Aizaaya 56:4 - EBƆRƐ BE KAWƆL

⁴ Le nɛ Enyɛnpe Ebɔrɛ na bee kaŋɛ amodoŋwura: “Fo baa keni ma kewushiachɛ na a bɔlɔ kenishi nsaa wora kusɔ nɛ k bee par ma nsaa bɛ ma kɔnɔkoŋwule be ŋkre na so kashenteŋto,

Aizaaya 56:4 ပူးပေါင်းရင်းမြစ်များ

2 Samuɛl 23:5

Le be ekpa malɛ so nɛ Ebɔrɛ beeŋ bɔla so n nɛfa ma nɛ ma kaman to ebi. Ŋkpal manɛ so e nase kɔnɔ nɛ k wɔtɔ mbaanaayɔ nna n sa ma. Mo alɛ beeŋ wora kusɔ nɛ e kaŋɛ na m bɔlɔ so. Mbe kɔnɔ naseso malɛ maa chɛrga kikɛ. Amoso e beeŋ sa ma kusɔ kama nɛ mee tama na, nseŋ mɔlga ma.

Nshɛ 119:111

Fo mbraana na la ma mpetɛsɔ nna mbaanaayɔ; amo e naa shin nɛ ma kagbene bee fuli ma.

Nshɛ 25:10

E bee ji kashenteŋ nna nsaa kɔ kasha. E bee juŋkpar bekama nɛ baa wora asheŋ niŋiso nsaa wora mbe mbra kasonu nna.

Aizaaya 27:5

Ama nɛ ma basa bumo doŋana bee sha fanɛ m baa kuŋ bumo bre, b shin nɛ ma nɛ bumo e nya kayurwushi anyi be kefɛato.”

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Aizaaya 56:2

Meeŋ nɛfa bekama nɛ baa keni kewushiachɛ na a bɔlɔ kenishi nsaa bɛ kumo so na. Ma alɛ beeŋ nɛfa bekama nɛ b maa wora asheŋ lubi.”

Aizaaya 56:6

Kumo be kaman nɛ Enyɛnpe Ebɔrɛ na kaŋɛ befɔ nɛ b ti mbe basa so a sha mo nsaa bɛ kewushiachɛ na so nseŋ naa bɛ mbe kɔnɔkoŋwule be ŋkre na so kashenteŋto na le:

Aizaaya 58:13

Ade kikɛ be kaman nɛ Enyɛnpe Ebɔrɛ na naaŋ kaŋɛ le: “Nɛ men ta kewushiachɛ na fanɛ kachɛ cheembi a maa wora menyi gbagba be aparsheŋ fanɛ kebaayɔ nde ŋko a shuŋ kushuŋ be yiri kikɛ ŋko a malga mmalga jiga loŋ be kachɛ na,

Jɛremaya 50:5

Baaŋ bishi n fin Jerusalɛm be ekpa nseŋ bɔla kumo so m bɛta m ba nɛ ma nɛ bumo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Bumo alɛ maaŋ naŋ wora n da kumo so ŋko n teŋ kumo so kikɛ.

Luuk 10:42

Kusɔ koŋwule e baŋ daga, kumo alɛ nɛ Mɛɛri lara na. Esa kikɛ maaŋ tiŋ n sɔ kumo ŋ ka mo.”

Hibruwebi 6:17

Ebɔrɛ daa sha keŋini basa nɛ baaŋ nya kusɔ nɛ e nase kɔnɔ ŋ kaŋɛ fanɛ e beeŋ wora na fanɛ e maaŋ chɛrga mbe kɔnɔ naseso na kikɛ, amoso nɛ e bɔ ntaŋ n sa bumo na.

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”