Aizaaya 60:9 - EBƆRƐ BE KAWƆL

⁹ Teku so be ekuloŋgboŋ nɛ e shi aplasawule wɔfɔ wɔfɔ so nna. Ebɔrɛ be basa nɛ e sulɔ a ba epe. Bumo alɛ keta bumo be shuwa nɛ gbiti nna a ba. Enyɛnpe Israɛl be Ebɔrɛ cheembi na e shin nɛ loŋ wora nɛ mbe basa e nya kemaŋkura. Saŋɛ na so baaŋ baa shuŋ mo nsaa bunyaŋ mo.

Aizaaya 60:9 ပူးပေါင်းရင်းမြစ်များ

Jɛnesis 9:27

Ebɔrɛ beeŋ shin nɛ Jafɛf be kasawule e kpalga to n ti so, nɛ mo nanabiana nɛ Shɛm e ba kaa wɔ abar be ewajɛbu to kɔnɔkoŋwuleso. Ama Keenan bre beeŋ ba ki Jafɛf be kenya.”

1 Bewura 10:1

Shɛba be efuli so be ewurche ka nu kananɛ ewura Sɔlɔmɔn be ketre dii ga na, nɛ e yɔ Jerusalɛm nɛ e ya wora mo ŋ keni.

1 Bewura 10:22

Ewura Sɔlɔmɔn daa kɔ nchu so be ekuloŋgboŋ damta nna, nɛ amo nɛ ewura Hiram be nchu so be ekuloŋgboŋ bee nite nchu so. Nfɛ asa kikɛ mbe nchu so be ekuloŋgboŋ na daa sulɔ shuwa nɛ gbiti nɛ asɔlnyii nɛ enyare nɛ efɛate nna a ba.

1 Bewura 22:48

Ewura Jehoshafat daŋ shin nna nɛ b lɔŋɛ nchu so be ekuloŋgboŋana, nɛ b ba ta a yɔ Ɔfir be kasawule so n ya kaa tɔ shuwa, ama a daŋ mur ashi Eziɔngɛba nna. A daŋ maŋ tiŋ n nite nchu so kikɛ.

1 Bewura 8:41

Befɔ nɛ b shi kufɔ na kaŋ nu eleŋ nɛ fo kɔ, nɛ asheŋgboŋ nɛ fee wora na, nseŋ ba bɔrɛlambu ere to m ba kule fo,

Nshɛ 48:7

Ŋko fanɛ afugboŋ ka koso teku so a kpata nchu so be kuloŋgboŋ a yɔ a ba na.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Nshɛ 97:1

Enyɛnpe Ebɔrɛ na e la Ewura! Shin nɛ durnya kikɛ e ji eyur nɛ mplasawule kikɛ e wora awɔr.

Ɛksodɔs 33:19

Nɛ e kaŋɛ Mosis: “Meeŋ shin nɛ ma kemankura kikɛ e bɔla fo anishito n choŋ nɛ n ti ma ketre ŋ ŋini fo. Ma e la Enyɛnpe Ebɔrɛ nɛ mee wu kuwɔr nsaa lara ma kasha a ŋini bekama nɛ n lara na.

Aŋasa 18:20

Kɔnɔlelawura maa wora n daa nyi nna kikɛ.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 2:16

Teku so be ekuloŋgboŋ lela kikɛ beeŋ mur nchu to.

Aizaaya 24:15

nɛ bumo nɛ b wɔ epeŋilarkpa na malɛ e kpaŋ mo. Basa nɛ b wɔ teku be ekarso na malɛ gba beeŋ fur Enyɛnpe, Israɛl be Ebɔrɛ na.

Aizaaya 42:10

Men boŋ kashɛ popɔr n sa Enyɛnpe Ebɔrɛ na; nɛ durnya to be basa kikɛ e boŋ kashɛ ŋ kpaŋ mo! Menyi nɛ menyee nite teku so, e kpaŋ Enyɛnpe Ebɔrɛ na; nɛ asɔ keniso kikɛ nɛ a wɔ teku to e, kpaŋ mo! Menyi nɛ men wɔ mplasawule nɛ a wɔ kufɔ kufɔ na so, e kpaŋ Enyɛnpe Ebɔrɛ na.

