Aizaaya 57:13 - EBƆRƐ BE KAWƆL

¹³ Men kaa shu a fin kechɛto, men shin nɛ menyi be agbirana e mɔlga menyi! Ama afu fimbi e naŋ ber amo n lɛ. Bekama nɛ b yirda ma e naaŋ chena kasawule na so nseŋ shuŋ ma ashi ma bɔrɛlambu to ashi ma kebee cheembi na so.”

Aizaaya 57:13 ပူးပေါင်းရင်းမြစ်များ

2 Bewura 3:13

Nɛ Elaisha kaŋɛ Israɛl be ewura na le: “Manɛ nɛ ma nɛ fo kɔ nɛ mee chɛ fo to? Yɔ n ya bishi efuli pɔtɛana so be agbir nɛ fo tuto nɛ fo nio bee yɔ amo kutɔ n ya ka sɔ nfɛra na.” Nɛ ewura Joram kaŋɛ: “M-m, Enyɛnpe Ebɔrɛ na e bar anyi bewura asa ere nɛ anyi be benapo nfe nɛ Mowab be ewura e kɔ m pɔɔ anyi so.”

Job be kawɔl 21:18

Ale afanɛ nɛ e daŋ farnyaŋ bumo to fanɛ kananɛ afugboŋ bee kpeta amimi a lɛ na?

Nshɛ 1:4

Ama mannɛ loŋ nɛ k du n sa alubiworapoana bre. Bumo ere du fanɛ asɔ be afɔfɔ nɛ afu bee foŋ n ya kaa lɛ nna.

Nshɛ 118:8

Keta fo yirda n to Enyɛnpe Ebɔrɛ so nɛ e baa kuŋ fo bɔ fo ka ta fo kumu n to nyiŋgbasa so

Nshɛ 125:1

Bekama nɛ b yirda Enyɛnpe Ebɔrɛ na, du fanɛ Zayɔn be kebee na nna ashi Jerusalɛm to, nɛ k maa gbuŋgbuŋ na nna. K yil nna mbaanaayɔ.

Nshɛ 37:11

Ama bebɔlpo bre beeŋ ji kasawule ere so be tɔnɔ; nseŋ nya kagbenewushi gboŋgboŋi.

Nshɛ 37:22

Basa nɛ Enyɛnpe Ebɔrɛ nɛfa na, e naŋ ji kasawule ere so be tɔnɔ. Ama bekama nɛ Ebɔrɛ sho kɔnɔ na bre beeŋ mur.

Nshɛ 37:29

Kasawule ere beeŋ baa la basa nɛ baa wora asheŋ nɛ a niŋi na peya, nɛ b chena kumo so mbaanaayɔ.

Nshɛ 37:3

Yirda Enyɛnpe Ebɔrɛ na, nsaa wora alelasheŋ. Saŋɛ na so feeŋ chena kasawule ere so n nya kekuŋ.

Nshɛ 37:34

Ta fo yirda n wɔtɔ Enyɛnpe na to, nsaa bɛ mo so. E beeŋ shin nɛ fo chena kasawule ere so n wu kananɛ belubiworapo beeŋ mur.

Nshɛ 37:9

Alubiworapoana kikɛ beeŋ mur. Ama bekama nɛ b yirda Enyɛnpe Ebɔrɛ na bre beeŋ ji kasawule ere so be tɔnɔ.

Nshɛ 58:9

Pɔɛŋ nɛ kapuliya nɛ k bɛ edɛ wuloŋwuloŋ so beeŋ bel edɛ, nɛ fo teŋ m mur bumo.

Nshɛ 84:12

O Enyɛnpetale Ebɔrɛ, kagbenefuli la esa kama nɛ e yirda fo na peya nna!

Aŋasa 28:25

Bejimunipo bee baga asheŋ to nna, ama asheŋ beeŋ nite nɛnɛ n sa esa kama nɛ e ta mbe yirda n deŋi Enyɛnpe Ebɔrɛ so.

Aizaaya 11:9

Kusɔ lubi kikɛ maaŋ naa wɔ Ebɔrɛ be kebee cheembi nɛ baa tre Zayɔn na so. Kananɛ nchu bɔlɔ teku to na, aloŋ nɛ basa nɛ b nyi nsaa bunyaŋ Enyɛnpe Ebɔrɛ na gba beeŋ baa kaa shi kasawule na so.

