Aizaaya 66:2 - EBƆRƐ BE KAWƆL

² Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Aizaaya 66:2 ပူးပေါင်းရင်းမြစ်များ

1 Bewura 21:29

“Fo gbagba ere wu kananɛ Ahab bar mbe kumu kaseto n sa ma nna na, amoso, m maaŋ shin nɛ jɛrbi e tu mo ama mo pibi be jemanɛ so nɛ meeŋ shin nɛ jɛrbi e ba mbe kanaŋ kikɛ so.”

2 Bewura 22:10

Kumo be kaman nɛ e naŋ kaŋɛ ewura na le: “Bɔrɛmatapo nimuso Hilkiya e ta kawɔl ere n sa ma.” Kumo be kaman nɛ e kraŋ kumo awɔrso ŋ ŋini ewura na.

2 Bewura 22:11

Ewura na ka nu kusɔ nɛ k wɔ mbra be kawɔl na to nɛ e kpɛa mbe asɔbuuso to kagbenejijaso,

Ɛzra 10:3

To, men shin nɛ an nase kɔnɔ fanɛ anyeeŋ yige loŋ be beche na nseŋ lara bumo nɛ bumo be mbia be asheŋ ashi anyi be asheŋ to nseŋ wora asheŋ fanɛ kananɛ fo nɛ bekama nɛ baa ŋana Ebɔrɛ bee kaa ji anyi asoe to a kaŋɛ na, saŋɛ na so anyeeŋ wora asheŋ m bɛ Ebɔrɛ be mbra na so.

Ɛzra 9:4

Kagbenejija na to nɛ n chena loŋ hale n ya fo jemanɛ nɛ baa lara kaaseso be sarga na. Ndoŋ nna nɛ basa nɛ kufu kɔ bumo ŋkpal kusɔ nɛ Israɛl be Ebɔrɛ kaŋɛ a laŋɛ alubi be kaplɛa so na ba shɛr ŋ kulti ma.

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Nshɛ 119:161

Kenyanyaŋɛso nɛ bewurjipo bee kɔ ma; ama ma ere bee sa fo kamalga bunyaŋ ashi ma kagbene to nna.

Nshɛ 138:6

Fo, Enyɛnpe Ebɔrɛ na wɔ esoso ga, ama kumubarasewuraana be asheŋ tir fo; kamoowuwuraana malɛ maaŋ tiŋ ŋ ŋana fo so.

Nshɛ 34:18

Enyɛnpe Ebɔrɛ na taga basa nɛ bumo be aba pɔ bumo na to nna. E bee mɔlga bekama nɛ b maŋ naa kɔ tama na nna.

Nshɛ 51:17

Esa be kagbene be kejija mo ga ŋkpal alubi so e naa bɔlɔ fo kenishi.

Nshɛ 51:19

Saŋɛ na so baaŋ lara esarga cheembi nɛ esarga chɔɔso nɛ a bee par fo, nseŋ ta egbolu n lara sarga n sa fo.

Aŋasa 28:14

Esa kama nɛ e bee ŋana Ebɔrɛ bee nya nɛfa nna, ama esa kama nɛ e kɔ kagbene kpakpaso bre bee luri asheŋ to nna.

Aŋasa 29:23

Kamoowu bee bar esa kaseto nna, ama kamoobarase bee sa esa kemaŋkura nna.

Aizaaya 40:26

Maŋ anishi so ŋ keni awɔlpa so! Wanɛ e to achɛkpabi nɛ fee wu ere? Mo ere Ebɔrɛ nɛ e bee juŋkpar amo fanɛ benapo be ejuŋkparpo na, e nyi kananɛ amo kikɛ sa nɛ amo be kekama be ketre! Enyɛnpe Ebɔrɛ na be yuku shi ga, nɛ achɛkpabi na be kekama maa foe mo so.

Aizaaya 41:20

Saŋɛ na so basa beeŋ wu loŋ nseŋ pin fanɛ ma, Enyɛnpe Ebɔrɛ na e shin nɛ k wora. Kumo be kaman nɛ b pin to fanɛ Israɛl be Ebɔrɛ cheembi na e shin nɛ loŋ wora.”

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Hoziya 11:10

Ma basa baŋ nu ŋ ka ponte bumo doŋana so fanɛ buluŋ na, baaŋ shi epeŋitɔrkpa be kaba so n chicha kufuso m ba ŋ kutɔ.

Maika 6:8

Ayai, Enyɛnpe Ebɔrɛ na teŋ kaŋɛ anyi kusɔ nɛ k walɛ. Kusɔ nɛ e bee fin anyi kutɔ e la, kebaawora asheŋ nɛ amo be ekpa so nɛ kebaa ŋini kasha nsaa kɔ kamubrase a nu a sa mo.

Habakuk 3:16

Ŋ ka nu ade kikɛ be asheŋ nɛ kufu pɛ ma; hale nɛ ma kɔnɔ bee chicha. Ma eyur daŋ yuri ma nna nɛ awo dii ma nɛ n fara a fiti a fiti jijiga. Ama meeŋ ji kanyiti n jo kachɛ nɛ Ebɔrɛ beeŋ gberge efuli nɛ k bee kɔ anyi kena na kusoe.

Matiu 12:6

Ma e kaŋɛ menyi na fanɛ emo nɛ e chɔ bɔrɛlambu na e wɔ nfe na.

Ashuŋ Shunso 7:50

Mannɛ ŋ gbagba e to loŋ be asɔ na kikɛ a?’

Ashuŋ Shunso 9:6

Niŋi to n yɔ kade to nɛ b ŋini fo kusɔ nɛ k daga nɛ fo wora.”

Filipaiebi 2:12

Amoso, n teri shasoana, men baa kraa nu a sa ma fanɛ kananɛ men chɛr a wora na, mannɛ fanɛ saŋɛ nɛ n wɔ menyi kutɔ nawule, ama saŋɛ nɛ m maŋ wɔ menyi kutɔ gba a chɔ ŋ ka wɔ men kutɔ. Men baa ta kagbene ŋana asheŋ ŋ kraa kɔ a fin men be kumɔlga kikɛ be kenya.

Kɔlɔsiebi 1:17

Mo e daŋ asɔ kikɛ kebaawɔtɔ, mo e kɔ amo kikɛ to. Mo e wɔ asɔriebi fanɛ kananɛ esa wɔ mbe kumu na, mo e naa sa bumo ŋkpa,