Aizaaya 59:3 - EBƆRƐ BE KAWƆL

³ Ŋkpal manɛ so, menyi be mmalga kikɛ la efɛsheŋ nna nɛ menyi be ŋkre kikɛ la kebagato nɛ kelantokɔ be asheŋ. Basa be kamɔ damta so, ŋklaŋ gbiti menyi be enɔana nna.

Aizaaya 59:3 ပူးပေါင်းရင်းမြစ်များ

Aŋasa 6:17

Kamoowu nɛ kudonduloŋ fɛpo nɛ enɔ nɛ k bee mɔ basa nɛ b maŋ wora n da so,

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

Aizaaya 1:21

Menyi Jerusalɛmebi nɛ men daa ji kashenteŋ na, chɛrga nna a wora asheŋ fanɛ sakaleche. Basa nɛ b niŋi e daŋ bɔlɔ menyi be kadegboŋ to jemanɛ ko, ama naniere basa nɛ baa mɔ basa nawule e ka kumo to.

Aizaaya 28:15

Menyee ka kaŋɛ fanɛ menyi ere nɛ luwu wora kɔnɔ nna, nɛ menyi nɛ basa nɛ b wu n yɔ bubuni to be nnɔ wora kukoŋwule. Men yirda fanɛ jɛrbi kama nɛ k beeŋ ba maaŋ wora menyi shɛŋ ŋkpal efɛ nɛ kafule be kebaawɔtɔ nɛ men wɔtɔ na so.

Aizaaya 3:8

Kashenteŋto, asheŋ maaŋ nyalɛ n sa Jerusalɛmebi! Juda be efuli so malɛ baa mur nna na! Kusɔ kama nɛ baa kaŋɛ ŋko a wora bee gbiti Enyɛnpe Ebɔrɛ na nna. Baa tege Ebɔrɛ ekama be anishito nna.

Aizaaya 30:9

B wɔtɔ nna a lar Ebɔrɛ kaman nsaa ku efɛ nsaa kini kebaanu a sa Enyɛnpe Ebɔrɛ na be keŋini.

Aizaaya 44:20

Esa nɛ e bee shuŋ agbir baa du fanɛ esa nɛ e bee muu nsunɔ a ji nna. Mbe kawulisheŋ na fule mo nna nɛ e ta mbe kumu n wɔtɔ kebaawɔtɔ ko to nɛ esa maaŋ naŋ tiŋ n chɛ mo to na. Ŋkpal manɛ so, e maaŋ shuli fanɛ kegbir nɛ e bee shuŋ na maŋ la Ebɔrɛ kikɛ.

Aizaaya 59:13

An lar fo kaman nseŋ kini fo a maa shuŋ fo. Anyi alɛ kɔrfɛ beko ga nseŋ shile fo. Anyi be nfɛra fɛso gba la kafulesheŋ nna nɛ anyi be mmalga malɛ maŋ la kashenteŋ.

Aizaaya 6:5

Ndoŋ nna nɛ ŋ kaŋɛ le: “Tama maaŋ naa wɔtɔ n sa ma nna na! Asheŋ maaŋ nyalɛ n sa ma, ŋkpal manɛ so, kamalga kikɛ nɛ k beeŋ lar ma kɔnɔ to la kulubi nna. Ma alɛ nɛ basa nɛ bumo be mmalga kikɛ la alubi e wɔtɔ, ama ma alɛ wu Enyɛnpetale Ebɔrɛ na kenishiso.”

Aizaaya 9:15

E beeŋ mur bumo be bewurjipoana nɛ bejuŋkparpoana nɛ anebiana nɛ b maa ji kashenteŋ na kikɛ.

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 2:34

Men mɔ basa nɛ b maŋ wora shɛŋ kikɛ nɛ k wora fanɛ bumo be ŋklaŋ ka gbiti menyi be asɔbuuso. Ama amo nɛ amo kikɛ

Jɛremaya 22:17

Ama fo ere, Jehowakim, kananɛ feeŋ wora m puni, ŋko nyaŋ fo basa n suge bumo be asɔ, ŋko m mɔ basa nɛ b maŋ wora shɛŋ be asheŋ e wɔ fo kagbene nɛ fo nfɛra to.”

Jɛremaya 7:8

Ama men kini nseŋ ta menyi be yirda n wɔtɔ kafule be mmalga nɛ e maŋ kɔ tɔnɔ to.