Aizaaya 42:4

E maaŋ gben n yige to ŋko m pɔ aba; e beeŋ shin nɛ keji asheŋ nɛ amo be ekpa so e ba durnya to. Efuli pɔtɛ so be basa pere kenishi nna a jo mbe keŋini.”

Aizaaya 43:4

Meeŋ kplaŋ efuli pɔtɛana na so nseŋ mɔlga menyi, ŋkpal menyi be asheŋ ka bee par ma ga so. Ma alɛ bee sha menyi nna nsaa maŋkura menyi.

Aizaaya 43:6

Meeŋ kaŋɛ basa nɛ b wɔ kelargato be esoso nɛ bumo nɛ b wɔ kelargato be kaseto na kikɛ fanɛ, b sa menyi, nɛ men la ma basa, ekpa nɛ men baa yɔ! Ma alɛ beeŋ naŋ kaŋɛ bumo fanɛ b shin nɛ men shi efuli pɔtɛana nɛ a wɔ kufɔ kufɔ, nɛ durnya be kaplɛkama m bɛta m ba menyi gbagba be efuli so.

Aizaaya 46:13

Meeŋ ba mɔlga menyi. Ma nɛ menyi maaŋ naŋ barga abar. M maaŋ naŋ chɛr nseŋ ba mɔlga menyi. Meeŋ mɔlga basa nɛ b wɔ Jerusalɛm to nseŋ shin nɛ Israɛl be efuli na e nya kemaŋkura.”

Aizaaya 49:1

Ekama e nu nfe! Menyi nɛ men wɔ efuli pɔtɛana nɛ a wɔ teku be kaba ndoŋ na gba, e nu nfe. Enyɛnpe Ebɔrɛ na e lara ma nɛ m baa la mbe kenya, nseŋ nase ma ketre pɔɛŋ nɛ b kurge ma.

Aizaaya 49:22

Kumo be kaman nɛ Enyɛnpetale Ebɔrɛ na kaŋɛ mbe basa le: “Meeŋ maŋ ma tuta so nɛ efuliana na be basa e wu kumo, nseŋ shin nɛ ma basa e bɛta m ba epe ashi bumo gbagba be kasawule so.

Aizaaya 51:5

Meeŋ nya manaŋ m ba mɔlga bumo; ŋkpal manɛ so, ma kekɔmpɔɔso be jemanɛ taga to. Efuliana nɛ a wɔ keplasawule so kufɔ kufɔ na bee keni ma ekpa nna; ŋkpal manɛ so, baa tama fanɛ meeŋ baa mɔlga bumo nseŋ ji kuwura bumo so nna.

Aizaaya 55:5

To, menyeeŋ kela a tre efuli pɔtɛana nɛ menyi maŋ nyi bumo be basa gba fanɛ b ba ti menyi so, nɛ b shile m ba buu menyi! Ma, Enyɛnpe, Israɛl be Ebɔrɛ cheembi na e naaŋ shin nɛ ade kikɛ e wora m bɔlɔ so. Meeŋ shin nɛ men nya kemaŋkura nɛ bunyaŋ ashi basa kikɛ to.”

Aizaaya 57:17

N daŋ nya agbo ga nna n wora bumo ŋkpal bumo be alubi nɛ kejimuni be kebaawɔtɔ so, amoso nɛ n daŋ gberge bumo kusoe nseŋ daŋ kplaŋ bumo so na. Ama b kraŋ wora kusoe kpakpaso ŋ kini a wɔ bumo be asheŋ lubi na to.

Aizaaya 60:4

Men keni ŋ kulti kusɔ nɛ k bee wora ere. Menyi be basa bee gama abar so nna nɛ b bɛta m ba epe! Menyi be mbinyɛnsobi beeŋ shi kufɔ, kufɔ m ba, nɛ b keta menyi be mbichesobi enɔ to fanɛ mbibi m ba sa menyi.

Aizaaya 60:6

Enyɔma be ntuŋ damta beeŋ shi efuliana nɛ baa tre Midian nɛ Efa na so n sulɔ asɔ lela m ba sɔ menyi be efuli na kikɛ so. Beko beeŋ shi Shiba be kasawule so n sulɔ shuwa nɛ eduwu m ba kaa lara esarga a sa Enyɛnpe Ebɔrɛ na nsaa malga kusɔ nɛ e wora be asheŋ!

