Aizaaya 66:11 - EBƆRƐ BE KAWƆL

¹¹ Ŋkpal manɛ so, kumo be kemaŋkura nɛ kedamaya kikɛ beeŋ suse menyi alɛ gba fanɛ kananɛ kebibi bee nya a nyipo mo nio be anyipo na.

Aizaaya 66:11 ပူးပေါင်းရင်းမြစ်များ

Nshɛ 36:8

Fee wora kejigboŋ nna a sa fo befɔ ashi fo laŋ to. Fo kasha nɛ fo kɔ a sa anyi na baŋ anyi be nfɛra so.

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Aizaaya 60:1

Jerusalɛmebi, men koso n nyɛkpɛ n fulto fanɛ epeŋi. Karechɛ popɔr bee chɛ menyi so nna na. Ŋkpal manɛ so, Enyɛnpe Ebɔrɛ be kemaŋkura nyaŋɛ n yuu menyi so nna!

Aizaaya 60:16

Efuli pɔtɛana be bewura nɛ bumo be basa beeŋ ta bumo be asɔ lela ŋ keni menyi be kadegboŋ na so, fanɛ kananɛ ebinio bee bela mbe mbia na. Saŋɛ na so nɛ men pin fanɛ ma, Enyɛnpetale Israɛl be Ebɔrɛ na e mɔlga menyi nseŋ sɔ menyi n yige.

Aizaaya 60:2

Tentembiri beeŋ buu durnya nɛ kumo be basa kikɛ so. Ama Enyɛnpe Ebɔrɛ na be kemaŋkura be kefulto beeŋ nyaŋɛ n yuu menyi ere so a ŋini fanɛ e wɔ menyi kutɔ.

Aizaaya 60:5

Menyi alɛ beeŋ wu loŋ nɛ men be ŋgbene e fuli menyi ga. Kagbenefuli be ga beeŋ shin nɛ men baa chicha. Baaŋ sulɔ efuli pɔtɛana nɛ awɔ teku be kaba ndoŋ na be asɔ lela nɛ kanya m ba sa menyi.

Aizaaya 62:2

Efuli pɔtɛana na beeŋ wu kananɛ fo, Jerusalɛm kɔ m pɔɔ so! Bumo be bewura kikɛ beeŋ wu fo kemaŋkura. Feeŋ nya ketre popɔr nɛ Enyɛnpe Ebɔrɛ gbagba beeŋ sa na.

Jowɛl 3:18

Loŋ be kachɛ na ndibi nɛ b kɔ amo be asɔrso a wora nsa na beeŋ wora keshi nɛ asɔbɔya e chase abee so. Juda be efuli so be mbombi malɛ maaŋ naŋ wɔlto kikɛ. Nchu beeŋ shi bɔrɛlambu na to n shile n ya kaa luri ndibi nɛ baa tre akasia nɛ a yil ketaŋɛ to na to.

1 Pita 2:2

Men baa sha kashenteŋ be abɔrɛsheŋ na ga fanɛ kananɛ mbi popɔrbi bee sha kenyipo na, saŋɛ na so menyeeŋ bɔla amo so n yɔ anishito ashi men be kumɔlga ere to.