Aizaaya 6:10 - EBƆRƐ BE KAWƆL

¹⁰ Kumo be kaman nɛ e naŋ kaŋɛ ma le: “Shin nɛ basa ere be nfɛra e mel to nɛ bumo be asoe e ti nɛ bumo be anishi e tan, saŋɛ na so b maaŋ baa wu ŋko a nu ŋko a pin asheŋ to. Nɛ mannɛ aloŋ, baaŋ baa wu ŋko a nu ŋko a pin asheŋ to nseŋ bɛta m ba ma kutɔ m ba nya kechɛ.”

Aizaaya 6:10 ပူးပေါင်းရင်းမြစ်များ

Nshɛ 119:70

B maa pin fo asheŋ to, ama ma ere be kagbene bee fuli fo mbra so nna.

Nshɛ 17:10

B maa wu kuwɔr nsaa ji njɔŋ.

Nshɛ 69:23

Shin nɛ tentembiri e tan bumo nɛ b baa chicha.

Ɛksodɔs 10:27

Ama Enyɛnpe Ebɔrɛ daŋ shin nɛ Fɛɛro naŋ wora kagbene kpakpaso ŋ kini keshin nɛ b yɔ.

Ɛksodɔs 11:10

Kashenteŋ nɛ Mosis nɛ Ɛɛrɔn daŋ wora emamachisheŋ damta ere kikɛ ewura Fɛɛro be anishito, ama Enyɛnpe Ebɔrɛ daŋ shin nna nɛ Fɛɛro wora kagbene kpakpaso ŋ kini keshin nɛ Israɛl be basa na e lar mbe efuli so.

Ɛksodɔs 14:17

Meeŋ naŋ shin nɛ Ijiptebi na be ŋgbene e ki kpakpa nɛ b yuu teku na to m bɛ bumo so, saŋɛ na so nɛ n nya kemaŋkura ŋkpal kusɔ nɛ meeŋ wora ewura Fɛɛro nɛ mbe benapo so so.

Ɛksodɔs 7:3

Ama meeŋ shin nɛ Fɛɛro e wora mbe kagbene kpakpa. Hale nɛ n wora etɔɔnɛsheŋ nɛ emamachisheŋ damta m bɛ abar so ashi Ijipt be kasawule so gba,

Aŋasa 16:30

Esa nɛ e bee ŋe basa anishi bee ku asheŋ nna, nɛ esa nɛ e duŋ kɔnɔwuro malɛ yil kulubi be kewora so.

Kaŋinichiŋgeliŋ 3:3

Mo e yili luwu nɛ eyur be alenfia be saŋɛ, nseŋ yili keda n lɛ nɛ kepɔr be saŋɛ.

Aizaaya 19:22

Enyɛnpe Ebɔrɛ na kaŋ gberge Ijiptebi na kusoe n loge, baaŋ bɛta m ba mo kutɔ. Kumo be kaman nɛ e nu bumo be kabɔrɛkule nseŋ shin nɛ Ijiptebi na e nya kechɛ.

Aizaaya 28:13

Amoso nɛ Enyɛnpe Ebɔrɛ na bee sha keŋini menyi nsibɛbi nɛ mmalgabi nɛ menyi maaŋ pin to na. Kumo be kaman keya kama nɛ menyeeŋ tia, menyeeŋ fiti n tɔr n doro nɛ b naŋ pɛ menyi fanɛ anya.

Aizaaya 29:10

Enyɛnpe Ebɔrɛ na e shin nɛ menyi be anishi bee biri menyi nɛ edi bee la menyi na. Menyi anebiana na e daga fanɛ b baa wu asheŋ a kaŋɛ basa na, ama Ebɔrɛ buu menyi be anishi so nna nɛ men maŋ naa wu asheŋ a pin to.

Aizaaya 29:14

Amoso meeŋ wora asheŋ nɛ a beeŋ chinchiŋ bumo nseŋ chɔɔ bumo be ŋgbene to nɛ bumo be nnɔ e mɔ bumo. Bumo to be benyiashempo beeŋ ki bewulpo nɛ bumo be kashennyi e ki jiga.”

Aizaaya 29:9

Asheŋ beeŋ chinchiŋ menyi anebiana na nseŋ mɔ menyi kɔnɔ! Menyeeŋ buu anishi so fanɛ etanpo a wɔtɔ! Menyeeŋ boo a jante nɛ menyi maŋ nuu nsa!

Aizaaya 44:18

Basa nɛ baa shuŋ agbirana maŋ nyi asheŋ, bumo alɛ nsaa du fanɛ etanpo. B ti bumo be nfɛra nɛ anishi so nna a laŋɛ kashenteŋ na be kaplɛa so.

Aizaaya 63:17

Enyɛnpe Ebɔrɛ, manɛ nna nɛ fo shin nɛ an foe n lar fo ekpa so n ta ŋkpensheŋ n shile fo? Jande bɛta m ba anyi kutɔ! An la fo nyɛrbi nɛ fo gbagba be basa nna.

