Aizaaya 6:1 - EBƆRƐ BE KAWƆL

¹ Kafɛ nɛ ewura Uzzaya wu na nɛ ŋ ku bɔrɛdare n wu Enyɛnpe Ebɔrɛ na nɛ e tase mbe kuwurputi so kemaŋkura nɛ bunyanso. Mbe kuwurpiŋi daŋ sɔ bɔrɛlambu na be kaplɛkama nna.

Aizaaya 6:1 ပူးပေါင်းရင်းမြစ်များ

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

2 Bewura 15:7

Ewura Uziya ka wu, Jerusalɛm nɛ k la ewura Deevid be kade to nɛ b ya puli mo nɛ mo pibinyɛn Jotam sɔ mo so n ji kuwura.

2 Kronikɛls 18:18

Nɛ Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi ebɔrɛso,

Job be kawɔl 42:5

Beko kutɔ nɛ n daŋ nu fo asheŋ, ama naniere bre ŋ gbagba wu fo kenishiso.

Nshɛ 108:5

O Ebɔrɛ, shin nɛ fo asheŋgboŋ e dii efuli ashi awɔlpa so kikɛ, nseŋ shin nɛ basa e wu fo kemaŋkura ashi kasawule ere kikɛ so.

Nshɛ 113:5

Esa kikɛ maaŋ tiŋ n ta mbe kumu m ber Enyɛnpe anyi be Ebɔrɛ na. Mo e chena mbe kuwurputi so ebɔrɛso

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Ɛksodɔs 24:9

Asheŋ ere kikɛ be kaman nɛ Mosis nɛ Ɛɛrɔn nɛ Nadab nɛ Abihu nɛ Israɛlebi na be bejuŋkparpo adushunu dii kebee na be esoso.

Aizaaya 1:1

Kubɔya nɛ Ebɔrɛ lara ŋ ŋini Aizaaya, nɛ e la Amɔz pibinyɛn, a laŋɛ Juda be efuli nɛ kadegboŋ nɛ baa tre Jerusalɛm na be kaplɛa so jemanɛ nɛ Uziya nɛ Jotam nɛ Ahaz nɛ Hɛzekaya daa ji kuwura Juda be efuli so na, e wɔ kawɔl ere to na.

Aizaaya 12:4

Kachako bee ba nɛ basa e boŋ kashɛ ŋ kaŋɛ le: “Ta kechɔrɔ n sa Enyɛnpe Ebɔrɛ na! Tre mo fanɛ e chɛ fo to! Kaŋɛ efuliana na kusɔ nɛ e wora! Kaŋɛ bumo kananɛ e shi be asheŋ!

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 66:1

Enyɛnpe Ebɔrɛ yɛ: “Ebɔrɛso e la ma kuwurjiakpa nɛ kasawule so malɛ la ma aya be kusɔ yiliso so. Nɛ nuso be ebu nɛ menyeeŋ naŋ pɔr n sa ma nɛ n naŋ chena to ŋko nnɛ nɛ meeŋ naŋ chena n wushi?

Ezikɛl 1:1

Ma ketre e la Ezikɛl nɛ n la bɔrɛmatapo nsaa la kanyɛn nɛ baa tre Buzi na pibinyɛn. B ka pɛ Juda be ewura nɛ baa tre Jehowachin nseŋ tintiŋ mo n yɔ Babilɔn be efuli so na be kafɛ nusopo to nɛ ma nɛ bumo nɛ b pɛ n ti mo so n yɔ na daa wɔ lɔr nɛ baa tre Kɛba na ase. Ma nfɛ adesa to be kufɔl nasopo to be kachɛ nusopo na nɛ Enyɛnpe Ebɔrɛ na be kubɔya ba ma kutɔ nɛ esoso bugi n shin nɛ ŋ ku bɔrɛdare ere.

Ezikɛl 10:1

Asheŋ na be kaman nɛ ŋ keni kuwɔlpa nɛ k sha asɔbɔya keniso na be amu so, nseŋ wu kusɔ ko fanɛ kuwurputi nɛ b ta yawu kpakpaso be kejembu lela nɛ baa tre saffai na n lɔŋɛ.

Ezikɛl 10:4

Ndoŋ nna nɛ Enyɛnpe Ebɔrɛ na be kemaŋkura shi asɔbɔya keniso na be amu so n yɔ bɔrɛlambu na be kabuna to nɛ kuwɔlpa na sɔ bɔrɛlambu na to kikɛ nɛ Enyɛnpe Ebɔrɛ na be kemaŋkura shin nɛ kelɔnɛ na kikɛ to fulto parr.

Danɛl 10:17

N du fanɛ kenya ka yil mo nyɛnpe be anishito nna. Nuso nɛ meeŋ tiŋ m malga fo kutɔ? M maŋ naa kɔ eleŋ gba nɛ n fute.”

