Aizaaya 54:9 - EBƆRƐ BE KAWƆL

⁹ “Nowa be jemanɛ na, ma Enyɛnpe Ebɔrɛ na daŋ nase kɔnɔ fanɛ m maaŋ naŋ ta nchu m mur durnya. Mee nase kɔnɔ naniere nna fanɛ m maaŋ naŋ nya agbo ŋ gberge menyi kusoe.

Aizaaya 54:9 ပူးပေါင်းရင်းမြစ်များ

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

Job be kawɔl 11:16

Kumo be kaman nɛ fo etɔrɔbi ere kikɛ be asheŋ e lar fo nfɛra to fanɛ nchu ka bɔla kuturko to n choŋ na.

Nshɛ 104:9

Fo e yili amo be egbaŋ n sa amo nɛ a sa maŋ bɔlɔ n dii kepla m buu kasawule na kikɛ so.

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Aizaaya 49:18

Keni ŋ kulti fo! Feeŋ wu fo basa ka bɛta a ba epe. Ma, Enyɛnpe Ebɔrɛ ka baa wɔtɔ ere bre, feeŋ baa puchi fo basa so nsaa wu fo kumu, fanɛ kananɛ kejafɔche bee ta mbe abitasɔ a mea to nsaa ji kebita a ŋini basa na.

Aizaaya 51:22

Enyɛnpe menyi be Ebɔrɛ nɛ e bee kuŋ menyi na e kaŋɛ le: “Mee lara kasogberge nɛ n nya agbo n shin nɛ k ba menyi so na nna na. M maaŋ naŋ gberge menyi kusoe n shin nɛ men baa nite a lente fanɛ basa nɛ b boo nsa na.

Aizaaya 51:6

Men to anishi ŋ keni awɔlpa nɛ kasawule kikɛ so! Awɔlpa beeŋ choŋ fanɛ edishi, nɛ kasawule e baŋɛ to fanɛ kusɔbuuso dra ka kpɛa to na. Basa kikɛ beeŋ wu n dese kasawule fanɛ ashushombi firgiso na. Ama ma kumɔlga beeŋ baa wɔtɔ mbaanaayɔ. Ma kekɔmpɔɔso maaŋ fo ekar kikɛ.

Aizaaya 51:8

Ŋkpal manɛ so, baaŋ foe menyi be anishi so fanɛ kaŋkaŋ ka ji wajɛ m mur nɛ esa maaŋ naŋ wu kumo na. Ama ma kumɔlga beeŋ baa wɔtɔ mbaanaayɔ. Nɛ ma kekɔmpɔɔso be eleŋ na malɛ e baa wɔtɔ saŋkama.”

Aizaaya 55:11

aloŋ nɛ ma kɔnɔ to be mmalga gba du. Kusɔ kama nɛ ŋ kaŋɛ, aloŋ gbagba e naa wora.

Aizaaya 62:8

Le nɛ Enyɛnpe Ebɔrɛ na bɔ ntaŋ n nase kɔnɔ ŋ kaŋɛ: “M maaŋ naŋ ta fo ayu n sa fo doŋana fanɛ bumo be kusɔ jiso kikɛ; befɔ malɛ maaŋ naŋ nya yabra nɛ fo gben n wora na n nuu kikɛ.

Jɛremaya 31:37

Kusɔ nɛ Enyɛnpe Ebɔrɛ na kaŋɛ e la fanɛ, kananɛ k du kpakpa nɛ esa e tiŋ m pin kananɛ awɔlpa be palɛlɛ sa na, ŋko nseŋ tiŋ m pin kakpa nɛ durnya be gbaltɔlase dese na, aloŋ nɛ k beeŋ baa du kpakpa nɛ n sa ma nɛ ŋ kini Israɛl be basa ŋkpal asɔ lubi kama nɛ b wora so.

Ezikɛl 16:42

Aloŋ nɛ ma agbo beeŋ wushi nɛ ma kagbene e dese ma nɛ m maaŋ naŋ nya agbo ŋko ŋ kɔ kukɔrkɔ.

Ezikɛl 39:20

Ndoŋ beeŋ ki fanɛ ma ejikpa nɛ b we egbaŋɛ nɛ bumo be bediipo nɛ basa gboŋ nɛ benapo be yiri yiri be eblaŋ m mɔɛ m baŋ bumo be amu so.”

Ezikɛl 39:29

Ma alɛ maaŋ naaŋ lar Israɛl be basa na kaman kikɛ, ŋkpal manɛ so, meeŋ ta ma kiyoyu n wɔtɔ bumo to. Ma, Enyɛnpetale Ebɔrɛ na e kaŋɛ na.”