Aizaaya 66:18 - EBƆRƐ BE KAWƆL

¹⁸ N nyi asɔ nɛ menyee fɛ nsaa wora kikɛ! Naniere jemanɛ fo nɛ ŋ gama efuli pɔtɛana na be basa nɛ bumo nɛ baa gbar ŋgbar pɔtɛ na abar so nɛ b ba wu ma kemaŋkura,

Aizaaya 66:18 ပူးပေါင်းရင်းမြစ်များ

Job be kawɔl 42:2

“Enyɛnpe Ebɔrɛ, n nyi fanɛ fo e la Enyɛnpetale Ebɔrɛ na. Ma alɛ nyi fanɛ feeŋ tiŋ n wora kusɔ kama nɛ fee sha.

Nshɛ 139:2

Fo nyi jemanɛ nɛ mee wushi ŋko a shuŋ; n wɔ kufɔ a maŋ taga fo to gba fo nyi, fo nyi kusɔ nɛ k wɔ ma nfɛra to kikɛ.

Nshɛ 67:2

nɛ ekama durnya ere to e pin fo ekpa na, nɛ efuliana na kikɛ be basa e wu fo kumɔlga na.

Nshɛ 72:11

Kumo be kaman nɛ bewura kikɛ e ba jɔŋɛ mo ase. Nɛ efuliana na be basa kikɛ e shuŋ mo.

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Nshɛ 82:8

O Ebɔrɛ, koso n ji durnya demu, ŋkpal manɛ so, efuliana na kikɛ la fo peya nna.

Nshɛ 86:9

Efuliana nɛ fo to ere be basa beeŋ ba jɔŋɛ fo ase m bunyaŋ fo n shin nɛ fo ketre e nya kemaŋkura.

Nshɛ 94:11

Enyɛnpe Ebɔrɛ na nyi dimɛdi kikɛ be nfɛra ka la nfɛra fuloŋ a maŋ kɔ tɔnɔ.

Nshɛ 97:6

Ebɔrɛso bee ber mbe kebaawɔtɔ niŋiso be kebomboŋ nna, nɛ efuliana na kikɛ be basa bee wu mbe kemaŋkura.

Aizaaya 11:9

Kusɔ lubi kikɛ maaŋ naa wɔ Ebɔrɛ be kebee cheembi nɛ baa tre Zayɔn na so. Kananɛ nchu bɔlɔ teku to na, aloŋ nɛ basa nɛ b nyi nsaa bunyaŋ Enyɛnpe Ebɔrɛ na gba beeŋ baa kaa shi kasawule na so.

Aizaaya 2:2

Lalaloge be nchɛ na to kebee nɛ Enyɛnpe Ebɔrɛ na be bɔrɛlambu na yil so na beeŋ ba ki abee kikɛ to be kejeŋgreŋ, nɛ efuli damtaana be basa e shile m ba kumo ase

Aizaaya 37:28

Ama ma ere nyi kusɔ kama a laŋɛ fo kaplɛa so. N nyi kusɔ nɛ fee wora nɛ kakpa nɛ fee yɔ kikɛ. Ma alɛ naa nyi kananɛ fee nya agbo ga a wora ma.

Aizaaya 40:5

Saŋɛ na so, Enyɛnpe Ebɔrɛ na be keshi nɛ kemaŋkura beeŋ lar efuli nɛ basa kikɛ e wu kumo. Enyɛnpe Ebɔrɛ na gbagba e nase kumo be kɔnɔ!”

Aizaaya 45:22

Mee pla enɔ a tre durnya kikɛ to be basa nna, nɛ b kilgi m ba ma kutɔ nseŋ nya kumɔlga. N nawule kpeŋ e la Ebɔrɛ a wɔtɔ.

Aizaaya 52:10

Enyɛnpe Ebɔrɛ na beeŋ ta mbe eleŋgboŋ m mɔlga mbe basa ashi bumo doŋana be enɔ to, saŋɛ na so durnya to ebi kikɛ beeŋ wu kumo.

