Aizaaya 66:24 - EBƆRƐ BE KAWƆL

²⁴ Kumo be kaman nɛ ma basa e lar kowu n ya wu basa nɛ b lar ma kaman ŋ kilgi a kɔ ma na be kebuniana. Ashushombi nɛ a beeŋ ji bumo na maaŋ wu kikɛ. Edɛ nɛ a beeŋ chɔɔ bumo m mur na malɛ gba maaŋ duŋ kikɛ. Bumo be asheŋ beeŋ keta ekama nɛ e beeŋ wu bumo kenishiso kejija.”

Aizaaya 66:24 ပူးပေါင်းရင်းမြစ်များ

Nshɛ 110:6

E beeŋ ji basa nɛ b wɔ efuli pɔtɛana so demu nseŋ shin nɛ bumo be basa e wu n deŋi abar so kasawule ere so.

Aizaaya 1:28

Ama e beeŋ mur esa kama nɛ e bee wora alubi nseŋ kini fanɛ Enyɛnpe Ebɔrɛ e baa wɔ mo na. Mo alɛ beeŋ shin nɛ esa kama nɛ e kplaŋ mo so e wu.

Aizaaya 1:31

Kananɛ edɛbi beeŋ tiŋ n shin nɛ afitiri wɔlso e chɔɔ m mur na nɛ menyi to be bejuŋkparpo lempoana gbagba be asheŋ lubi beeŋ mur bumo nɛ esa kikɛ maaŋ tiŋ n chɛ bumo to.

Aizaaya 14:11

Ejaŋjilaŋ nɛ b daa ta a boŋ nshɛ a maŋkura fo, ama naniere fo e ba bubuni to na. Ashushombi e ki fanɛ fo kusɔ dese so nɛ echɔnchɔŋ malɛ ki fanɛ keta m buu fo so na.”

Aizaaya 24:20

Kumo be kaman nɛ durnya na e baa lente fanɛ esa nɛ e boo nsa na, ŋko afugboŋ kaa bee ber kubuu so na. Durnya be alubi pɔɔ kumo so. Amoso k beeŋ mur nsaa maaŋ naaŋ tiŋ ŋ koso kikɛ.

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Aizaaya 34:10

K beeŋ baa chɔɔ kapa nɛ kanyɛ nna, nɛ edishi malɛ e baa lar kumo to hale mbaanaayɔ. Edɔm beeŋ ki keshishɛrsawule a dese nfɛ damta nɛ esa maaŋ naŋ bɔla kumo to n choŋ kikɛ.

Aizaaya 34:3

Baaŋ wu n dese m bɛa a dufɛ nɛ bumo be ŋklaŋ malɛ e shile abee so ŋ gbelge to fanɛ nchu na.

Aizaaya 48:22

Enyɛnpe Ebɔrɛ na nase kɔnɔ fanɛ alubiworapoana maaŋ nya kayurwushi kikɛ.’ ”

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Aizaaya 51:8

Ŋkpal manɛ so, baaŋ foe menyi be anishi so fanɛ kaŋkaŋ ka ji wajɛ m mur nɛ esa maaŋ naŋ wu kumo na. Ama ma kumɔlga beeŋ baa wɔtɔ mbaanaayɔ. Nɛ ma kekɔmpɔɔso be eleŋ na malɛ e baa wɔtɔ saŋkama.”

Aizaaya 65:15

Ma, Enyɛnpetale Ebɔrɛ na beeŋ shin nɛ men wu nɛ ma basa laraso e ta menyi be atre a sho basa nnɔ. Ama meeŋ sa basa nɛ baa nu a sa ma na bre atre popɔr.

Aizaaya 66:16

Edɛ nɛ tokobi nɛ Enyɛnpe Ebɔrɛ na kɔ ba nɛ e ba ji durnya to be basa kikɛ demu nɛ basa damta nɛ baaŋ ji n tɔr na e wu.

Danɛl 12:2

Basa damta nɛ b wu na beeŋ naŋ tiŋi luwu to, nɛ bumo be beko e nya ŋkpa nɛ k maŋ kɔ ekar na, nɛ beko malɛ e ji awurfoŋ nɛ anishinyɔr hale mbaanaayɔ.

Zakareya 14:12

Enyɛnpe Ebɔrɛ na beeŋ shin nɛ kulɔ lubi e tɔr efuli pɔtɛana be basa nɛ baa kɔ Jerusalɛm kena na so. Bumo be eyurana nɛ anishi nɛ adonduloŋ kikɛ beeŋ bɛ a bɛlge nɛ b kraa keni.

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”