Aizaaya 57:4 - EBƆRƐ BE KAWƆL

⁴ Wanɛ nɛ menyee wora eyurto? Wanɛ nɛ menyee mɛr kɔnɔ? Men keni, menyi be alubi shin nɛ men ki bewulpo nna.

Aizaaya 57:4 ပူးပေါင်းရင်းမြစ်များ

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Nshɛ 22:13

N doŋana na du nna fanɛ ebuluŋ nɛ b ya bumo be nnɔ to a ponte to, nsaa kpɛa kusɔ kama nɛ b pɛ to na.

Nshɛ 22:17

Meeŋ tiŋ ŋ karga ma awibi kikɛ, nɛ ma doŋana mɛrge anishi n yuu ma so a keni nsaa mushe ma.

Nshɛ 22:7

Ekama nɛ e wu ma bee wora ma shia nna. Baa fifi amu nna nsaa tege ma a kaŋɛ:

Nshɛ 35:21

Baa nya manaŋ a ku asheŋ a deŋi ma nna; nsaa ponte a kaŋɛ le: “An gbagba be kenishi e wu kusɔ nɛ fo wora.”

Nshɛ 69:12

Bejuŋkparpo nɛ demujipoana bee kuli ma nna, nɛ basa nɛ baa nuu nsa a boo, bee boŋ nshɛ a wora ma eyurto.

Ɛksodɔs 9:17

Ŋkeshin nɛ fo alɛ kraa wɔtɔ nna a ŋini ma basa fo eleŋ nsaa kini keshin nɛ b yɔ.

Aizaaya 1:4

Asheŋ maaŋ nyalɛ n sa fo efuli lubi nɛ fo basa wora alubi damta nsaa nyi fanɛ b wora n da so ere. Men kini Enyɛnpe Ebɔrɛ nɛ e la Israɛl be Ebɔrɛ cheembi na nseŋ pal kaman n sa mo.

Aizaaya 10:15

Ama le nɛ Enyɛnpe Ebɔrɛ na kaŋɛ Asiriya be ewura na: “Kekpanfu ŋko kasaŋɛgboŋ beeŋ tiŋ ŋ kaŋɛ fanɛ kumo e chɔ esa nɛ e bee keta kumo a shuŋ na a? Dimɛdi e naa keta kaprɛ ŋko kaprɛ e naa keta dimɛdi?”

Aizaaya 30:1

Enyɛnpe Ebɔrɛ na yɛ: “Asheŋ maaŋ nyalɛ n sa basa nɛ baa ji kuwura Juda be efuli so na ŋkpal b ka lar ma kaman a maa nu a sa ma so. Baa bɛ ŋkre nɛ m maŋ wora so nna nseŋ shin nɛ bumo nɛ efuli ko so ebi bee wora kɔnɔkoŋwule be ŋkre nɛ m maa sha kumo be loŋ. B wɔtɔ nna a wora alubi a deŋi abar so.

Aizaaya 30:9

B wɔtɔ nna a lar Ebɔrɛ kaman nsaa ku efɛ nsaa kini kebaanu a sa Enyɛnpe Ebɔrɛ na be keŋini.

Aizaaya 37:23

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

Aizaaya 37:29

N wu fo kamoowu nɛ agbogboŋ na kikɛ. Naniere meeŋ ta dariwa n wɔtɔ fo kamuna to nseŋ ta kebarga n wɔtɔ fo kɔnɔ to. Kumo be kaman nɛ n ta fo m bɔla ekpa nɛ fo bɔla so m ba na m bɛta n yɔ kakpa nɛ fo shi m ba.”

Aizaaya 48:8

N nyi menyi ka la basa nɛ esa maaŋ tiŋ n yirda, nseŋ naa la basa nɛ baa lar ma kaman, yili jemanɛ nɛ n ta menyi ŋ ki efuli n sa ma kumu na. Amoso nɛ menyi maŋ wora ania nɛ men nu kusɔ nɛ ŋ kaŋɛ menyi na.

