Aizaaya 66:14 - EBƆRƐ BE KAWƆL

¹⁴ Men kaŋ wu le ka bee wora, menyi be ŋgbene beeŋ fuli menyi nɛ men nya eleŋ nɛ alenfia. Aloŋ nɛ menyeeŋ pin fanɛ ma, Enyɛnpe Ebɔrɛ na bee chɛ basa nɛ baa wora ma kasonu na to nna; ma alɛ nsaa shin nɛ ma agbo bee ba n doŋana so.”

Aizaaya 66:14 ပူးပေါင်းရင်းမြစ်များ

Ɛzra 7:9

Kufɔl juŋkparso na be kachɛ juŋkparso na nɛ e daŋ koso Babilɔn be efuli so nseŋ ba fo Jerusalɛm kufɔl nusopo na be kachɛ juŋkparso. Ŋkpal manɛ so, Ebɔrɛ be kuwɔr wu be nɛfa daa wɔ anebi Ɛzra so nna.

Ɛzra 8:18

Ŋkpal Ebɔrɛ be kuwɔrwu ka daa wɔ anyi so so, Livainyɛn ko nɛ e shi Maali be kabuna nɛ baa tre mo Shɛribiya na nɛ b daŋ lara n sa anyi. E daa shuŋ ga. Mo nɛ mbe mbinyɛnsobi nɛ mo siponyɛnsoana kuduaburwa e daŋ ba.

Ɛzra 8:22

K daa beeŋ baa la nyɔmɔ nna n sa ma, fanɛ an ka beeŋ kaŋɛ ewura fanɛ e sa anyi esoji nɛ b baa kuŋ anyi ashi an doŋana kutɔ ashi anyi be enite ere to. Ŋkpal manɛ so, n daŋ kaŋɛ mo fanɛ an be Ebɔrɛ na bee nɛfa esa kama nɛ e ta mo yirda ŋ wɔtɔ mo to nna. Ebɔrɛ malɛ be kagbene maa fuli esa kama nɛ e kplaŋ mo so so. E bee gberge loŋ be esa kusoe nna.

Ɛzra 8:31

Kufɔl juŋkparso na be kachɛ kudu anyɔsopo na nɛ an fara n shi Ahava be kabombi na ase a yɔ Jerusalɛm. Anyi nɛ anyi be Ebɔrɛ e daa la nɛ e daa kuŋ anyi nɛ an doŋana maaŋ kuŋ anyi ekpa n tu anyi ŋ kɔ ŋko beyu e kuŋ anyi ekpa n suge anyi be asɔ.

Nshɛ 107:42

Menyeeŋ wu le be asheŋ ere nɛ menyi be ŋgbene e fuli, ŋkpal men ka bee wora Enyɛnpe Ebɔrɛ na kasonu so. Ama kumukpakpasowuraana bre maaŋ nya nnɔ bugi gba.

Aŋasa 17:22

Kebaa du wasawasa bee teŋi esa be ŋkpa so nna; ama saŋkama be kenishitogbir bee ku esa be ŋkpa so manaŋ manaŋ nna.

Aŋasa 3:8

Nɛ fo baa wora loŋ, k beeŋ baa du fanɛ kudur lela nna a chɛ fo, nsaa wushi fo eyur to be ebesa.

Aizaaya 10:5

Ndoŋ nna nɛ Enyɛnpe Ebɔrɛ na kaŋɛ: “N ta Asiriya fanɛ kaprɛ nna nɛ ŋ gberge basa nɛ n nya agbo n wɔtɔ na kusoe.

Aizaaya 13:5

B shi efuli wɔfɔ wɔfɔ nɛ a wɔ durnya be lalaloge to nna a ba. Enyɛnpe Ebɔrɛ na malɛ e kaa kagbene n ta mbe akɔsɔ a ba nɛ e ba mur Babilɔn be efuli kikɛ.

Aizaaya 26:19

Anyi be basa nɛ b wu na beeŋ naŋ ba ŋkpa to! Bumo be eyurana beeŋ naŋ bɛta m ba ŋkpa to. Bekama nɛ baa di bumo be nchaŋana to na beeŋ naŋ koso m boŋ nshɛ kagbenefuliso Kananɛ kachipurso be bunyaŋ bee shin nɛ nsawule bee wushi na, loŋ nɛ Enyɛnpe Ebɔrɛ na beeŋ naŋ tiŋi basa nɛ b wu dra dra na.

Aizaaya 26:20

Ma basa, men luri menyi be ebuana to nseŋ ti menyi be amu so n wɔtɔ. Men ŋana ndoŋ gbrɛbi, n ya fo fanɛ Enyɛnpe Ebɔrɛ na be agbo ka beeŋ wushi.

