Aizaaya 66:1 - EBƆRƐ BE KAWƆL

¹ Enyɛnpe Ebɔrɛ yɛ: “Ebɔrɛso e la ma kuwurjiakpa nɛ kasawule so malɛ la ma aya be kusɔ yiliso so. Nɛ nuso be ebu nɛ menyeeŋ naŋ pɔr n sa ma nɛ n naŋ chena to ŋko nnɛ nɛ meeŋ naŋ chena n wushi?

Aizaaya 66:1 ပူးပေါင်းရင်းမြစ်များ

1 Bewura 8:27

Ebɔrɛ beeŋ tiŋ a wɔ edimɛdi to durnya ere to a? Esoso kikɛ gba maaŋ tiŋ n sɔ fo. Nɛ nuso nɛ bɔrɛlambu nɛ m pɔr ere bre beeŋ tiŋ n sɔ fo?

1 Kronikɛls 28:2

Ewura Deevid daŋ niŋito nna n yili bumo be anishito nseŋ kaŋɛ bumo le: “Ma basa, men nu nfe. N daa sha kepɔr bɔrɛlambu nɛ ŋkre be deka na beeŋ baa wɔtɔ ndoŋ nna mbaanaayɔ, saŋɛ na so anyeeŋ baa yɔ ndoŋ n ya ka bunyaŋ Enyɛnpe Ebɔrɛ na. N wora asɔ kama nɛ a daga fanɛ an ta m pɔr loŋ be bɔrɛlambu na be shiriya

2 Kronikɛls 2:5

Mee sha kepɔr bɔrɛlambu nɛ k shibi ga nna, ŋkpal manɛ so, anyi be Ebɔrɛ na kɔ eleŋ a chɔ kegbir kikɛ.

2 Kronikɛls 6:18

Fo Ebɔrɛ beeŋ tiŋ a wɔ edimɛdi to durnya ere to a? Esoso kikɛ gba maaŋ tiŋ n sɔ fo. Nɛ nuso nɛ bɔrɛlambu nɛ m pɔr ere bre beeŋ tiŋ n sɔ fo?

Nshɛ 11:4

Enyɛnpe Ebɔrɛ na wɔ mbe bɔrɛlambu cheembi na to. E tase mbe kuwurputi so ashi ebɔrɛso nna a keni basa kaplɛkama. E bee wu kusɔ nɛ ekama bee wora.

Nshɛ 132:7

Ndoŋ nna nɛ an kaŋɛ le: Men shin nɛ an yɔ Enyɛnpe Ebɔrɛ na pe n ya gbir mbe aya ase m bunyaŋ mo.

Nshɛ 99:9

Anyee kpaŋ fo, Enyɛnpe anyi be Ebɔrɛ na, nsaa bunyaŋ fo ashi fo kebee cheembi na ase. Ŋkpal manɛ so, Enyɛnpe anyi be Ebɔrɛ na du cheembi nna.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 60:13

Baaŋ ku Lebanɔn be efuli so be ndibi lela m ba lɔŋɛ menyi be kadegboŋ, Jerusalɛm be ebuana m pɔr nseŋ shin nɛ ma bɔrɛlambu e nyalɛ kebita. Saŋɛ na so ma kadegboŋ na gba beeŋ nya kemaŋkura.

Jɛremaya 23:24

Kaplɛkama maŋ wɔtɔ nɛ esa e ŋana ndoŋ nɛ m maaŋ wu mo. Ŋkpal manɛ so, n wɔ ebɔrɛso nɛ kasawule so be kaplɛkama nna.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Matiu 12:6

Ma e kaŋɛ menyi na fanɛ emo nɛ e chɔ bɔrɛlambu na e wɔ nfe na.

Matiu 24:2

Nɛ Yesu bishi bumo le: “Men wu asɔ ere kikɛ ŋko? Ma e kaŋɛ menyi kashenteŋto na fanɛ kejembu koŋwule kama gba maaŋ ba ka a bɛ kumo barkasa so. Baaŋ ba da amo kikɛ n lɛ.”

Ashuŋ Shunso 17:24

Ebɔrɛ nɛ e to durnya ere nɛ asɔ nɛ a wɔ kumo to kikɛ ere e la ebɔrɛso nɛ kasawule kikɛ be Enyɛnpe, mo alɛ maa chena nshɛrbu nɛ enyiŋgbasa pɔr nɛ b baa bunyaŋ mo to.