Jɛremaya 9:2

N daa yɛlga kenya kakpa ashi keshishɛrsawule so, nɛ n lar ma basa to n ya chena ndoŋ. Ŋkpal manɛ so, bumo kikɛ maŋ kɔ kashenteŋji n sa Ebɔrɛ, bumo alɛ kikɛ la bedebɔrpo nawule nna.

Jɛremaya 9:7

Ŋkpal loŋ so nɛ Enyɛnpetale Ebɔrɛ na kaŋɛ le; “Ma basa teŋ wora alubi n da ma so. Manɛ nɛ meeŋ wora bumo nɛ mannɛ kelɔŋɛ bumo so fanɛ kananɛ baa lɔŋɛ kebɛlso so na?

Ezikɛl 13:8

To, kusɔ nɛ Enyɛnpetale Ebɔrɛ na kaŋɛ bumo nde: “Menyi be mmalga la kafule nna nɛ menyi be ebɔrɛdare malɛ la efɛ. Amoso m maaŋ yige menyi kikɛ.

Ezikɛl 22:2

“Dimɛdi pibi, Ezikɛl, fo wora shiriya nɛ fo kaŋɛ Jerusalɛm nɛ k la kadegboŋ nɛ basa nɛ baa mɔ basa bɔlɔ kumo to na fanɛ k maŋ wora n nyalɛ a? Kumo ere shin nɛ basa na e pin bumo be ekishisheŋ nɛ b wora na be asheŋ.

Ezikɛl 35:6

Ŋ ka la Enyɛnpetale Ebɔrɛ nɛ e bee sa ŋkpa so luwu nɛ men maaŋ tiŋ ŋ gbelge e naaŋ ba menyi so. Men wora n jija ŋkpal basa be kamɔ so, amoso menyi alɛ gba beeŋ wu.

Ezikɛl 7:23

“Basa be kamɔ nɛ keta akɔsɔ a kɔ a fin kusɔ nɛ esa bee sha tintiŋ so sɔ efuli na be kaplɛkama nna.

Ezikɛl 9:9

Nɛ Ebɔrɛ kaŋɛ ma le: “Israɛl nɛ Juda be basa be kulubi na shi m baŋ so. Basa be kemɔ e sɔ kasawule na kikɛ so nɛ ekishisheŋ malɛ sɔ Jerusalɛm be kade to kikɛ. Baa kaŋɛ nna fanɛ, ma, Enyɛnpe Ebɔrɛ na kplaŋ efuli na so nna; ma alɛ maa wu asheŋ nɛ baa wora na.

Hoziya 4:2

Baa nase nnɔ nna nsaa maa bɛ amo so. B wɔtɔ nna a ku efɛ, a mɔ basa, nsaa yuri nseŋ naa ji kesakalea. Bumo be asheŋ lubi malɛ baa ti so nna nɛ b wɔtɔ a mɔ abar saŋkama.

Hoziya 7:13

Ŋkpal b ka pal kaman n sa ma so bumo be lalaloge fo nna na. Bumo kikɛ beeŋ mur. N daa sha fanɛ m mɔlga bumo nna ama bumo be kananɛ baa bunyaŋ ma na, maŋ la kashenteŋ be bunyaŋ.

Hoziya 7:3

Enyɛnpe Ebɔrɛ yɛ: “Basa na bee bɔla bumo be ŋkre lubi so nna a fule ewura na nɛ mbe benimuana.

Maika 3:4

Kachako menyeeŋ shu ŋ kule Enyɛnpe Ebɔrɛ na, ama e maaŋ nu menyi be kekule. Ŋkpal menyi be alubi so, e beeŋ kpele mbe anishi nsaa maaŋ tuge menyi gba kuraa.

Maika 6:12

Damawuraana na bee puni betirpo nna nɛ ekama malɛ bee ku efɛ.

Maika 7:2

Esa kikɛ ma ŋ naa ji kashenteŋ kasawule ere so. Ekama maŋ niŋi Ebɔrɛ be anishito. Ekama bee fin ekpa nɛ e beeŋ bɔla so m mɔ mo barkasa nna. Edimɛdi kikɛ bee tɛ bumo niopibiana nna a fin bumo nɛ b mɔ.

Matiu 27:4

nseŋ ya kaŋɛ bumo le: “N wora alubi, ŋkpal manɛ so, n debɔr esa nɛ e maŋ wora shɛŋ nɛ baa shin nɛ b mɔ mo.” Nɛ basa na bishi mo le: “Anyi alɛ be manɛ e naa wɔtɔ? Fo asheŋ nna.”

1 Timoti 4:2

Le be keŋini ere shi kebirkɔnshi be befɛpo nɛ nfɛra lubi deŋ bumo na kutɔ nna.