Aizaaya 55:8

Enyɛnpe Ebɔrɛ na yɛ: “Ma nfɛra fɛso maŋ du fanɛ menyi be nfɛra fɛso. Ma alɛ be ekpa nɛ mee bɔla so a wora asheŋ kɔr menyeya to.

Aizaaya 56:8

Enyɛnpetale Ebɔrɛ nɛ e keta mbe basa Israɛlebi n shi kenyaya to ashi efuli pɔtɛ wɔfɔ so m ba na e nase kɔnɔ fanɛ e beeŋ bar basa pɔtɛ m ba ti bumo so.

Aizaaya 57:12

Menyee fɛ fanɛ kusɔ nɛ menyee wora na daga nna, ama meeŋ shin nɛ menyi be asheŋ woraso e lar efuli nɛ menyi be agbirana e chɛ menyi to ŋ gben.

Aizaaya 59:7

Jemanɛ kikɛ asheŋ lubi nɛ menyee kre nsaa nya manaŋ a wora amo. Basa nɛ b maŋ wora shɛŋ be kemɔ maŋ du menyi so kpakpa. Basa nɛ asɔ be kejija n lɛ nɛ kemur nɛ menyee yige kaman ashi kaplɛkama nɛ men yɔ.

Aizaaya 65:2

Jemanɛ kikɛ ma ere wora shiriya nɛ n sɔ ma basa kpeŋso nɛ b sɔ bumo gbagba be ekpa a wɔtɔ a wora asheŋ lubi na nna.

Aizaaya 66:10

Menyi kikɛ nɛ menyee sha Jerusalɛm be kadegboŋ be asheŋ, men tu kumo n ji eyur! Menyi nɛ menyi be ŋgbene jija ŋkpal kumo so na e tu kumo n ji eyur naniere!

Jɛremaya 16:17

Mee wu kusɔ kama nɛ baa wora nɛ shɛŋ maŋ ŋana ma so. Bumo be alubi maa baŋ ma kenishi so.

Jɛremaya 3:17

Jemanɛ na kaŋ fo, Jerusalɛm be kadegboŋ na beeŋ baa la Enyɛnpe Ebɔrɛ na be Kuwurputiakpa, nɛ efuli pɔtɛana na so be basa kikɛ e baa kaa gama ndoŋ a shuŋ ma. B maaŋ naa wora asheŋ lubi nɛ e wɔ bumo be ŋgbene kpakpaso to na.”

Ezikɛl 38:10

Kusɔ nɛ Enyɛnpetale Ebɔrɛ na bee kaŋɛ Gɔg nde: “Jemanɛ na kaŋ fo, feeŋ fara a fɛ ŋkre lubi.

Ezikɛl 39:21

Amo kikɛ be kaman, nɛ Enyɛnpe Ebɔrɛ na naŋ kaŋɛ le: “Meeŋ shin nɛ efuliana na e wu ma kemaŋkura nɛ ŋ ŋini bumo kananɛ mee wora asheŋ nɛ ŋ ŋkre ma eleŋ to na.

Jowɛl 3:2

Meeŋ gbargbar efuli pɔtɛana kikɛ so ebi m ba shɛr ketaŋɛ nɛ baa tre Jehoshafat na to n ji bumo demu ŋkpal asɔ lubi kama nɛ b wora ma basa na so. B pesaŋ Israɛlebi na to n wɔtɔ efuli pɔtɛana to nseŋ ta ma kasawule m barga to n sa abar.

Eemɔs 5:12

N nyi men be alubi damta nɛ menyee wora, nsaa nyi kananɛ menyee puni nsaa tɔrɔ basa lela. Menyee sɔ brɔbu nna nsaa ji betirpo durmu ashi demujikpa.

