Aizaaya 61:10 - EBƆRƐ BE KAWƆL

¹⁰ Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Aizaaya 61:10 ပူးပေါင်းရင်းမြစ်များ

Jɛnesis 24:53

Kumo be kaman nɛ e lara shuwa nɛ gbiti be abitasɔ nɛ asɔbuusoana ko n sa Rebɛka nseŋ naŋ sa Rebɛka mo da Leeban nɛ mo nio gba yawu kpakpaso be ŋkɛ.

2 Kronikɛls 6:41

Enyɛnpe Ebɔrɛ, koso m bɔla ŋkre be deka nɛ k yili a sa eleŋ nɛ fo kɔ na so n luri bɔrɛlambu ere to, nsaa wɔ ndoŋ mbaanaayɔ. Nɛfa fo bɔrɛmatapoana ashi kusɔ kama nɛ baa wora to nseŋ shin nɛ fo basa malɛ kikɛ be ŋgbene e fuli bumo ŋkpal fo kelela nɛ fee wora a sa bumo so.

Nehemaya 8:10

Kumo be kaman nɛ Nehemaya kaŋɛ basa na: “Naniere men yɔ epe n ya wora kejigboŋ n ji menyi be nnɔ nseŋ ku ajibi na be ako n sa bumo nɛ b maŋ kɔ shɛŋ nɛ b ji na. Kabre la kachɛ cheembi nna n sa Enyɛnpe anyi be Ebɔrɛ na. Amoso men sa maŋ shin nɛ men be ŋgbene a baa jija menyi. Enyɛnpe Ebɔrɛ beeŋ sa menyi kagbenefuli nɛ k beeŋ sa menyi eleŋ.”

Job be kawɔl 29:14

Jemanɛ kikɛ n daa wora kusɔ nɛ k daga nna, nsaa maa kpɛa esa kikɛ to.

Nshɛ 132:16

Meeŋ nɛfa kusɔ kama nɛ bɔrɛmatapoana na beeŋ baa wora nɛ basa na malɛ e baa boŋ nshɛ kagbenefuliso.

Nshɛ 132:9

Shin nɛ fo bɔrɛmatapoana e baa wora asheŋ niŋiso, nseŋ shin nɛ fo basa nɛ baa ji kashenteŋ a sa fo na e baa boŋ nshɛ nsaa ji eyur kagbenefuliso.

Nshɛ 28:7

Enyɛnpe Ebɔrɛ na e naa sa ma eleŋ nsaa kuŋ ma. N yirda mo kashenteŋto. E chɛ ma to n shin nɛ ma kagbene fuli ma. Amoso meeŋ ji eyur nseŋ boŋ nshɛ n di mo epaŋ.

Nshɛ 35:9

Nɛ ma kagbene e fuli ma ŋkpal Enyɛnpe Ebɔrɛ na so; nɛ n ji eyur ŋkpal e ka mɔlga ma so.

Sɔlɔmɔn 1:10

Akonde bee shin nɛ fo kebita bee lar alegaiso nna, nɛ fo kubɔtoshembi malɛ bee nyɛkpɛ fanɛ shuwa na.

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 17:10

Menyi Israɛlebi teŋ Ebɔrɛ nɛ e bee mɔlga menyi nsaa kuŋ menyi fanɛ kefalta gboŋ na so nna. Men dɔ atoto be adɔbi nna a shuŋ agbirana amo to.

Aizaaya 25:1

Enyɛnpe Ebɔrɛ, fo e la ma Ebɔrɛ; Meeŋ maŋkura fo nseŋ kpaŋ fo ketre. Fo e wora emamachisheŋ nɛ a bee mɔ kɔnɔ; fo alɛ e ta kashenteŋji n shin nɛ fo ŋkre nɛ fo wora dra na kikɛ bɔlɔ so.

Aizaaya 25:9

Jemanɛ na kaŋ fo, ekama beeŋ kaŋɛ le: “Mo e la anyi be Ebɔrɛ! An ta anyi be yirda n deŋi mo so, nɛ e mɔlga anyi. Mo e la Enyɛnpe Ebɔrɛ na! An ta anyi be yirda n deŋi mo so, nɛ anyi be ŋgbene fuli nɛ an nya kagbenewushi ŋkpal e ka mɔlga anyi so.”

Aizaaya 35:10

Baaŋ ta kagbenefuli nɛ nshɛ n wora awɔr n ya luri Jerusalɛm to. Bumo alɛ be ŋgbene beeŋ fuli bumo mbaanaayɔ; ŋkpal manɛ so, kagbenejija nɛ kafɔŋ maaŋ naa wɔtɔ.

