Aizaaya 57:16 - EBƆRƐ BE KAWƆL

¹⁶ M maaŋ naaŋ nya agbo n wɔtɔ ma basa a wu bumo kulubi mbaanaayɔ. Ŋkpal manɛ so, ma e to bumo nsaa maa sha fanɛ bumo be aba e pɔ bumo.

Aizaaya 57:16 ပူးပေါင်းရင်းမြစ်များ

Jɛnesis 6:3

Kachako nɛ Enyɛnpetale kaŋɛ: “M maaŋ shin nɛ kiyoyu nɛ n ta n wɔtɔ dimɛdi to na e baa wɔ mo to mbaanaayɔ, ŋkpal manɛ so, e la eyur nɛ ŋklaŋ nna, amoso e beeŋ ji nfɛ kalfa nɛ adunyɔ nawule nna durnya ere to.”

2 Samuɛl 24:16

Ama Enyɛnpe Ebɔrɛ be Malaika ka daa shin nɛ e mur Jerusalɛm na, nɛ kuwɔr pɛ Enyɛnpe Ebɔrɛ nɛ e chɛrga mbe nfɛra a yɔ basa na be kasogberge na be kaplɛa so nseŋ kaŋɛ Malaika nɛ e bee mɔ bumo na le: “K nyalɛ loŋ. Lara fo enɔ ashi bumo be asheŋ to!” Kumo be jemanɛ na nɛ Malaika na wɔ Aruna nɛ e la Jebusi be esa na be kugooro na ase.

Job be kawɔl 12:10

Kusɔ futeso kikɛ be ŋkpa bɔɔ Ebɔrɛ enɔ nna.

Nshɛ 85:5

Feeŋ nya agbo n wɔtɔ anyi nɛ anyi be nnaŋ to ebi mbaanaayɔ a?

Kaŋinichiŋgeliŋ 12:7

Anyi be eyurana ere beeŋ bɛta n yɔ shishɛr nɛ a shi to na to, nɛ Kiyoyu nɛ e bee sa anyi ŋkpa nɛ efute na malɛ e bɛta n yɔ Ebɔrɛ nɛ e ta mo n wɔtɔ anyi to na kutɔ.

Aizaaya 27:8

Kasogberge nɛ Enyɛnpe Ebɔrɛ na sa mbe basa e la fanɛ e shin nna nɛ bumo doŋana kɔ m pɔɔ bumo so nseŋ pɛ bumo n yɔ efuli pɔtɛ so n ya ki anya. Bumo bedoŋana na daa du fanɛ epeŋilarkpa be afu tushiso nna m ba ber bumo n yɔ kufɔ kufɔ.

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Aizaaya 42:5

Ebɔrɛ e to esoso nseŋ parga kumo to n sɔ kaplɛkama; mo e to kasawule nɛ asɔ kama nɛ e wɔ kumo so na kikɛ; mo e sa durnya to be basa kikɛ ŋkpa nɛ efute. Naniere kusɔ nɛ Enyɛnpe Ebɔrɛ na bee kaŋɛ mbe kayɛrbi nde:

Aizaaya 64:8

Ama fo, Enyɛnpe Ebɔrɛ na e la an tuto. Anyi ere du fanɛ ebɔ nna nɛ fo alɛ du fanɛ mba nɛ mpuliya be epɔrpo. Fo e to anyi,

Jɛremaya 10:24

Ŋini fo basa akpa, Enyɛnpe Ebɔrɛ, ama sa maŋ kaŋ nyaŋ anyi ga ŋko ŋ gberge anyi kusoe kanya agbo so; nɛ mannɛ aloŋ anyeeŋ wu.

Jɛremaya 3:5

Fo maaŋ nya agbo n wɔtɔ anyi mbaanaayɔ.’ Kusɔ nɛ menyi, Israɛl be basa, kaŋɛ ma nna na; ama menyi alɛ bee wora alubi nɛ menyee sha nna.”

Jɛremaya 38:16

Nɛ Ewura Zɛdikaya nase kɔnɔ ashiri to ŋ kaŋɛ ma le: “M bɔ Ebɔrɛ nɛ e sa anyi ŋkpa ere fanɛ m maaŋ mɔ fo ŋko n ta fo n sa basa nɛ baa fin fo kemɔ na nɛ b mɔ.”

Ezikɛl 18:4

Dimɛdi kikɛ be ŋkpa bɔɔ ma enɔ nna, bekurgepo nɛ bumo be mbia kikɛ. Amoso, esa nɛ e wora kulubi e naaŋ wu kumo be luwu.

Eemɔs 1:11

Enyɛnpe Ebɔrɛ yɛ: “Edɔm be basa wora alubi n ya baŋ so. Amoso abaanaaworashɛŋ meeŋ gberge bumo kusoe. B ju m buu bumo kurgepoana Israɛlebi so n ya mɔ bumo. B daŋ maŋ wu bumo kuwɔr ŋkpal bumo be asheŋ ka daa pɛ bumo agbo nɛ b nya agbo n wɔtɔ bumo ga so.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Zakareya 12:1

Kubɔya nɛ k shi Enyɛnpe Ebɔrɛ na kutɔ a laŋɛ Israɛl be kaplɛa so na nde. Mo e to esoso nseŋ tɔl durnya n yili kumo be gbaltɔlase so, nseŋ sa dimɛdi ŋkpa na.

Nɔmbɛs 16:22

Ama Mosis nɛ Ɛɛrɔn bre daŋ gbir nna ŋ kurgi amu n yuu to nseŋ kaŋɛ le: “O Ebɔrɛ, fo e naa sa anyi ŋkpa. Feeŋ shuli n nya agbo n wɔtɔ basa ere kikɛ ŋkpal esa koŋwule be kulubi so a?”

Hibruwebi 12:9

Nɛ men ta fanɛ an tuto kurgesoana durnya ere to, menyeeŋ wu fanɛ saŋko b daa niŋi a niŋi anyi ekpa nna nɛ an daa sa bumo bunyaŋ ŋkpal loŋ so. To, nɛ fo keni anyi be ayoyu be Etuto na, a maŋ daga fanɛ an nu n sa mo nseŋ nya ŋkpa a wɔtɔ a?