Jɛremaya 17:9

Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

Jɛremaya 5:21

Men nu nfe! Menyi basa wulpo nɛ men maŋ nyi asheŋ ere! Manɛ so nɛ menyi maa nu ma mmalga a bɛ amo so? Manɛ so nɛ menyi maa pin to fanɛ

Jɛremaya 6:10

Ndoŋ nna nɛ ŋ kaŋɛ le: “Ekama nɛ ŋ kpele mo kusoe gba maaŋ nu n sa ma. Bumo be asoe ka du kpakpa ga so, baa mushe kubɔya kama nɛ fo ta n sa fanɛ n sa bumo na nna nsaa kini kenu n sa kumo.

Nfabel 3:65

Shoduu bumo nseŋ shin nɛ b ji awurfoŋ!

Zakareya 11:15

Ndoŋ nna nɛ Enyɛnpe Ebɔrɛ na kaŋɛ ma le: “Naŋ laŋɛ ŋ ki mbolpɔkpapo nɛ e maŋ kɔ tɔnɔ kikɛ na.

Zakareya 7:11

Ama ma basa ta ŋkpensheŋ nna m pal kaman n sa ma nseŋ ti bumo be asoe ŋ kini kenu n sa ma. B daŋ kplaŋ ma so nna

Matiu 13:15

Ŋkpal bumo be ŋgbene ka du kpakpa so, b ti bumo be asoe so nseŋ buu bumo be anishi so. Nɛ mannɛ aloŋ, bumo be anishi beeŋ bugi asheŋ be kewuto nɛ bumo be asoe e bugi asheŋ be kenuto nɛ bumo be ŋgbene e bugi asheŋ be kepinto. Ebɔrɛ yɛ: Loŋ na, baaŋ ba ma kutɔ nɛ n lara bumo ashi bumo be kebaawɔtɔ dra to n sa bumo kebaawɔtɔ popɔr.’

Baru lela nɛ Jɔn kute na 12:40

“N tan bumo be anishiana nseŋ ti bumo be ŋgbeneana, nɛ mannɛ aloŋ, bumo be anishiana beeŋ bugi asheŋ be kewuto nɛ bumo be ŋgbene e bugi asheŋ be kepinto nɛ b ba ma kutɔ nɛ n lara bumo ashi bumo be kebaawɔtɔ na to n sa bumo kebaawɔtɔ popɔr.”

Ashuŋ Shunso 28:27

‘Ŋkpal basa ere be ŋgbene ka du kpakpa so b ti bumo be asoe nseŋ buu bumo be anishi so. Nɛ mannɛ aloŋ, bumo be anishi beeŋ bugi asheŋ be kewuto nɛ bumo be asoe e bugi asheŋ be kenuto nɛ bumo be ŋgbene e bugi asheŋ be kepinto. Ebɔrɛ yɛ: Loŋ na baaŋ ba ma kutɔ nɛ n lara bumo ashi bumo be kebaawɔtɔ dra to n sa bumo kebaawɔtɔ popɔr.’ ”

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

2 Kɔrintebi 2:16

Bumo nɛ baa mur na, k la fanɛ kɔrtɔ lubi nna a mɔ, ama bumo nɛ baa nya kumɔlga na bre, k la fanɛ efɛa belbelso nna a bar ŋkpa. To, nɛ wanɛ e naaŋ tiŋ n wora le be kesheŋ ere?

Ditɛronɔmi 2:30

Ama Ewura Sihɔn daa maaŋ shuli fanɛ an bɔla mbe efuli so n choŋ, ŋkpal manɛ so, Enyɛnpe menyi be Ebɔrɛ na daŋ shin nɛ e wora mbe kagbene kpakpa nna nsaa sha kekɔ anyi, saŋɛ na so anyi beeŋ kɔ m pɔɔ mo so nseŋ sɔ mbe kasawule nɛ an kraŋ chena so ere.

Ditɛronɔmi 29:3

Menyi alɛ naŋ wu alɔ lubi nɛ emamachisheŋ nɛ Enyɛnpe Ebɔrɛ na wora ashi Ijipt be efuli so ndoŋ.

Ditɛronɔmi 29:4

Ama hale nɛ mbre loŋ be asɔ kraa maŋ shin nɛ men pin asheŋ nɛ men wu nseŋ nu na kikɛ to.

Ditɛronɔmi 31:20

Ma alɛ beeŋ keta bumo n yɔ kasawule nɛ k kɔ eleŋ a wora adɔjibi nɛnɛ na so fanɛ kananɛ n nase kumo be kɔnɔ n sa bumo nananyɛnana na. Baaŋ ya nya kusɔ kama nɛ baa sha n ji ndoŋ. Ama b kaŋ ya nya n ji n daŋ, baaŋ lar ma kaman n ya kaa shuŋ agbirana n jija ma nɛ bumo be kɔnɔkoŋwule be ŋkre na.

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.