Zakareya 14:16

Kumo be kaman nɛ basa nɛ baaŋ ji efute ashi efuli pɔtɛana nɛ b daŋ kɔ Jerusalɛm kena na e baa yɔ Jerusalɛm to kafɛ kikɛ n ya kaa bunyaŋ Enyɛnpetale Ebɔrɛ na fanɛ bumo be ewura nsaa ji Abuu to be Kachɛgboŋ na.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Matiu 12:25

Ama Yesu pin bumo be nfɛra na nseŋ kaŋɛ bumo le: “Ewura kama nɛ mbe basa barga to a kɔ abar kena, kuwura na maaŋ chɛr ŋkeŋ tɔr. Nɛ kade kama ŋko kakurge koŋwule kama to ebi baŋ barga to a kɔ abar kena, kade na ŋko kakurge na beeŋ jija.

Matiu 9:4

Ndoŋ nna nɛ Yesu pin bumo be nfɛra na nseŋ bishi bumo:

Luuk 5:22

Ndoŋ nna nɛ Yesu pin bumo be nfɛra na nseŋ bishi bumo: “Manɛ nna nɛ menyee fɛ le be nfɛra?

Baru lela nɛ Jɔn kute na 17:24

“Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

Baru lela nɛ Jɔn kute na 5:42

Ama n nyi menyi, men maŋ kɔ kasha a sha Ebɔrɛ menyi be ŋgbeneana to.

Romebi 16:26

Naniere bre, ŋkpal asɔ nɛ anebiana na sibɛ n nase na so so, kashenteŋ na dii efuli nna. Ŋkpal Ebɔrɛ nɛ e wɔ ŋkpa to na saŋkikɛ be kusɔ nɛ e yili na so, kusɔ kama bugi to nna n dese a sa efuli kama so ebi, saŋɛ na so, baaŋ yirda nseŋ nu n sa Ebɔrɛ.

1 Kɔrintebi 3:20

Abɔrɛsibɛ na kraŋ naa kaŋɛ kaboŋ ko fanɛ: “Enyɛnpe na nyi benyiashempo be nfɛra ka la nfɛra fuloŋ.”

Ditɛronɔmi 31:21

Kumo be loŋ beeŋ shin nɛ kumu lubi gboŋgboŋi e ba bumo nɛ bumo be kaman to ebi so. Ama b kraa beeŋ baa boŋ kashɛ ere nɛ k baa ji shɛda a gbiti bumo. Pɔɛŋ nɛ meeŋ keta bumo n yɔ kasawule nɛ n nase kumo be kɔnɔ n sa bumo na gba so, n tea nyi kusɔ nɛ baa fɛ.”

Hibruwebi 4:12

Ŋkpal manɛ so, Ebɔrɛ be kamalga na kɔ ŋkpa nɛ eleŋ nna a ji a chɔ tokobi jinnɔnyɔ. K bee tiŋ a ku a barga nfɛra nɛ kiyoyu to nseŋ naa tiŋ a barga awibichɛkpa nɛ nfɔ to, ŋ gbrɛ a tiŋ a ji basa be nfɛra to be asɔ shaso nɛ bumo be ŋgbene to be nfɛra fɛsoana demu.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.

Kelaraŋŋini 2:2

N nyi men be aworbi kikɛ a nyi kananɛ men shuŋ ga nseŋ naa nyi kananɛ men kɔ kanyiti a yil to. N nyi kananɛ menyi nɛ basa lubi maaŋ tiŋ n chena nsaa nyi fanɛ men wora basa nɛ b yɛ b la beshuŋipoana, bumo alɛ ŋkaa maŋ la na ŋ keni n wu fanɛ befɛpo e la bumo.

Kelaraŋŋini 2:9

N nyi men be etɔrɔ nsaa nyi men be ketir be asheŋ, ama kashenteŋ bre, damawuraana e la menyi. Ma alɛ kraŋ naa nyi mmalga lubi mo nɛ basa nɛ baa tre bumo be amu Juwebi, bumo alɛ ŋkaa maŋ la na bee malga a gbiti menyi, ama bumo alɛ la Setani be katuŋ to be basa nna.