikɔs 2:2

m ba sa Ɛɛrɔn be mbinyɛnsobi nɛ b la bɔrɛmatapoana na. Nɛ bumo be ekoŋwule e jɔ nyifu nɛ ɔlif be ŋku be wea to na enɔ be bɔlɔ nseŋ ta duwu na n ti so n chɔɔ bɔrɛsure na so a ŋini fanɛ amo kikɛ la sarga chɔɔso nɛ amo be efɛa bee par Enyɛnpe Ebɔrɛ na nna.

Heegai 2:14

Ndoŋ nna nɛ Heegai kaŋɛ: “Enyɛnpe Ebɔrɛ na yɛ, aloŋ koŋwule na nɛ k du a laŋɛ basa ere nɛ efuli na kikɛ be kaplɛa so ŋ kutɔ. Kusɔ kama nɛ baa wora nɛ asɔ kama nɛ baa ta a lara esarga na kikɛ maŋ walɛ so.”

Ditɛronɔmi 14:8

Men sa maŋ kaa ji epreku. Amo be alotobi barga to ama amo alɛ maa gbu apla, amoso a maŋ walɛ so. Men sa maa ji asɔbɔya ere be kekama ŋko m beta amo be kuwuso gba.

Ditɛronɔmi 23:18

Kumo be kaman, ekama nɛ e wora loŋ n nya amansherbi e sa maŋ ta amo m ba Enyɛnpe Ebɔrɛ na kutɔ nɛ e ba tia kɔnɔ naseso kikɛ. Ŋkpal manɛ so, Enyɛnpe Ebɔrɛ na kishi agbirlambu to be esakale ga.

Demujipoana 10:14

Men ya shu n tre agbir nɛ menyee shuŋ na. Men shin nɛ a mɔlga menyi ashi men be etɔrɔ na to!”

Demujipoana 21:25

Israɛlebi daa maa kɔ bewura loŋ be jemanɛ na. Ekama daa wora kusɔ nɛ k par mo nna.

Demujipoana 5:8

Jemanɛ nɛ Israɛlebi lara agbir popɔr a shuŋ na, nɛ kena ku bumo be ndeana to. Ama b daa maa kɔ abɛlso be asɔ kuŋso, ŋko akpa nɛ baaŋ ta ŋ kɔ.