Aizaaya 6:2 - EBƆRƐ BE KAWƆL

² Nɛ asɔbɔya keniso nɛ baa suse so fanɛ edɛ be adondulombi na yili ŋ kulti mo. Bumo be ekama daa kɔ mbuibi be aba ashe nna. Asɔbɔya na be ekama daŋ ta mbe mbuibi be aba anyɔ nna m buu mbe anishiakpa so nseŋ ta anyɔ m buu mbe eyur so nseŋ ta anyɔ nɛ a ka na a firgi.

Aizaaya 6:2 ပူးပေါင်းရင်းမြစ်များ

Jɛnesis 17:3

Ndoŋ nna nɛ Eebram gbir ŋ kurgi kumu n yuu. E ka wora loŋ na nɛ Ebɔrɛ kaŋɛ le:

1 Bewura 19:13

Anebi Elaija ka nu loŋ be ebɔl na nɛ e ta mbe piŋi m buu mbe anishi so nseŋ lar kebeelaŋ na to n ya yili kumo be kabuna to. Ndoŋ nna nɛ Enyɛnpe Ebɔrɛ naŋ bishi mo le: “Elaija manɛ nɛ fee wora nfe?”

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

1 Bewura 6:24

Asɔ anyɔ na kikɛ daŋ duli abar nna nseŋ naa sasa. Amo be kekama daa kɔ aba anyɔ anyɔ nna nɛ kekama malɛ be keba be nteŋ daa sa fanɛ ayadra ashunu nɛ bargato. Amoso yili kukoŋwule be keba ko be ekar n ya fo kuko malɛ be keba be ekar be nteŋ daa la ayadra kuduanu nna.

1 Bewura 6:27

B daŋ ta amo nna n yili acheembiana to be kakpa cheembi na nɛ amo be kekama parga aba to nɛ keba ko bee chute ebu na be kaba ko be egbal nɛ kuko malɛ bee chute kumo barkasa be keba ashi ebu na be nferinto.

1 Bewura 8:7

Emalaika anyɔ na be atɛ daŋ parga to nna m buu deka na nɛ ndibi nɛ b kɔ a sulɔ kumo na so.

Nehemaya 9:6

Ndoŋ nna nɛ basa na kule Ebɔrɛ ŋ kaŋɛ: “Fo nawule e la Enyɛnpe anyi be Ebɔrɛ na. Fo e to ebɔrɛso nɛ achɛkpabi kikɛ, Fo e to kasawule nɛ asɔ nɛ e wɔ kumo so kikɛ. Fo e to teku nɛ kumo to be asɔ keniso kikɛ Ŋkpa kikɛ shi fo kutɔ nna, nɛ achɛkpabi nɛ a wɔ awɔlpa to kikɛ bee fur fo a kpaŋ fo.

Job be kawɔl 1:6

Kachako nɛ Ebɔrɛ be emalaika ba shɛr Enyɛnpe Ebɔrɛ na kutɔ ashi ebɔrɛso nɛ Setani gba ba ti bumo so ndoŋ.

Job be kawɔl 15:15

Nɛ Ebɔrɛ maaŋ tiŋ n yirda emalaika nɛ baa shuŋ mo ebɔrɛso na gba,

Job be kawɔl 4:18

Ebɔrɛ maa yirda mbe emalaika nɛ baa shuŋ mo ebɔrɛso na gba.

Nshɛ 103:20

Menyi emalaika lempoana, nɛ menyee nu Enyɛnpe Ebɔrɛ be kɔnɔ nsaa wora mo kasonu na kikɛ e kpaŋ mo!

Nshɛ 104:4

Fo e ta afuana fanɛ fo mbɔ nsaa ta bɔrɛ be kenyɛkpɛ malɛ fanɛ fo nyɛrbi.

Nshɛ 18:10

Nɛ e dii n chena asɔ firgiso nɛ baa tre chɛrubim na so n firgi afu to a ba.

Nshɛ 89:7

Fo nɛ ekama bee ŋana ga ashi ebɔrɛso ndoŋ. Fo asheŋ malɛ bee keta kufu nsaa kɔ bunyaŋ ga a chɔ bekama nɛ b wɔ ebɔrɛso.

Ɛksodɔs 25:20

nɛ chɛrubim na e parga bumo be atɛ to m buu deka na be buuso na so nseŋ kilgi anishito n shoŋi abar ŋ keni kuwɔr be kakpa.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Ɛksodɔs 37:9

Chɛrubim na daŋ kilgi anishito nna n shoŋi abar nseŋ parga atɛ to m buu deka na be buuso na so.

Aizaaya 6:6

Kumo be kaman nɛ asɔbɔya na be eko ta beterɛ n lara kejanwulɛbi ashi ebɔrɛso be bɔrɛsure na so n firgi ŋ gbelge to m ba

Ezikɛl 1:11

Asɔbɔya keniso na daŋ parga bumo be aba na be anyɔ anyɔ to nna nɛ a beta bumo braana nɛ b wɔ bumo be jisoso nɛ bena so na peya, nseŋ parga anyɔ anyɔ nɛ a ka malɛ to m buu bumo be eyurana so.

Ezikɛl 1:24

Asɔbɔya keniso na ka koso m bri aba to a firgi, nɛ n nu egbri fanɛ teku so be kewawa na, ŋko benapo damta ka na aya so na ŋko Enyɛnpetale Ebɔrɛ be ebɔl na. B ka ya yili nɛ b bra bumo be mbuibi be aba na m buu bumo be eyurana so.