Aizaaya 30:27

Enyɛnpe Ebɔrɛ na be eleŋgboŋ nɛ kemaŋkura shi kufɔ kufɔ a ba. Edɛ nɛ edishi e naa ŋini mbe agbo. E malga nɛ mbe kɔnɔ to be mmalga bee chɔ fanɛ edɛ na.

Aizaaya 33:20

Men to anishi ŋ keni Zayɔn be kebee nɛ anyee ji anyi be nchɛgboŋ kumo so na. Menyeeŋ wu fanɛ Jerusalɛm la kakpa nɛ anyi beeŋ tiŋ n nya anyi be amu a wɔtɔ nna. K du fanɛ wajɛbu nɛ k yil a maa gbuŋgbuŋ nna. Kumo be ayir maa tia nɛ kumo be efɔlana malɛ gba maa tuge to kikɛ.

Aizaaya 34:2

Eyɛnpe Ebɔrɛ na nya agbo n wɔtɔ efuli pɔtɛana na nɛ amo be benapo kikɛ. Mo alɛ yili kumo fanɛ bumo kikɛ beeŋ mur.

Aizaaya 35:2

Kiyi beeŋ purge kaplɛkama nseŋ boŋ kagbenefuli be nshɛ. K beeŋ baa walɛ fanɛ Lebanɔn be abee nsaa kɔ eleŋ fanɛ kebee nɛ baa tre Kamɛl na, ŋko ketaŋɛ nɛ baa tre Sharɔn na be adɔsawule. Kumo be kaman nɛ ekama e wu Enyɛnpe Ebɔrɛ na be kemaŋkura, nɛ mbe keshi nɛ eleŋgboŋ.

Aizaaya 41:20

Saŋɛ na so basa beeŋ wu loŋ nseŋ pin fanɛ ma, Enyɛnpe Ebɔrɛ na e shin nɛ k wora. Kumo be kaman nɛ b pin to fanɛ Israɛl be Ebɔrɛ cheembi na e shin nɛ loŋ wora.”

Aizaaya 42:13

Enyɛnpe Ebɔrɛ na bee lar nna n ya kaa kɔ fanɛ enapo na; e bela ase nna nseŋ wora shiriya a jo kena. E beeŋ boŋ to awɔrso ŋ kaŋɛ kena be asheŋ, e beeŋ kɔ m pɔɔ mo doŋana so.

Aizaaya 58:11

Ma, Enyɛnpe Ebɔrɛ na malɛ beeŋ baa juŋkpar menyi nsaa sa menyi asɔ lela nɛ a beeŋ baa kukwe menyi jemanɛ kikɛ. Ma alɛ beeŋ baa sa menyi eleŋ nɛ alenfia a ti so. Menyi alɛ beeŋ baa du fanɛ kambɔl nɛ k bee nya nchu nɛnɛ ŋko kabombi nɛ k maa wɔlto kikɛ na nna.

Aizaaya 59:18

Enyɛnpe Ebɔrɛ na beeŋ gberge mo doŋana nɛ b wɔ kufɔ nɛ bumo nɛ b taga to kikɛ kusoe agbo so, ŋkpal kusɔ nɛ b wora mbe basa so.

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Zakareya 10:7

Israɛl be basa na beeŋ baa kɔ eleŋ fanɛ benapo, nsaa kɔ kagbenefuli fanɛ eyabra nuupo. Bumo be kaman to ebi beeŋ baa nyiŋi kekɔmpɔɔso ere nɛ bumo be ŋgbene a fuli ŋkpal kusɔ nɛ Enyɛnpe Ebɔrɛ na wora so.

Malakai 3:18

Ndoŋ nɛ ma basa beeŋ pin basa niŋiso nɛ basa lubi na be mbarga, nseŋ naŋ pin basa nɛ baa shuŋ ma nɛnɛ nɛ bumo nɛ b maa shuŋ ma na be mbarga.”

Baru lela nɛ Jɔn kute na 16:22

To, loŋ nɛ k du n sa menyi alɛ gba. Naniere bre, men be ŋgbene jija menyi nna, ama a wora gbrɛ, meeŋ naŋ wu menyi nɛ menyi be ŋgbene e fuli menyi nɛ esa kikɛ malɛ maaŋ tiŋ n lara loŋ be kagbenefuli na ashi menyi to.

Hibruwebi 10:27

Kusɔ nɛ k baŋ ka n daga kaŋana e la fanɛ b baa tama kasogberge nɛ edɛ wuloŋwuloŋ nɛ a beeŋ chɔɔ Ebɔrɛ mo doŋana kikɛ m mur na.