Danɛl 7:9

Kumo be kaman nɛ n wu b ka ta nwurputi n nase, nɛ esa nɛ e maŋ kɔ sososo nɛ lalaloge na chena nwurputi na be kuko so. Mbe piŋi daŋ fuli nna parr fanɛ kebɔrɛjembubi nɛ mbe emin malɛ du fanɛ ateebi. Mbe kuwurputi na daa suse edɛ nna nsaa deŋ kusɔ ko nɛ kumo be aya bel m pere fanɛ ajanwulɛ na so.

Nɔmbɛs 12:8

Ma nɛ mo ere bee wu abar nna nsaa malga abar kutɔ. Mannɛ aŋasa to nɛ mee malga mo kutɔ. E nyi kananɛ ma kapɔr du kikɛ! Amoso men maŋ kɔ ekpa nɛ men malga ŋ gbiti ma kayɛrbi Mosis!”

Matiu 25:31

Nɛ Yesu naŋ kaŋɛ: “Saŋɛ nɛ ma, Nyiŋgbasa Pibinyɛn beeŋ shi ma kemaŋkura to nɛ emalaika kikɛ e ba na, meeŋ ba chena ma kemaŋkura be kuwurputi na so.

Baru lela nɛ Jɔn kute na 1:18

Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

Baru lela nɛ Jɔn kute na 12:41

Anebi Aizaaya daŋ kaŋɛ le nna ŋkpal e ka daŋ wu Yesu be kemaŋkura nseŋ malga mbe asheŋ na so.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

Kelaraŋŋini 15:8

Ade be kaman nɛ edishi shi Ebɔrɛ be kemaŋkura to nɛ mbe eleŋ to n sɔ bɔrɛlambu na kikɛ to nɛ esa kikɛ malɛ daa maŋ tiŋ n luri bɔrɛlambu na to hale nɛ emalaika ashunu na be etɔrɔ ashunu na ya loge.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Kelaraŋŋini 3:21

Esa kama nɛ e kɔ m pɔɔ so, meeŋ sa mo ekpa nɛ e tu ma n chena ma kuwurputi so fanɛ kananɛ ŋ kɔ m pɔɔ so nseŋ chena n Tuto kutɔ ashi mbe kuwurputi so na.

Kelaraŋŋini 4:10

Bejuŋkparpo adunyɔ nɛ ana na bee jɔŋɛ esa nɛ e tase kuwurputi so na nna nseŋ bunyaŋ mo koŋwule nɛ e wɔ ŋkpa to mbaanaayɔ na. Baa bugi bumo be nwurwuro nna a nase kuwurputi na be anishito nsaa kaŋɛ le:

Kelaraŋŋini 4:2

Epul na to nɛ Kiyoyu Cheeŋ na koso ma kikɛ to nɛ ŋ keni n wu kuwurputi ebɔrɛso nɛ esa ko tase kumo so.

Kelaraŋŋini 4:3

Esa nɛ e daa tase ndoŋ na daa kpa edɛ nna palpal, a du fanɛ kejembu nɛ baa tre jaspa na nna, nseŋ pere kpaiŋ fanɛ kejembu nɛ baa tre saadie na. Kabɔrɛnyaŋgelambi ko malɛ daa du fanɛ ɛmeraldi be kejembu nɛ k la kefitiri bumbuŋ nawule na daŋ kulti kuwurputi na.

Kelaraŋŋini 4:9

Saŋkama malɛ asɔbɔya keniso na bee sa esa nɛ e tase kuwurputi na so na nsaa wɔ ŋkpa to mbaanaayɔ na kemaŋkura nɛ bunyaŋ nɛ kechɔrɔ nna.

Kelaraŋŋini 5:1

Ndoŋ nna nɛ n wu kawɔl sibɛso ka wɔ esa nɛ e daŋ chena kuwurputi na so be enɔjiso so. Kasibɛ e daŋ bɔlɔ kumo be anishito nɛ kamanto kikɛ nɛ b ta tɔɔnɛ be kebersobi ashunu m pɛ kumo.

Kelaraŋŋini 5:7

Mo e daŋ ba esa nɛ e daŋ chena kuwurputi na so na kutɔ m ba sɔ kawɔl sibɛso na ashi mbe enɔjiso to.

Kelaraŋŋini 6:16

Ade be kaman nɛ b fara a tre abeegboŋana na nɛ afaltaana na fanɛ a ka la enyiŋgbasa a kaŋɛ amo le: “Men tɔr anyi so n ta anyi ŋ ŋana esa nɛ e tase mbe kuwurputi so na nɛ Kpakpafɔlbi na be agbo so.