Aizaaya 14:32

Nɛ fanɛ kabɔ ko shi Filisti be efuli so m ba menyi kutɔ, a daga fanɛ men kaŋɛ mo le: “Enyɛnpe Ebɔrɛ na e pɔr Zayɔn, nɛ mbe basa to be etirpo gba e nya a wɔ ndoŋ nɛ shɛŋ maaŋ tɔrɔ mo.”

Aizaaya 25:4

Betirpo nɛ basa nɛ b maaŋ tiŋ n chɛ bumo be amu to shile m ba buu fo etɔrɔ be jemanɛ nseŋ nya bumo be amu. Fo e kuŋ bumo ashi bɔrɛfugboŋ to nseŋ sa bumo kayul epeŋi nyaŋnyaŋso so. Bedoŋ nɛ b maa wu kuwɔr kre m ba fanɛ gbaŋgbaŋ to be afugboŋ,

Aizaaya 40:24

B du fanɛ asɔduuso popɔrbi nna nɛ b baŋ kraŋ duu amo nɛ a maŋ naŋ mur achin na nna. Enyɛnpe Ebɔrɛ na baŋ shin nɛ afu ber m ba, baa wɔl nna nɛ afu na e ber bumo n ya lɛ fanɛ amimi na.

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 45:20

Ade be kaman nɛ Enyɛnpe Ebɔrɛ na naŋ kaŋɛ le: “Menyi kama nɛ men ji efute ashi efuli pɔtɛana so, e gama abar so m ba ma anishi to nɛ n ji menyi demu! Men koya m pin fanɛ keshuŋ agbir nɛ b ta ndibi n lɔŋɛ maŋ kɔ tɔnɔ, nɛ kebaato nchu agbir ase maŋ kɔ kechɛto kikɛ kuraa.

Aizaaya 49:8

Ade be kaman nɛ Enyɛnpe Ebɔrɛ na naŋ kaŋɛ mbe basa le: “Menyi be kumɔlga be jemanɛ kaŋ fo, meeŋ wu menyi kuwɔr nseŋ nu menyi be kabɔrɛkule. Meeŋ kuŋ menyi nseŋ mɔlga menyi. Meeŋ shin nɛ men ta kɔnɔ nɛ n nase nɛ k kɔ tama na n ya sa efuli pɔtɛana so ebi. Ma alɛ beeŋ naŋ shin nɛ men bɛta m ba chena menyi be kasawule nɛ k dese jiga na so.”

Aizaaya 56:7

“Meeŋ bar menyi ma kebee cheembi nɛ baa tre Zayɔn nɛ k wɔ Jerusalɛm na so m ba sa menyi kagbenewushi ashi ma bɔrɛlambu to. Ma alɛ beeŋ sɔ menyi be esarga nɛ menyeeŋ lara ashi ma bɔrɛsure so. Ma bɔrɛlambu beeŋ baa la kabɔrɛkule be kakpa n sa efuli kama so be basa.”

Aizaaya 60:21

Kumo be kaman nɛ menyi be basa kikɛ e chena kasawule na so nsaa wora kusɔ nɛ k niŋi mbaanaayɔ. B du fanɛ kedibi nɛ ŋ gbagba du ndoŋ nɛ n lara ma keshi ŋ ŋini ekama nna.

Aizaaya 65:11

Ama asheŋ maaŋ baa du loŋ n sa menyi nɛ men kini ma nɛ ma kebee cheembi nɛ baa tre Zayɔn na nsaa shuŋ agbir nɛ baa tre Gad nɛ Meni na. Amo be afito la Kumulela nɛ Kela m ba.

Aizaaya 65:25

Ekuŋtuŋ nɛ mbolpɔ fɔlbi beeŋ tu abar a ji nɛ ebuluŋ e ji afitiri fanɛ ana. Awɔ beeŋ baa ji eshishɛr, amo alɛ maaŋ naa duŋ basa a mɔ. Kusɔ lubi kikɛ maaŋ naa wɔ ma kebee cheembi nɛ baa tre Zayɔn na so. Ma, Enyɛnpe Ebɔrɛ e kaŋɛ na.”

