Aizaaya 61:6 - EBƆRƐ BE KAWƆL

⁶ Ama Enyɛnpe Ebɔrɛ na be basa bre beeŋ baa la Ebɔrɛ be bɔrɛmatapoana nɛ mbe nyɛrbi nna. Efuli pɔtɛana na be kanya nɛ kedama beeŋ ki mbe basa peya nɛ bumo be ketre e dii nɛ b baa puchi amo so.

Aizaaya 61:6 ပူးပေါင်းရင်းမြစ်များ

Ɛksodɔs 19:6

Menyi alɛ beeŋ baa la kanaŋ cheembi to ebi nɛ bɔrɛmatapoana nɛ b shi kuwurji be kanaŋ cheembi to.’ Kusɔ nɛ mee sha fanɛ fo kaŋɛ Israɛlebi nna na.”

Aizaaya 23:18

ama asɔ kama nɛ e beeŋ nya na be kekama maaŋ nya n yili kadegboŋ na to. Amansherbi na beeŋ baa la Enyɛnpe Ebɔrɛ na peya nɛ bekama nɛ baa shuŋ mo na e ta amo n tɔ ajibi damta nɛ asɔbuuso lela nɛ baa sha.

Aizaaya 54:3

Fo nɛ fo kaman to ebi beeŋ sɔ efuli pɔtɛana be nsawule ŋ ki menyeya; nseŋ pɔr n chena bumo be nde nɛ e bure a dese naniere na to.

Aizaaya 56:6

Kumo be kaman nɛ Enyɛnpe Ebɔrɛ na kaŋɛ befɔ nɛ b ti mbe basa so a sha mo nsaa bɛ kewushiachɛ na so nseŋ naa bɛ mbe kɔnɔkoŋwule be ŋkre na so kashenteŋto na le:

Aizaaya 66:12

Kusɔ nɛ Enyɛnpe Ebɔrɛ naŋ kaŋɛ nde: “Meeŋ shin nɛ efuli pɔtɛana so be asɔ lela e ba bɔlɔ Jerusalɛm to nɛ k dii dama fanɛ kananɛ lɔr bee bɔlɔ nchu a dii kepla so na. Menyeeŋ baa du fanɛ kebia nɛ mo nio bee nyipo mo nsaa ŋini mo kasha na nna.

Aizaaya 66:21

Ma, Enyɛnpe Ebɔrɛ na beeŋ lara bumo be beko nɛ b baa la bɔrɛmatapoana nɛ beko malɛ e baa la bechɛtopo ashi ma bɔrɛlambu to.

Jɛremaya 33:18

nɛ Livai be yiri to ebi malɛ e baa la bɔrɛmatapoana a shuŋ ma nsaa lara esarga chɔɔso nɛ ayu be esarga nɛ esarga be yiri yiri kikɛ a sa ma.”

Ezikɛl 14:11

Meeŋ wora loŋ, saŋɛ na so, Israɛl be basa na maaŋ kini ma nseŋ ta bumo be amu n ya wɔtɔ asheŋ lubiana to. Baaŋ baa la ma basa, nɛ ma alɛ e baa la bumo be Ebɔrɛ.” Ma, Enyɛnpetale Ebɔrɛ e kaŋɛ na.

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

1 Kɔrintebi 3:5

Manɛ e la Apɔlɔs ŋko manɛ e la ma Pɔɔl? Anyi maŋ la shɛŋ, an baa la beshumpo mo nɛ men bɔla anyi so nna m ba yirda. An be ekama daŋ baa wora kushuŋ mo nɛ Ebɔrɛ ta m bɔɔ mo enɔ na nna.

1 Kɔrintebi 4:1

Kananɛ k daga fanɛ men baa ta anyi e la fanɛ an la Kristo be anya nna nɛ Ebɔrɛ ta mbe ewulosheŋ m bɔɔ anyi enɔ.

2 Kɔrintebi 11:23

Mannɛ Kristo be anya e la bumo a? Keni ŋ kaa bee malga fanɛ ebompo loŋ, ama ma loŋ be kenyaya chɔ bumo peya. N shuŋ ga a chɔ bumo be ekama nɛ b ti ma ebu a chɔ bumo be ekama, b kuya ma so a chɔ bumo be ekama, saŋɛ damta ma alɛ bee taga luwu to a chɔ bumo be ekama.

2 Kɔrintebi 6:4

Ama kusɔ kama nɛ anyee wora, anyee ta kanyitigboŋ nna a nyiti etɔrɔ nɛ kebaawɔtɔ kpakpaso nɛ kekɔrfɛ ŋkpal an ka la Ebɔrɛ be beshumpo na so.

Ditɛronɔmi 18:2

B maaŋ baa kɔ kasawule fanɛ kananɛ eyiriana na kikɛ beeŋ baa kɔ na. Bumo be kachige e naaŋ baa la esarga nɛ basa beeŋ lara n sa Enyɛnpe Ebɔrɛ na be ako fanɛ kananɛ e nase kɔnɔ na.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

Kelaraŋŋini 1:6

nseŋ ta anyi ŋ ki mbe kuwura to ebi nɛ bɔrɛmatapoana nɛ an baa shuŋ mbe Ebɔrɛ nɛ Etuto na. Kemaŋkura nɛ eleŋ e baa la Yesu Kristo peya saŋkikɛ mbaanaayɔ. Amɛn.

Kelaraŋŋini 20:6

Ketiŋi luwu to juŋkparso nna na. Kagbenefuli nɛ kebaawɔtɔ cheembi la bekama nɛ b ti bumo nɛ baaŋ tiŋi luwu be ketiŋi juŋkparso na to so. Luwu nyɔsopo na maŋ kɔ eleŋ bumo so. Baaŋ ki Ebɔrɛ nɛ Kristo be bɔrɛmatapoana, bumo alɛ beeŋ tu mo n ji kuwura nfɛ kagboŋ.

Kelaraŋŋini 5:10

Fo ta bumo ŋ ki an be Ebɔrɛ be kuwura to ebi nɛ bɔrɛmatapoana nɛ b baa shuŋ mo nɛ b ba ji kuwura kasawule so.”