Aizaaya 57:2 - EBƆRƐ BE KAWƆL

² Bekama nɛ b wɔ kebaawɔtɔ lela to bee nya kayurwushi nɛ ewushi ashi luwu to nna ŋkpal b ka daa wora Ebɔrɛ kasonu so.

Aizaaya 57:2 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

2 Kronikɛls 16:14

nɛ b ta mo n ya puli mo gbagba be kejembu laŋ be nchaŋ nɛ e shin nɛ b kur n nase mo ashi Jerusalɛm nɛ k wɔ Ewura Deevid be kade to na to. B daŋ ta efɛa belbelso be duwu nna nɛ etulale be ŋkuana n ya gbiti mbe kebuni pɔɛŋ n ta mo m puli, nseŋ puga edɛgboŋ mbe keelibuna n shu mbe keeli bunyanso.

Job be kawɔl 3:17

Basa lubi maŋ naa tiŋ a wora asheŋ lubi nchaŋ to, basa nɛ b shuŋ ŋ gben malɛ bee nya a wushi ndoŋ nna.

Nshɛ 37:37

Keni, asheŋ lela bee jo basa nɛ baa ji kashenteŋ nsaa maa wora a foe; nsaa fin kayurwushi na be kaman to ebi nna.

Kaŋinichiŋgeliŋ 12:7

Anyi be eyurana ere beeŋ bɛta n yɔ shishɛr nɛ a shi to na to, nɛ Kiyoyu nɛ e bee sa anyi ŋkpa nɛ efute na malɛ e bɛta n yɔ Ebɔrɛ nɛ e ta mo n wɔtɔ anyi to na kutɔ.

Aizaaya 14:18

Durnya to be bewura kikɛ baaŋ wu baa pɔr bubuni be ebu ko nna a ta bumo a wɔtɔ to,

Aizaaya 26:7

Kusɔ nɛ k daga nɛ fo Enyɛnpe Ebɔrɛ bee wora jemanɛ kikɛ, nsaa shin nɛ ekpabi bee ki fanɛ kegbembi a sa basa nɛ baa wora fo kasonu.

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Ezikɛl 32:25

Elam e dese kakpa nɛ basa nɛ b mɔ kena to dese na nɛ kumo be benapo be nchaŋana kulti efuli na kikɛ so na. Bumo koŋwule na e daa funti basa na, ama naniere bumo e ji anishinyɔr n wu n tu basa nɛ b mɔ kena to a dese na.

Danɛl 12:13

Amoso Danɛl, ji kashenteŋ n ya fo lalaloge be jemanɛ na. Fo wu gba, feeŋ tiŋi luwu to n sɔ fo kakɔka.”

Matiu 25:21

Nɛ mo nyɛnpe kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, naniere meeŋ ta asɔ damta m bɔɔ fo enɔ. Ba tu ma, fo nyɛnpe a nu ma kuwura to be ebel.’

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Luuk 16:22

Kachako nɛ etirpo na wu nɛ emalaika ta mbe kiyoyu n yɔ ebɔrɛso n ya chena Eebraham be kekel so.

Luuk 2:29

“Enyɛnpe, naniere bre fo shin nɛ fo kɔnɔ naseso na bɔla ekpa. Amoso, nɛ k par fo, fo shin nɛ fo kenya e lar basa to nɛ kagbenewushi,

Luuk 7:50

Nɛ Yesu kaŋɛ kache na: “Baa yɔ nɛ kagbenewushi, fo yirda e mɔlga fo.”

2 Kɔrintebi 5:1

Ŋkpal manɛ so, an baa nyi fanɛ eyur mo nɛ k du fanɛ wajɛbu nɛ an wɔ kumo to durnya ere to ere baŋ jija, an kɔ kowu ashi Ebɔrɛ kutɔ, ebu nɛ b maŋ ta enɔ m pɔr kumo nɛ k wɔ ebɔrɛso mbaanaayɔ.

2 Kɔrintebi 5:8

Anyi maa pɔ aba kikɛ nsaa sha ga fanɛ nɛ an daŋ nya nna an daa beeŋ lar anyi be eyur ere nɛ k la anyi pe ere to nseŋ daŋ ya kaa wɔ epe ashi an Nyɛnpe na kutɔ.

Filipaiebi 1:23

M baŋ ki nna cham a wɔ asɔ anyɔ na to be nferinto, ŋkpal manɛ so, kusɔ nɛ mee sha e la kelar durnya ere to n ya kaa wɔ Kristo kutɔ, kusɔ nɛ k baa bɔ malɛ nna na.

Kelaraŋŋini 14:13

Ndoŋ nna nɛ n nu ebɔl ka shi ebɔrɛso ŋ kaŋɛ ma le: “Sibɛ le n nase: Kagbenefuli la bekama nɛ b wɔ Enyɛnpe to nseŋ wu naniere mbaanaayɔ na peya nna.” Nɛ Kiyoyu Cheeŋ na kaŋɛ: “Kashenteŋto, baaŋ wushi ashi bumo be kegben ere to, ŋkpal manɛ so, bumo be aworbi beeŋ ba bɛ bumo so n yɔ.”