Aizaaya 6:5 - EBƆRƐ BE KAWƆL

⁵ Ndoŋ nna nɛ ŋ kaŋɛ le: “Tama maaŋ naa wɔtɔ n sa ma nna na! Asheŋ maaŋ nyalɛ n sa ma, ŋkpal manɛ so, kamalga kikɛ nɛ k beeŋ lar ma kɔnɔ to la kulubi nna. Ma alɛ nɛ basa nɛ bumo be mmalga kikɛ la alubi e wɔtɔ, ama ma alɛ wu Enyɛnpetale Ebɔrɛ na kenishiso.”

Aizaaya 6:5 ပူးပေါင်းရင်းမြစ်များ

Jɛnesis 32:31

Epeŋi maŋ so nna pɔɛŋ nɛ e lar Peniyɛl a tɔr keleŋ so a yɔ.

Nshɛ 24:10

Wanɛ e la ewura nɛ kemankura kulti ere? Mo e la Enyɛnpetale Ebɔrɛ, elempo na.

Ɛksodɔs 24:10

Ndoŋ nɛ b wu Israɛl be Ebɔrɛ na, nɛ kaboŋ dɛdɛso nɛ k du fanɛ yawukpakpaso be kejembu nɛ baa tre safiri na nseŋ fulto parr fanɛ awɔlpa na, ka wɔ mbe aya be kaseto.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Ɛksodɔs 33:20

Ama m maaŋ shin nɛ fo wu ma anishito bre, ŋkpal manɛ so, esa kama maaŋ tiŋ n wu ma anishito nseŋ ji efute.

Ɛksodɔs 4:10

Ndoŋ nna nɛ Mosis kaŋɛ le: “O, Enyɛnpe Ebɔrɛ, jande, sa maŋ shuŋi ma! Ŋkpal manɛ so m maŋ nyi kamalga to. Nɛ mannɛ fo ka bee malga ma fo kenya kutɔ nfe ere so, ma nɛ esa kikɛ maŋ naŋ malga le kikɛ. N la esa nɛ m maa tiŋ kamalga nna.”

Ɛksodɔs 6:12

Nɛ Mosis kaŋɛ Enyɛnpe Ebɔrɛ: “Keni, Israɛlebi na gba e kini kenu n sa ma na nɛ nuso nɛ ewura Fɛɛro bre beeŋ nu n sa ma nɛ m maŋ nyi kamalga ere?”

Ɛksodɔs 6:30

Nɛ Mosis kaŋɛ mo le: “Enyɛnpe, fo nyi ŋ ka maa tiŋ kamalga nɛ nuso nɛ meeŋ wora m malga nɛ Fɛɛro e nu n sa ma?”

Aizaaya 24:16

Anyeeŋ nu b kaa bee boŋ nshɛ a kpaŋ Israɛl nɛ k la efuli niŋiso na ashi durnya be mboŋ wɔfɔ wɔfɔ kikɛ. Ama tama maŋ wɔtɔ n sa ma ere! Ma ere be asheŋ jija n loge nna na! Bedebɔrpo kraa wɔtɔ nna a debɔr basa, nɛ bumo be kedebɔre na malɛ bee daŋɛ so.

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Aizaaya 33:17

Ade kikɛ be kaman, menyeeŋ naŋ wu ewura ko ka bee ji kuwura kemaŋkuraso ashi kasawule nɛ k dese n sɔ kaplɛkama a yɔ na so.

Aizaaya 59:3

Ŋkpal manɛ so, menyi be mmalga kikɛ la efɛsheŋ nna nɛ menyi be ŋkre kikɛ la kebagato nɛ kelantokɔ be asheŋ. Basa be kamɔ damta so, ŋklaŋ gbiti menyi be enɔana nna.

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Jɛremaya 1:6

Ndoŋ nna ŋ nɛ kaŋɛ le: “Enyɛnpetale Ebɔrɛ, nuso nɛ meeŋ wora m pin fo mmalga to ŋ kaŋɛ basa? N la kebifɔlbi gbagba nna.”

Jɛremaya 51:57

Ma, Enyɛnpetale Ebɔrɛ nɛ n la Ewura kashenteŋto na, bee nase kɔnɔ fanɛ meeŋ shin nɛ Babilɔn be benimuana nɛ benyiashempo nɛ bejuŋkparpo nɛ benapo kikɛ e boo, nseŋ dese n di a maaŋ naaŋ tiŋ ŋ koso kikɛ.

Ezikɛl 12:2

“Dimɛdi pibi, Ezikɛl, fo nɛ basa nɛ b pal kaman n sa ma e wɔtɔ. B kɔ anishi, bumo alɛ kini kewu asɔ nɛ mee ŋini bumo. B kɔ asoe, bumo alɛ kini kenu ma mmalga. Ŋkpal manɛ so b pal kaman nna n sa ma.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Danɛl 9:20

N daa bugi to a kaŋɛ Enyɛnpe ma Ebɔrɛ na ma nɛ ma basa Israɛlebi be alubi nna nsaa kule mo fanɛ e naŋ lɔŋɛ m pɔr bɔrɛlambu cheembi na.

Habakuk 3:16

Ŋ ka nu ade kikɛ be asheŋ nɛ kufu pɛ ma; hale nɛ ma kɔnɔ bee chicha. Ma eyur daŋ yuri ma nna nɛ awo dii ma nɛ n fara a fiti a fiti jijiga. Ama meeŋ ji kanyiti n jo kachɛ nɛ Ebɔrɛ beeŋ gberge efuli nɛ k bee kɔ anyi kena na kusoe.

Nɔmbɛs 17:12

Ndoŋ nna nɛ Israɛlebi na kaŋɛ Mosis le: “Kumo ere, an wu nna na!

Demujipoana 13:22

Kumo be kaman nɛ Manoa kaŋɛ mbe eche: “Anyee shin nɛ an wu nna na, ŋkpal manɛ so, an wu Ebɔrɛ kenishiso!”

Demujipoana 6:22

Gidiɔn ka pin fanɛ Enyɛnpe Ebɔrɛ na be malaika nɛ e wu na nɛ e kooba kufuso ŋ kaŋɛ: “O, Enyɛnpe Ebɔrɛ, fo malaika nɛ n wu kenishiso na!” Ŋkpal manɛ so, e daa fɛ fanɛ e beeŋ wu nna.