Aizaaya 55:3 - EBƆRƐ BE KAWƆL

³ Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Aizaaya 55:3 ပူးပေါင်းရင်းမြစ်များ

Jɛnesis 17:7

Meeŋ nase ma kɔnɔkoŋwule be ŋkre n sa fo nɛ fo kaman to ebi nɛ bumo alɛ be kaman to ebi mbaanaayɔ. Meeŋ baa la fo nɛ fo kaman to ebi kikɛ be Ebɔrɛ.

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

2 Samuɛl 23:5

Le be ekpa malɛ so nɛ Ebɔrɛ beeŋ bɔla so n nɛfa ma nɛ ma kaman to ebi. Ŋkpal manɛ so e nase kɔnɔ nɛ k wɔtɔ mbaanaayɔ nna n sa ma. Mo alɛ beeŋ wora kusɔ nɛ e kaŋɛ na m bɔlɔ so. Mbe kɔnɔ naseso malɛ maa chɛrga kikɛ. Amoso e beeŋ sa ma kusɔ kama nɛ mee tama na, nseŋ mɔlga ma.

2 Samuɛl 7:29

Kusɔ nɛ mee kule fo e la fanɛ fo nɛfa n nanabiana nsaa lara fo bewura bumo to saŋkama. Fo Enyɛnpetale Ebɔrɛ na e nase kɔnɔ fanɛ fo nɛfa beeŋ baa wɔ n nanabiana so hale mbaanaayɔ.”

2 Kronikɛls 6:42

Enyɛnpe Ebɔrɛ, sa maŋ kini ewura nɛ fo lara na n lɛ. Baa nyiŋi kasha nɛ fo kɔ n sa fo kayɛrbi ewura Deevid na.”

Nshɛ 119:112

Ma ere yili kumo ma kagbene to fanɛ meeŋ wora fo mbraana kasonu hale n ya fo ma kaluwuachɛ.

Nshɛ 119:175

Shin nɛ m baa wɔ ŋkpa to, saŋɛ na so meeŋ baa kpaŋ fo. Jande shin nɛ n nya kechɛto ashi fo keŋini to.

Nshɛ 78:1

Ma basa, men nu ma keŋini ere, nseŋ nu kusɔ nɛ mee kaŋɛ ere nɛnɛ.

Nshɛ 89:28

Jemanɛ kikɛ meeŋ baa wora a bɔlɔ ma nnɔ nɛ n nase a sa mo; nɛ ma nɛ mo be kɔnɔkoŋwule be ŋkre na e baa wɔtɔ mbaanaayɔ.

Nshɛ 89:29

Meeŋ shin nɛ mbe kabuna ebi e baa ji kuwura mbaanaayɔ; mbe kanaŋ to be esa e naaŋ baa ji kuwura jemanɛ kikɛ.

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Aŋasa 4:20

M pibinyɛn, bugi asoe nɛnɛ n nu kusɔ nɛ mee kaŋɛ fo ere. Kaŋ kusoe n nu ma mmalga ere.

Aŋasa 7:2

Baa wora asɔ nɛ ŋ kaŋɛ na nseŋ ji efute tenteŋ; Baa de so, nsaa bɛ ma keŋini na so fanɛ kananɛ esa bee kuŋ kusɔ nɛ e bee sha ga na.

Aizaaya 51:4

Kumo be kaman nɛ Enyɛnpe Ebɔrɛ na naŋ kaŋɛ le: “Ma basa, men nu nfe! Men nu kusɔ nɛ mee kaŋɛ ere! Ma e naa ta ma keŋini a sa efuli pɔtɛana na; nɛ ma mbraana malɛ bee shin nɛ baa pin ma.

Aizaaya 54:10

Abeegboŋ nɛ abeebi beeŋ tiŋ m bure n tɔr, ama kasha nɛ ŋ kɔ n sa menyi maaŋ loge kikɛ. Meeŋ bɛ kɔnɔ nɛ n naseso ŋ kaŋɛ fanɛ meeŋ sa menyi kayurwushi na so mbaanaayɔ. Kusɔ nɛ Enyɛnpe Ebɔrɛ, nɛ mee sha menyi na kaŋɛ nna na.”

Aizaaya 54:8

N daŋ nya agbo nna m pal kaman n sa menyi jemanɛ gbrɛbi ko, ama meeŋ naaŋ wu menyi kuwɔr nseŋ sha menyi mbaanaayɔ. Kusɔ nɛ ma, Enyɛnpe Ebɔrɛ, nɛ n la menyi be emɔlgapo na bee kaŋɛ menyi nna na.”

Aizaaya 61:8

Ŋkpal manɛ so, Enyɛnpe Ebɔrɛ na bee sha kebaawora asheŋ nɛ amo be ekpa so nna. Ama kasuge nɛ kapuni bre, e kishi amo. Mo e nase mbe basa kɔnɔ kashenteŋto fanɛ e beeŋ nɛfa bumo mbaanaayɔ na.

Jɛremaya 30:9

Kumo be kaman nɛ men shuŋ ma, Enyɛnpe, menyi be Ebɔrɛ na nɛ men nananyɛn ewura Deevid be kanaŋ to be esa nɛ meeŋ buu kuwura n chena na.

Jɛremaya 32:40

Ma nɛ bumo malɛ beeŋ wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Ma alɛ maaŋ yige kebaawora asheŋ lela a sa bumo nseŋ shin nɛ b baa ŋana ma ashi bumo be ŋgbene to, a maaŋ naaŋ shile ma.