Aizaaya 66:12

Kusɔ nɛ Enyɛnpe Ebɔrɛ naŋ kaŋɛ nde: “Meeŋ shin nɛ efuli pɔtɛana so be asɔ lela e ba bɔlɔ Jerusalɛm to nɛ k dii dama fanɛ kananɛ lɔr bee bɔlɔ nchu a dii kepla so na. Menyeeŋ baa du fanɛ kebia nɛ mo nio bee nyipo mo nsaa ŋini mo kasha na nna.

Jɛremaya 3:17

Jemanɛ na kaŋ fo, Jerusalɛm be kadegboŋ na beeŋ baa la Enyɛnpe Ebɔrɛ na be Kuwurputiakpa, nɛ efuli pɔtɛana na so be basa kikɛ e baa kaa gama ndoŋ a shuŋ ma. B maaŋ naa wora asheŋ lubi nɛ e wɔ bumo be ŋgbene kpakpaso to na.”

Jɛremaya 30:19

Basa nɛ baaŋ baa wɔ ndoŋ na beeŋ boŋ kapandi be nshɛ; nseŋ wora awɔr kagbenefuliso Meeŋ nɛfa bumo n shin nɛ b salga n wora keshi, nɛ efuli pɔtɛana so be basa e kemaŋkura bumo.

Ezikɛl 39:7

Ma alɛ beeŋ shin nɛ ma basa Israɛlebi e pin ma ketre cheembi na, a maaŋ naa keni kumo jiga kikɛ. Ndoŋ nɛ efuliana na beeŋ pin fanɛ ma, Enyɛnpe Ebɔrɛ na e la Israɛl be Ebɔrɛ cheembi na.”

Maika 4:13

Kumo be kaman nɛ Enyɛnpe Ebɔrɛ na naŋ kaŋɛ le: “Jerusalɛm to ebi, men ya gberge men doŋana kusoe. Meeŋ shin nɛ men baa kɔ eleŋ fanɛ egbolu nɛ amo be alambɛ du fanɛ abɛlso nɛ amo be alotobi malɛ du fanɛ danyaŋ na. Menyeeŋ pɔ efuli damtaana so nseŋ sɔ asɔ nɛ b daŋ ta eleŋsheŋ n nya na m ba sa ma, nɛ n la durnya kikɛ be Enyɛnpe Ebɔrɛ na.”

Maika 7:12

Basa beeŋ shi Asiriya be efuli nɛ k wɔ epeŋilarkpa be kaba so na nɛ Ijipt be efuli so be ndegboŋana to nɛ abonfu nɛ a wɔ Yufreetes be lɔr na nɛ nde wɔfɔ ashi etekuana nɛ abeegboŋana na so m ba menyi kutɔ.

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Zakareya 14:14

Jemanɛ na so Juda be efuli so be basa beeŋ koso ŋ kɔ ŋ kuŋ Jerusalɛm. Baaŋ kɔ n suge efuli pɔtɛana na be basa be eshuwa nɛ egbiti nɛ asɔbuuso damta.

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

Baru lela nɛ Jɔn kute na 17:26

N ta fo ŋ ŋini bumo, ma alɛ kraa beeŋ baa wora loŋ, saŋɛ na so, kasha nɛ fo kɔ a sa ma na beeŋ baa wɔ bumo to nɛ ma alɛ gba e baa wɔ bumo to.”

Ashuŋ Shunso 9:15

Nɛ Enyɛnpe kaŋɛ: “Fo ere e yɔ de, ŋkpal manɛ so, ma e lara mo nɛ e baa shuŋ ma n shin nɛ nnyamase nɛ bewura nɛ Israɛlebi e pin ma.

Galeeshaebi 3:26

Yirda so nɛ men kikɛ la Ebɔrɛ be mbia ashi Kristo Yesu to.

Galeeshaebi 4:26

Ama ebɔrɛso be Jerusalɛm na bre maŋ wɔ kenyaya to. To, loŋ be Jerusalɛm ere du fanɛ an nio nna.

Joshuwa 9:9

Nɛ b kaŋɛ le: “An shi efuli wɔfɔ nna nseŋ nu Enyɛnpe, menyi be Ebɔrɛ na be asheŋ. An nu kusɔ kama nɛ e wora n sa menyi ashi Ijipt be kasawule so,