Aizaaya 60:4 - EBƆRƐ BE KAWƆL

⁴ Men keni ŋ kulti kusɔ nɛ k bee wora ere. Menyi be basa bee gama abar so nna nɛ b bɛta m ba epe! Menyi be mbinyɛnsobi beeŋ shi kufɔ, kufɔ m ba, nɛ b keta menyi be mbichesobi enɔ to fanɛ mbibi m ba sa menyi.

Aizaaya 60:4 ပူးပေါင်းရင်းမြစ်များ

Aizaaya 11:12

Enyɛnpe Ebɔrɛ na beeŋ maŋ tɔɔnɛ be tuta so ŋ ŋini efuliana na fanɛ e naa bɛta Israɛl nɛ Juda be basa nɛ b daŋ pesaŋ to a wɔ durnya be kaplɛkama na nna a ba.

Aizaaya 14:2

Efuli pɔtɛana so be basa beeŋ chɛ Israɛl be basa to nɛ b bɛta n yɔ kasawule nɛ Enyɛnpe Ebɔrɛ na sa bumo na so. Efuli pɔtɛ ebi na beeŋ ya kaa shuŋ Israɛlebi na fanɛ anya, nɛ Israɛlebi na e naa ji kuwura basa nɛ b daa kɔrfɛ bumo na so.

Aizaaya 42:6

“Ma, Enyɛnpe Ebɔrɛ na e tre fo nseŋ sa fo eleŋ, nɛ fo shin nɛ keji asheŋ nɛ amo be ekpa so e ba durnya to. Fo so nɛ ma nɛ basa kikɛ beeŋ bɔla so n wora kɔnɔkoŋwule be ŋkre. Fo so nɛ Ebɔrɛ be kebaanyi be kefulto beeŋ bɔla so m ba efuliana na to.

Aizaaya 43:6

Meeŋ kaŋɛ basa nɛ b wɔ kelargato be esoso nɛ bumo nɛ b wɔ kelargato be kaseto na kikɛ fanɛ, b sa menyi, nɛ men la ma basa, ekpa nɛ men baa yɔ! Ma alɛ beeŋ naŋ kaŋɛ bumo fanɛ b shin nɛ men shi efuli pɔtɛana nɛ a wɔ kufɔ kufɔ, nɛ durnya be kaplɛkama m bɛta m ba menyi gbagba be efuli so.

Aizaaya 49:12

Ma basa beeŋ shi kufɔ kufɔ m bɛta m ba epe. Baaŋ shi kelargato be esoso nɛ epeŋitɔrkpa be kaba so, nɛ kebonfu nɛ baa tre Aswan nɛ k wɔ kelargato be kaseto be kaba so na kikɛ m bɛta m ba epe.”

Aizaaya 49:17

Basa nɛ baaŋ lɔŋɛ fo egbalana m pɔr maaŋ chɛr nseŋ ba, nɛ basa nɛ b mur fo na e lar fo to n yɔ.

Aizaaya 49:18

Keni ŋ kulti fo! Feeŋ wu fo basa ka bɛta a ba epe. Ma, Enyɛnpe Ebɔrɛ ka baa wɔtɔ ere bre, feeŋ baa puchi fo basa so nsaa wu fo kumu, fanɛ kananɛ kejafɔche bee ta mbe abitasɔ a mea to nsaa ji kebita a ŋini basa na.

Aizaaya 66:20

Bumo alɛ beeŋ bɛta men kurgepoana ashi efuliana na so fanɛ kakɛ m ba sa Enyɛnpe Ebɔrɛ na. Egbaŋɛ nɛ egbaŋɛturko nɛ ekurma nɛ enyɔma nɛ baaŋ dii m ba ma kebee cheembi so ashi Jerusalɛm to fanɛ kananɛ Israɛlebi bee ta bumo be ayu be esarga ekpa nɛ k daga so ashi ma bɔrɛlambu to na.

Jɛremaya 30:10

Ma basa, men sa maa lɔ kufu; Israɛl be basa, men sa maa chicha kufuso. Meeŋ kɔ n suge menyi ashi efuli wɔfɔ be basa be enɔ to, nɛ kasawule nɛ men la anya kumo so be basa be enɔ to na. Menyi beeŋ bɛta m ba epe m baa kaa wɔ kayurwushi to; nɛ shɛŋ shɛŋ maaŋ naa tɔrɔ menyi; esa kikɛ malɛ maŋ naa ta kufu a da menyi.

Eemɔs 9:14

Saŋɛ na so meeŋ naŋ bɛta ma basa m ba bumo be kasawule so. Nɛ b naŋ lɔŋɛ m pɔr bumo be nde nɛ a bure na, nseŋ chena amo to. Baaŋ du asɔrso nɛ baa tre greep na nsaa wora amo be nsa a nu. Baaŋ dɔ ndɔana nsaa ji kusɔ kama nɛ b duu amo to.

Maika 7:12

Basa beeŋ shi Asiriya be efuli nɛ k wɔ epeŋilarkpa be kaba so na nɛ Ijipt be efuli so be ndegboŋana to nɛ abonfu nɛ a wɔ Yufreetes be lɔr na nɛ nde wɔfɔ ashi etekuana nɛ abeegboŋana na so m ba menyi kutɔ.

Heegai 2:7

Meeŋ baga efuliana na kikɛ to n shin nɛ b bar asɔ lela nɛ baa sha ga na nfe, nɛ ma kemaŋkura e bɔlɔ bɔrɛlambu ere kikɛ to.

Matiu 8:11

Ma e kaŋɛ menyi na fanɛ basa damta beeŋ shi epeŋilarkpa nɛ epeŋitɔrkpa m ba nɛ bumo nɛ Eebraham nɛ Aizek nɛ Jeekɔb e chena ebɔrɛso be kuwura na to n ji,

Baru lela nɛ Jɔn kute na 4:35

Mannɛ menyi basa e naa kaa kaŋɛ fanɛ: ‘A ka afɔl ana nɛ kasɔteŋi be jemanɛ e fo’ na a? Ma e kaŋɛ menyi na fanɛ men bugi menyi be anishi ŋ keni kananɛ adɔana du. Asɔ kikɛ daŋ bel nna m pere a jo keteŋi.

Ashuŋ Shunso 13:44

Kewushiachɛ nɛ k naŋ bɛ so ka fo kade na to ebi be galeŋga e ba nɛ b ba nu Enyɛnpe be kubɔya na.