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 48:18

K daa beeŋ par ma ga fanɛ men ka beeŋ bɛ kusɔ nɛ n yili n sa menyi so! Aloŋ daa beeŋ shin nɛ men nya nɛfa fanɛ kananɛ kabombi bee nya nchu nsaa maa wɔlto na. Men daa beeŋ baa kɔ a pɔɔ so fanɛ kananɛ ketili bee ku teku so a ba kedeŋi so na.

Aizaaya 49:18

Keni ŋ kulti fo! Feeŋ wu fo basa ka bɛta a ba epe. Ma, Enyɛnpe Ebɔrɛ ka baa wɔtɔ ere bre, feeŋ baa puchi fo basa so nsaa wu fo kumu, fanɛ kananɛ kejafɔche bee ta mbe abitasɔ a mea to nsaa ji kebita a ŋini basa na.

Aizaaya 49:4

Ndoŋ nna nɛ ŋ kaŋɛ le: “N shuŋ ŋ gben jiga. N ta ma eleŋ n shuŋ ga, ama ma alɛ maŋ nya shɛŋ. Kusɔ nɛ k daga fanɛ n nya kikɛ wɔ Enyɛnpe Ebɔrɛ na be enɔ to nna. Mo e naaŋ ka ma kumo be kukɔ.”

Aizaaya 51:11

Naniere bre basa nɛ fo kɔ n suge na beeŋ bɛta n yɔ Jerusalɛm to nɛ kagbenewushi, baaŋ baa boŋ nshɛ kagbenefuliso nna a yɔ ndoŋ. Bumo be ŋgbene beeŋ fuli bumo mbaanaayɔ. Kagbenejija nɛ kebɔltofinfin maaŋ naŋ pɛ bumo.

Aizaaya 51:3

Ma, Enyɛnpe Ebɔrɛ na beeŋ lolo basa nɛ b wɔ Jerusalɛm be alambure to na n wushi bumo kagbene. Jerusalɛm ka ki fanɛ keshishɛrsawule a dese ere gba, meeŋ shin nɛ k ki fanɛ kambɔl nɛ n daŋ nase kumo ketre Iden na. Saŋɛ na so kagbenefuli nɛ kagbenewushi beeŋ baa wɔ ndoŋ, nɛ basa e baa boŋ nshɛ a kpaŋ ma nsaa di ma epaŋ.”

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Aizaaya 56:7

“Meeŋ bar menyi ma kebee cheembi nɛ baa tre Zayɔn nɛ k wɔ Jerusalɛm na so m ba sa menyi kagbenewushi ashi ma bɔrɛlambu to. Ma alɛ beeŋ sɔ menyi be esarga nɛ menyeeŋ lara ashi ma bɔrɛsure so. Ma bɔrɛlambu beeŋ baa la kabɔrɛkule be kakpa n sa efuli kama so be basa.”

Aizaaya 58:14

menyeeŋ nya kagbenefuli nɛ k shi kebaashuŋ ma, Enyɛnpe Ebɔrɛ na to. Meeŋ shin nɛ men nya bunyaŋ ashi durnya be kaplɛkama nɛ menyi alɛ e naŋ ji kasawule nɛ n sa menyi nananyɛn Jeekɔb na be ebel. Ma Enyɛnpe Ebɔrɛ e kaŋɛ na!”

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Aizaaya 65:18

Meeŋ shin nɛ menyi be ŋgbene e fuli menyi nɛ men baa ji eyur hale mbaanaayɔ ŋkpal asɔ nɛ meeŋ to so. Kagbenefuli beeŋ bɔlɔ Jerusalɛm popɔr nɛ meeŋ to na to nɛ kumo to be basa be ŋgbene e fuli bumo.

Jɛremaya 2:32

Kejafɔche maaŋ tiŋ n teŋ mbe asɔbuuso nɛ abitasɔ so nseŋ yɔ mbe kejafɔ to. Ama nchɛ damta nɛ men teŋ ma so.

Ezikɛl 42:14

Bɔrɛmatapoana na baa sha kelar bɔrɛlambu na to n yɔ kowushina be kelɔnɛ na so, a daga fanɛ b bɔla ebuana na ere to n lara bumo be asɔbuuso nɛ b buu n yɔ Enyɛnpe Ebɔrɛ na be anishito na n nase ndoŋ pɔɛŋ nseŋ ta asɔbuuso pɔtɛ m buu n lar.”

Habakuk 3:18

ŋ kraa beeŋ shin nɛ ma kagbene e fuli ma, ŋkpal Enyɛnpe Ebɔrɛ na ka la ma emɔlgapo so.