Ezikɛl 1:4

Ndoŋ nna nɛ ŋ keni esoso n wu bɔrɛ be afugboŋ ko ka shi kelargato be esoso be kaba so a ba. Bɔrɛ daa nyɛkpɛ kuwɔlpagboŋ ko to nna nɛ esoso kikɛ fulto. Edɛ daa lar kuwɔlpagboŋ na be nferinto a nyɛkpɛ fanɛ danyaŋ nɛ k la kachɔnɔnyifu nɛ b fifɛa kumo so na nna.

Ezikɛl 1:6

Bumo be ekama daa kɔ anishito ana nɛ mbuibi be aba ana ana nna.

Ezikɛl 1:9

B daŋ pal kaman nna n sa abar nseŋ parga bumo be aba na be anyɔ anyɔ to nɛ amo be nnɔso pɛ abar. Kaplɛkama malɛ nɛ baa yɔ, b pɛ abar to loŋ nna a yɔ, b maa kilgi bumo be eyurana.

Ezikɛl 10:16

nɛ aya kulkulso na gba bɛ so. Jemanɛ kikɛ nɛ asɔbɔya keniso na baaŋ parga aba to a firgi, aya kulkulso na wɔ bumo be akel to nna.

Ezikɛl 10:21

Bumo be ekama daa kɔ anishiakpa ana ana nɛ mbuibi be aba ana ana nna, nɛ bumo be aba na be kekama malɛ be kaseto daa kɔ kusɔ ko fanɛ dimɛdi be enɔ.

Danɛl 7:10

Nɛ edɛ be adondulombi shi mo kutɔ a teŋi fanɛ lɔr na. Basa ŋgboŋto ŋgboŋto daa wɔ ndoŋ nna a shuŋ mo, nɛ ŋgboŋto malɛ be ŋgboŋto yil mbe anishito. Ndoŋ nna nɛ demu be keji fara, nɛ b bugi nwɔl to.

Danɛl 9:21

Ŋ ka bee kule Ebɔrɛ na, nɛ malaika nɛ baa tre Geebriɛl nɛ n daŋ wu mo ashi ma bɔrɛdare sososo na to na, firgi a gbelge to a ba kakpa nɛ n wɔ na. Kumo be jemanɛ nɛ kaaseso be sarga be kelara fo.

Zakareya 3:4

Ndoŋ nna nɛ malaika na kaŋɛ basa nɛ b daa yil ndoŋ na le: “Men lara kanyɛn ere be asɔ biriso nɛ e buu ere.” Kumo be kaman nɛ e kaŋɛ Joshuwa malɛ le: “N lara fo alubi ashi fo so, ma alɛ beeŋ naŋ sa fo asɔbuuso popɔr nɛ fo buu.”

Luuk 1:10

Jemanɛ nɛ e luri nɛ e chɔɔ duwu na nɛ jimaŋ malɛ wɔ kowu a kule Ebɔrɛ.

Hibruwebi 1:7

Le nɛ mo alɛ naŋ malga mbe emalaika koŋwule na be asheŋ ŋ kaŋɛ: “Ma, Ebɔrɛ bee shin nɛ ma emalaika bee wora fanɛ afu nna nɛ ma anya malɛ bee wora fanɛ edɛ a chɔɔ wuloŋwuloŋ.”

Kelaraŋŋini 14:6

Ndoŋ nna nɛ n naŋ wu malaika ko ka wɔ esoso kumu so a firgi nsaa kɔ baru lela nɛ k wɔtɔ mbaanaayɔ na to nɛ e bɔ kumo n sa basa nɛ b wɔ kasawule ere so n sa efuli kama so ebi nɛ yiri kama to ebi nɛ ŋgbar kama to ebi nɛ basa kama to ebi.

Kelaraŋŋini 4:8

Asɔbɔya keniso ana na be kekama daa kɔ atɛ ashe nna nɛ anishi malɛ sɔ bumo be eyurana kikɛ so hale bumo be atɛana to kikɛ. Kapa nɛ kanyɛ b daa maa lo to kikɛ, b daŋ baa boŋ le nna: “Enyɛnpetale Ebɔrɛ e la cheembi cheembi cheembi. Mo e daa wɔtɔ nseŋ kraa wɔtɔ ŋkeŋ naa ba na.”

Kelaraŋŋini 7:11

Saŋɛ ere malɛ kikɛ nɛ emalaika na kikɛ yili ŋ kulti kuwurputi na nɛ bejuŋkparpoana na nɛ asɔbɔya keniso ana na. Ndoŋ nna nɛ b gbir nseŋ dese kasawule kuwurputi na be anishito m maŋ Ebɔrɛ so

Kelaraŋŋini 8:13

Nɛ n naŋ keni n wu kusore ka wɔ esoso kumu so a firgi nsaa tre awɔrso a kaŋɛ: “Asheŋ maaŋ nyalɛ, asheŋ maaŋ nyalɛ, asheŋ maaŋ nyalɛ n sa basa nɛ b wɔ kasawule ere so kikɛ ŋkpal mbel be kushu mo nɛ emalaika asa mo nɛ b ka na bee shin nɛ b foŋ nɛ a wora na so.”