Aizaaya 65:9

Meeŋ nɛfa Israɛl nɛ Juda be basa nseŋ shin nɛ ma kasawule nɛ k kɔ abee na e ki bumo be kaman to ebi peya. Saŋɛ na so ma basa laraso nɛ baa shuŋ ma na beeŋ chena kumo so.

Aizaaya 66:20

Bumo alɛ beeŋ bɛta men kurgepoana ashi efuliana na so fanɛ kakɛ m ba sa Enyɛnpe Ebɔrɛ na. Egbaŋɛ nɛ egbaŋɛturko nɛ ekurma nɛ enyɔma nɛ baaŋ dii m ba ma kebee cheembi so ashi Jerusalɛm to fanɛ kananɛ Israɛlebi bee ta bumo be ayu be esarga ekpa nɛ k daga so ashi ma bɔrɛlambu to na.

Jɛremaya 2:28

Agbirana nɛ men lɔŋɛ n sa menyi be amu na wɔ nnɛ? Nɛ men baa wɔ etɔrɔ to nseŋ shu n tre amo fanɛ e ba mɔlga menyi, e maaŋ tiŋ m mɔlga menyi ashi ekpa kama so! Kananɛ Juda be efuli so be ndeana kikɛ sa, aloŋ nɛ kumo be agbirana gba sa.

Jɛremaya 22:20

Jerusalɛm to be basa, efuliana nɛ men yirda na kɔ n tɔr nsaa maŋ naa kɔ eleŋ. Amoso men yɔ Lebanɔn be efuli so, nɛ Bashan be kasawule so n ya shu anishichubi; nseŋ dii Mowab be abee so n ya shu awɔrso ndoŋ.

Jɛremaya 22:22

Naniere menyeeŋ ji anishinyɔr ŋkpal menyi be alubi so. K beeŋ wora menyi fanɛ afu ka ber menyi be bejuŋkparpoana n yɔ, nɛ bedoŋ ba pɛ efuli pɔtɛana nɛ men daŋ yirda na be basa n yɔ efuli pɔtɛ wɔfɔ so nna.

Jɛremaya 30:14

Menyi be beshapo kikɛ teŋ menyi be asheŋ so, menyi be asheŋ maŋ naa tir bumo. Ŋ kɔ menyi nna fanɛ edoŋ, nɛ menyi be kasogberge malɛ shi ga n sa menyi ŋkpal menyi be alubi damta nɛ kumu kpakpaso damta so.

Ezikɛl 20:40

Ŋkpal manɛ so, kachɛ na kaŋ fo ekama ashi Israɛl be efuli so beeŋ shuŋ ma ashi kebee cheembi nɛ baa tre Zayɔn ashi Jerusalɛm to na so, nɛ ma alɛ e sɔ bumo esarga nɛ baaŋ lara n sa ma ndoŋ na. Menyi be asheŋ beeŋ baa par ma nɛ ma alɛ e baa keni menyi be esarga lela nɛ ŋkɛ cheembi na akpa.

Hoziya 13:3

Amoso bumo kikɛ beeŋ foe fanɛ kachipurso be kenyɔlɔ na ŋko kananɛ bunyaŋ bee tɔr nsaa kpata to kachipurdidi na. Baaŋ baa du fanɛ b ka bee chela asɔ kugooro so nɛ afu ta amo be amimi a yɔ ŋko kananɛ edishi bee bɔla tokuro to a lar kowu na nna.

Jowɛl 3:17

Kede be kaman nɛ Enyɛnpe Ebɔrɛ yɛ: “Kumo be jemanɛ na so nɛ menyi Israɛlebi beeŋ pin fanɛ ma e la Enyɛnpe men be Ebɔrɛ na. Ma e wɔ ma kebee cheembi Zayɔn so na. Jerusalɛm beeŋ naŋ ki kadegboŋ cheembi nɛ efuli pɔtɛana so ebi maaŋ naŋ tiŋ ŋ kɔ m pɔɔ kumo so.

Zakareya 7:13

Ŋkpal b ka daŋ kini kenu n sa ma jemanɛ nɛ n daa malga bumo kutɔ na so, nɛ ma alɛ gba maŋ nu bumo be kekule.

Demujipoana 10:14

Men ya shu n tre agbir nɛ menyee shuŋ na. Men shin nɛ a mɔlga menyi ashi men be etɔrɔ na to!”