Aizaaya 6:4 - EBƆRƐ BE KAWƆL

⁴ Asɔbɔya keniso na be ebɔl be awɔr na daŋ shin nɛ bɔrɛlambu na be gbaltɔlase daa gbuŋgbuŋ nna, nɛ edishi malɛ sɔ kumo kikɛ to.

Aizaaya 6:4 ပူးပေါင်းရင်းမြစ်များ

Nshɛ 18:8

Edishi shi mbe kamuna to nna a lar; nɛ edɛ nɛ a bee chɔɔ a mɔ malɛ shi mbe kɔnɔ to a lar, fanɛ ajanwulɛ nɛ a bee suse na.

Ɛksodɔs 40:34

Nɛ kuwɔlpa ba buu Enyɛnpe be wajɛbu na so nɛ Enyɛnpe Ebɔrɛ be kemaŋkura ba bɔlɔ kumo to.

Ezikɛl 1:24

Asɔbɔya keniso na ka koso m bri aba to a firgi, nɛ n nu egbri fanɛ teku so be kewawa na, ŋko benapo damta ka na aya so na ŋko Enyɛnpetale Ebɔrɛ be ebɔl na. B ka ya yili nɛ b bra bumo be mbuibi be aba na m buu bumo be eyurana so.

Ezikɛl 10:5

Esa nɛ e daa wɔ bɔrɛlambu na be kowushina be kelɔnɛ na gba so daa nu asɔbɔya keniso na be mbuibi be aba be egbri, ŋkpal manɛ so, a daa gbri nna fanɛ Enyɛnpetale Ebɔrɛ be ebɔl na.

Ezikɛl 41:16

kikɛ be epunto be egbalana na so hale n ya fo etokuro na. Ndibi na daa beeŋ tiŋ m buu etokuro na so gba kuraa.

Ezikɛl 44:4

Ndoŋ nna nɛ kanyɛn na keta ma m bɔla kelargato be esoso be kabuna na to n yɔ bɔrɛlambu na be anishito nɛ n to kenishi ŋ keni nseŋ wu fanɛ Enyɛnpe Ebɔrɛ be kemaŋkura bɔlɔ bɔrɛlambu na to. Ndoŋ nna nɛ n ta ma enɔana m buu ma anishi so nseŋ kurgi kumu n yuu to.

Eemɔs 9:1

N wu Enyɛnpe Ebɔrɛ ka yil bɔrɛsure na ase ashi bɔrɛlambu na to nseŋ kaŋɛ le: “Gbuŋgbuŋ bɔrɛlambu na be eshabɔrɛ nɛ a sɔ kumo to ŋ keta na eleŋso nɛ kumo be esoso e bure n tɔr basa na be amu so. Meeŋ mɔ bumo be bumo nɛ b ka na malɛ kena to. Bumo be ekama maaŋ tiŋ n shile ŋ ŋana ma so.

Kelaraŋŋini 11:19

Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.

Kelaraŋŋini 15:8

Ade be kaman nɛ edishi shi Ebɔrɛ be kemaŋkura to nɛ mbe eleŋ to n sɔ bɔrɛlambu na kikɛ to nɛ esa kikɛ malɛ daa maŋ tiŋ n luri bɔrɛlambu na to hale nɛ emalaika ashunu na be etɔrɔ ashunu na ya loge.