Zakareya 10:7

Israɛl be basa na beeŋ baa kɔ eleŋ fanɛ benapo, nsaa kɔ kagbenefuli fanɛ eyabra nuupo. Bumo be kaman to ebi beeŋ baa nyiŋi kekɔmpɔɔso ere nɛ bumo be ŋgbene a fuli ŋkpal kusɔ nɛ Enyɛnpe Ebɔrɛ na wora so.

Zakareya 3:5

Kede be kaman nɛ e naŋ kaŋɛ basa na fanɛ b ta neemu popɔr m mɛa Joshuwa be kumu so. Ndoŋ nna nɛ b ta asɔbuuso popɔr m buu mo nɛ malaika na yil a keni.

Luuk 15:22

Nɛ etuto na kplaŋ mo so nseŋ kaŋɛ mbe anya le: ‘Men nya manaŋ n ya lara piŋi lela chɔɛŋ na m ba buu mo nseŋ ta kepinibi n wɔtɔ mbe enɔ to nseŋ ta asɛbta n wɔtɔ mo.

Romebi 13:14

Ama men ta Enyɛnpe Yesu Kristo be akɔsɔ na a kuŋ menyi be amu fanɛ asɔbuuso na nseŋ yige kebaade menyi be kapɔr lubiana ere be aparsheŋ so nɛ a sa maŋ kaŋ shin nɛ menyi be ayɛlgasɔ e ka menyi to.

Romebi 14:17

Ŋkpal manɛ so, Ebɔrɛ be kuwura na to be asheŋ maŋ la kebaaji nɛ kebaanuu be asheŋ nna. K la alelasheŋ nɛ kagbenewushi nɛ kagbenefuli nɛ a bee shi Kiyoyu Cheeŋ na kutɔ na be kebaawɔtɔ be asheŋ nna.

Romebi 3:22

Loŋ be shɛda nɛ mbra na gba nɛ anebiana na bee ji. Ebɔrɛ malɛ bee bɔla basa be yirda nɛ k deŋ Yesu Kristo so so nna a shin nɛ mo nɛ basa na kikɛ bee nya kɔnɔkoŋwule. Mo alɛ maa kpɛa basa to.

Romebi 5:11

Mannɛ aloŋ gba nawule so nna, ŋkpal manɛ so, an bɔla an Nyɛnpe Yesu Kristo nɛ e shin nɛ anyi nɛ Ebɔrɛ naŋ nyalɛ na so n nya kagbenefuli ŋkpal Ebɔrɛ so n ti so.

Galeeshaebi 3:27

Ŋkpal manɛ so, b daŋ bɛr menyi kabɔrɛbɛr nna nɛ men baa wɔ Kristo Yesu to n shin nɛ naniere men ta Kristo be edasheŋ ŋ ki menyeya na.

Filipaiebi 3:9

Ama mannɛ fanɛ ŋ gbagba ka bɔla mbra na so a kɔ alelasheŋ Ebɔrɛ be anishito so. M bɔla Kristo so nna n nya alelasheŋ Ebɔrɛ be anishito. Yirda nɛ baa ta a nya amo ashi mo koŋwule na kutɔ.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.

Kelaraŋŋini 21:2

Nɛ n wu kadegboŋ cheembi na, kumo e la Jerusalɛm popɔr na ka shi Ebɔrɛ kutɔ ashi ebɔrɛso fanɛ kejafɔ ka mea to nɛ e tu mo kul na.

Kelaraŋŋini 21:9

Ndoŋ nna nɛ emalaika ashunu mo nɛ b daa kɔ ntishaŋ ashunu nɛ a daŋ bɔlɔ lalaloge be etɔrɔ ashunu na be eko ba ŋ kutɔ m ba kaŋɛ ma le: “Ba nɛ ŋ ŋini fo kejafɔ na, Kpakpafɔlbi na be eche na.”

Kelaraŋŋini 4:4

Nwurputi adunyɔ nɛ ana ko malɛ gba daŋ chambɔ ŋ kulti kuwurputi mo na nɛ bejuŋkparpo adunyɔ nɛ ana chena n chena amo so. B daŋ buu asɔ fuful nna nseŋ buu shuwa be nwurwuro.

1 Samuɛl 2:1

Ndoŋ nna nɛ Haana boŋ kashɛ ŋ kaŋɛ le: “Enyɛnpe Ebɔrɛ shin nɛ ma kagbene fuli ma. Ma kagbene fuli ma ga ŋkpal Ebɔrɛ ka mɔlga ma nseŋ sa ma eleŋ so. Ŋkpal kusɔ nɛ Ebɔrɛ wora n sa ma ere so meeŋ mushe ma doŋana.