Jɛremaya 33:26

Aloŋ nɛ meeŋ bɛ kɔnɔ nɛ n nase n sa Jeekɔb be kaman to ebi nɛ ma kenya Deevid na so. Meeŋ lara ewura Deevid be kaman to be esa nɛ e ji kuwura ashi an nananyɛnana Eebraham nɛ Aizek nɛ Jeekɔb be mman to ebi so. Ma alɛ beeŋ wu ma basa kuwɔr nseŋ shin nɛ b naŋ nya asɔ nseŋ dii kedama.”

Jɛremaya 38:20

Ndoŋ nna nɛ ŋ kaŋɛ mo le: “B maaŋ ta fo n sa bumo. Mee kule fo nna nɛ fo wora Enyɛnpe Ebɔrɛ na kasonu, saŋɛ na so asheŋ beeŋ nite nɛnɛ nɛ fo alɛ e nya fo ŋkpa.

Jɛremaya 50:5

Baaŋ bishi n fin Jerusalɛm be ekpa nseŋ bɔla kumo so m bɛta m ba nɛ ma nɛ bumo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Bumo alɛ maaŋ naŋ wora n da kumo so ŋko n teŋ kumo so kikɛ.

Ezikɛl 16:60

Ama ma ere beeŋ wora m bɔlɔ kɔnɔkoŋwule be ŋkre nɛ ma nɛ fo kre fo kebia to kikɛ na so nseŋ naŋ shin nɛ ma nɛ fo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ.

Ezikɛl 34:24

Saŋɛ na so nɛ ma Enyɛnpe Ebɔrɛ na e baa la bumo be Ebɔrɛ, nɛ ewura nɛ e du fanɛ ma kayɛrbi ewura Deevid na e baa la bumo be ejuŋkparpo. Ma, Enyɛnpe Ebɔrɛ e kaŋɛ na

Ezikɛl 34:25

Ma nɛ bumo beeŋ wora kɔnɔkoŋwule be ŋkre nɛ k beeŋ bar bumo kayurwushi. Ma alɛ beeŋ ju kupuŋ to be asɔbɔya lubi na kikɛ kasawule na so, saŋɛ na so ma mbolpɔ maaŋ naa ŋana kufu.

Ezikɛl 37:26

Ade kikɛ be kaman, ma nɛ bumo beeŋ luri kɔnɔkoŋwule be ŋkre to a ŋini kayurwushi nɛ baaŋ baa wɔtɔ to hale mbaanaayɔ. Ma alɛ beeŋ shin nɛ b baa wɔtɔ nseŋ wora keshi n ti so nɛ ma bɔrɛlambu na e baa wɔ bumo to mbaanaayɔ.

Levitikɔs 18:5

Men baa wora a bɛ ma atande nɛ mbraana so. Men wora loŋ, menyeeŋ mɔlga menyi be amu, ŋkpal manɛ so, ma e la Enyɛnpe Ebɔrɛ na.”

Eemɔs 5:4

Le nɛ Enyɛnpe Ebɔrɛ kra kaŋɛ Israɛl be basa: “Israɛlebi, men bɛta m ba ŋ kutɔ saŋɛ na so menyeeŋ nya ŋkpa.

Eemɔs 5:6

Men bɛta n yɔ Enyɛnpe Ebɔrɛ na kutɔ nseŋ nya ŋkpa. Men baa maŋ ba mo kutɔ, e beeŋ ta edɛ m mur menyi. Menyi Bɛtɛl be basa e naaŋ chɔɔ. Esa kama malɛ maaŋ tiŋ m mɔlga menyi kikɛ.

Matiu 11:28

Men kikɛ nɛ men sulɔ men be esulɔ gbɛgbɛso ŋ gben na, men ba ma kutɔ nɛ n sa menyi ewushi.

Matiu 13:16

Menyi nɛ men kɔ anishi a wu nɛ asoe a nu ere, kagbenefuli la menyeya nna.

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Baru lela nɛ Jɔn kute na 10:27

Ma mbolpɔ bee nu ma ebɔl nɛ n nyi bumo nɛ baa bɛ ma so.

Baru lela nɛ Jɔn kute na 6:37

Esa kama nɛ n Tuto na ta m bɔɔ ma enɔ beeŋ ba ŋ kutɔ nɛ ekama malɛ nɛ e ba ŋ kutɔ, m maaŋ ju mo n lɛ kikɛ.

Baru lela nɛ Jɔn kute na 7:37

Kejigboŋ na be nshɛr na be lalaloge be kachɛ, kumo be kachɛgboŋ na ka fo nɛ Yesu niŋi to n yili ŋ kaŋɛ awɔrso: “Esa kama nɛ achukoŋ kɔ mo, e ba ŋ kutɔ m ba nuu.

Baru lela nɛ Jɔn kute na 8:47

Esa kama nɛ e la Ebɔrɛ peya bee nu asɔ nɛ Ebɔrɛ bee kaŋɛ nna. Men ka maŋ la Ebɔrɛ peya so e shin nɛ men maa nu asɔ nɛ e bee kaŋɛ na.”

Ashuŋ Shunso 13:34

Le malɛ nɛ Ebɔrɛ daŋ malga ketiŋi mo luwu to nɛ e maaŋ naŋ bɛta n wu kikɛ na be asheŋ ŋ kaŋɛ: ‘Meeŋ ta nɛfa cheembi nɛ n nase kɔnɔ kashenteŋto fanɛ meeŋ sa Deevid na n sa fo.’

Romebi 10:5

Le malɛ be asheŋ nɛ anebi Mosis daŋ kaŋɛ saŋɛ nɛ e daŋ malga kebaabɛ mbra na so a sha keki elelapo Ebɔrɛ be anishito na be asheŋ na fanɛ: “Ekama nɛ e bee wora kusɔ nɛ mbra na bee ŋini malɛ gba beeŋ baa wɔ mbra na be kebaawɔtɔ to nna na.”

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.