Aizaaya 57:5

Menyi ka bee shuŋ agbirana nɛ menyee fɛ fanɛ e bee sa kakurge so, men wɔtɔ nna a di abar keche nɛ kenyɛn ashi ndibigboŋ nɛ menyee shuŋ agbir na amo be afito. Menyi alɛ naa ta menyi be mbia a lara esarga ashi abeelaŋ nɛ ataŋɛ chiŋgeliŋ nɛ a wɔ abeemase na nna.

Jɛremaya 20:8

Jemanɛ kikɛ nɛ k daga fanɛ m malga, kemur nɛ luwu be asheŋ nɛ mee malga. Enyɛnpe Ebɔrɛ, fo kubɔya nɛ mee bɔ na bee bar ma katege nɛ etɔrɔ nawule nna.

Ezikɛl 2:4

Basa nɛ mee shuŋi fo bumo kutɔ ere la ŋgbene kpakpaso nɛ kusoe kpakpa be basa nɛ b maa sa ma bunyaŋ nna. Ya kaŋɛ bumo kusɔ nɛ ma, Enyɛnpetale Ebɔrɛ na kaŋɛ.

Hoziya 10:9

Enyɛnpe Ebɔrɛ yɛ: “Baŋ yili saŋɛ so nɛ Israɛlebi wora kulubi ŋ gbiti ma ashi Gibia na m ba fo mbre, b maŋ naŋ yige alubi be kebaawora a gbiti ma. Amoso Gibia nɛ baaŋ baa wɔ nɛ bedoŋ e ta kena m ba tu bumo.

Nɔmbɛs 16:11

Fo baa malga a gbiti Ɛɛrɔn, kumo ere Enyɛnpe Ebɔrɛ na nɛ fo braana bee kini kenu n sa na.”

Matiu 13:38

Kudɔ na e la durnya ere nɛ asɔ duuso lela na malɛ la Ebɔrɛ be kuwura na to be basa. Asɔ duuso lubi na malɛ e la alubipo na be basa.

Matiu 27:29

Kumo be kaman nɛ b ta ewidibi be ayabi n wora kuwurwuro m buu mo nseŋ ta kekpabi malɛ n wɔtɔ mbe enɔjiso to nseŋ gbir mbe anishito a wora mo eyurto a kaŋɛ le: “Juwebi be Ewura, anyee chɔrɔ fo.”

Luuk 10:16

Kumo be kaman nɛ e kaŋɛ mbe bebɛsopo: “Esa kama nɛ e bee nu a sa menyi, bee nu a sa ma nna na. Ekama malɛ nɛ e bee kini menyi, bee kini ma nna na. Nɛ ekama malɛ nɛ e kini ma, kini emo nɛ e shuŋi ma na nna na.”

Ashuŋ Shunso 9:4

Nɛ e tɔr kasawule nseŋ nu ebɔl ka bee bishi mo: “Sɔɔl, Sɔɔl, manɛ e ba nɛ fee tɔrɔ ma?”

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

Kɔlɔsiebi 3:6

Ebɔrɛ malɛ beeŋ gberge bumo nɛ b maa nu mbe kɔnɔ nsaa wɔtɔ a wora le be asheŋ na kusoe.

Joshuwa 10:21

Israɛl be benapo na bre daŋ bɛta nɛ alenfia nna m ba Joshuwa kutɔ ashi Makɛda be keeyi to. Basa nɛ b wɔ efuli na so na malɛ be ekama daa ŋana kenaŋ m malga kamalga lubi ŋ gbiti Israɛlebi na nna.

2 Pita 2:13

Tɔrɔ mo nɛ baa bar ere, Ebɔrɛ beeŋ ta tɔrɔ ŋ ka bumo. Kusɔ nɛ k la ebel bumo kutɔ e la kewora kusɔ kama nɛ bumo be eyurana bee sha kapaso parr. Bumo be asheŋ la anishinyɔr nɛ ŋaba nna nɛ baa tu menyi a ji a wɔtɔ a nu bumo be kafulesheŋ be ebel na.