Aizaaya 66:22 - EBƆRƐ BE KAWƆL

²² Ade be kaman nɛ Enyɛnpe Ebɔrɛ na naaŋ kaŋɛ le: “Kananɛ ebɔrɛso popɔr nɛ kasawule popɔr nɛ meeŋ to na beeŋ bɔla ma eleŋgboŋ so a wɔtɔ mbaanaayɔ na, nɛ menyi alɛ gba be ketre nɛ kaman to ebi beeŋ baa wɔtɔ mbaanaayɔ.

Aizaaya 66:22 ပူးပေါင်းရင်းမြစ်များ

Aizaaya 48:19

Menyi be kaman to ebi beeŋ wora keshi fanɛ shishɛr, nɛ ma alɛ e shin nɛ b sa maŋ mur kikɛ

Aizaaya 51:16

Ma e ŋini menyi kamalga nseŋ ta ma enɔana a kuŋ menyi. Ma nɛ n to esoso nɛ kasawule na e kaŋɛ basa nɛ b wɔ Jerusalɛm to fanɛ b la ma basa nna!”

Aizaaya 53:10

Kumo be kaman nɛ Enyɛnpe Ebɔrɛ na kaŋɛ le: “Ma keparso nɛ ma kenya bee ji awurfoŋ. Mbe luwu na la sarga nɛ k beeŋ bar alubi be ketampaŋ m ba sa basa pɔtɛ nna. Amoso e beeŋ naŋ wu mbe kaman to ebi kenishiso nsaa wɔ ŋkpa to n chɛr. Mo so nɛ kusɔ nɛ ŋ kre kikɛ beeŋ wora m bɔlɔ so nɛnɛ.

Aizaaya 56:5

kumo ere baaŋ baa nyiŋi fo ketre ma bɔrɛlambu to nɛ ma basa to n chɛr a chɔ fo ka beeŋ baa kɔ mbia gba. Basa maaŋ teŋ fo so kikɛ.”

Aizaaya 59:21

Ma alɛ bee nase kɔnɔ nna fanɛ meeŋ sa menyi ma Kiyoyu nɛ keŋini nɛ a baa wɔ menyi to mbaanaayɔ. Yili kabre a yɔ, menyeeŋ baa wora ma kasonu nsaa ŋini menyi be mbia nɛ kaman to ebi nɛ bumo alɛ gba e baa wora ma kasonu mbaanaayɔ.”

Aizaaya 61:8

Ŋkpal manɛ so, Enyɛnpe Ebɔrɛ na bee sha kebaawora asheŋ nɛ amo be ekpa so nna. Ama kasuge nɛ kapuni bre, e kishi amo. Mo e nase mbe basa kɔnɔ kashenteŋto fanɛ e beeŋ nɛfa bumo mbaanaayɔ na.

Aizaaya 61:9

Bumo be ketre beeŋ dii a chɔ efuli pɔtɛana peya. Ekama nɛ e wu bumo beeŋ pin fanɛ b la basa nɛ Enyɛnpe Ebɔrɛ nɛfa nna.

Aizaaya 65:17

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Mee to durnya nɛ ebɔrɛso popɔr nna. Asheŋ dra na kikɛ choŋ nɛ n teŋ amo so kuraa.

Aizaaya 65:23

Bumo be ashuŋ beeŋ nyalɛ n sa bumo nɛ bumo be mbia malɛ maaŋ naaŋ lɔ alɔ lubi n wu. Meeŋ nɛfa bumo nɛ bumo be kaman to ebi kikɛ.

Jɛremaya 33:20

“N yili kapa nɛ kanyɛ jemanɛ nɛ a daga fanɛ a baa ba nna. Kusɔ nɛ n yili n sa amo na malɛ maaŋ tiŋ n chɛrga kikɛ.

Jɛremaya 33:21

A loŋ nɛ n nase kɔnɔ n sa ma kenya ewura Deevid gba, fanɛ jemanɛ kikɛ mbe kaman to ebi e naaŋ baa ji kuwura nɛ Livai be yiri to be basa e baa la bɔrɛmatapoana a shuŋ ma jemanɛ kikɛ. Loŋ be kɔnɔ naseso na malɛ maaŋ tiŋ n chɛrga kikɛ.

Zefanaiya 3:20

Loŋ be jemanɛ na, meeŋ gama menyi be basa abar so m bar bumo epe. Ma alɛ beeŋ shin nɛ menyi be ketre e dii durnya kikɛ to, nseŋ shin nɛ men naŋ dii dama.’ ” Ma, Enyɛnpe Ebɔrɛ e kaŋɛ na!

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

2 Pita 3:13

Ama mbe kɔnɔ nɛ e nase na so nɛ anyee keni esoso popɔrana na nɛ kasawule popɔr na ekpa, ndoŋ nɛ Ebɔrɛ be anishito be alelasheŋ wɔ na.

Kelaraŋŋini 21:1

Ndoŋ nna nɛ n wu ebɔrɛso popɔr nɛ kasawule popɔr, ŋkpal manɛ so, ebɔrɛso dra na nɛ kasawule dra na daa maŋ naa wɔtɔ nɛ etekuana malɛ gba daa maŋ naa wɔtɔ.