Aizaaya 54:7 - EBƆRƐ BE KAWƆL

⁷ “N daŋ kplaŋ menyi so jemanɛ gbrɛbi ko nna, ama ŋkpal ma kashagboŋ nɛ kushuso so, meeŋ naŋ bɛta n sɔ menyi.

Aizaaya 54:7 ပူးပေါင်းရင်းမြစ်များ

Nshɛ 106:47

O Enyɛnpe anyi be Ebɔrɛ, mɔlga anyi, nseŋ lara anyi efuli pɔtɛana so m bɛta m ba epe. Saŋɛ na so anyeeŋ di fo epaŋ nseŋ kpaŋ fo ketre cheembi na.

Nshɛ 107:3

Bekama nɛ b shi efuli pɔtɛana nɛ a kulti na so m bɛta m ba na kikɛ, e kpaŋ mo nseŋ di mo epaŋ.

Nshɛ 30:5

E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Nshɛ 30:6

Ŋ ka daŋ nya asɔ nɛ mee sha na; n daŋ fɛ nna fanɛ shɛŋ maaŋ naŋ tir ma kikɛ.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 11:12

Enyɛnpe Ebɔrɛ na beeŋ maŋ tɔɔnɛ be tuta so ŋ ŋini efuliana na fanɛ e naa bɛta Israɛl nɛ Juda be basa nɛ b daŋ pesaŋ to a wɔ durnya be kaplɛkama na nna a ba.

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Aizaaya 14:1

Enyɛnpe Ebɔrɛ na beeŋ naaŋ wu mbe basa Israɛlebi nɛ e lara n sa mbe kumu na kuwɔr. E beeŋ shin nɛ b bɛta bumo m ba bumo gbagba be kasawule so, nɛ befɔ e tu bumo n chena ndoŋ fanɛ bumo alɛ gba ka la Israɛlebi na.

Aizaaya 26:20

Ma basa, men luri menyi be ebuana to nseŋ ti menyi be amu so n wɔtɔ. Men ŋana ndoŋ gbrɛbi, n ya fo fanɛ Enyɛnpe Ebɔrɛ na be agbo ka beeŋ wushi.

Aizaaya 27:12

Jemanɛ ko bee ba nɛ Enyɛnpe Ebɔrɛ na e yili Lɔrgboŋ nɛ baa tre Yufreetes na n ya fo Ijipt be egbaŋ to na ŋ gama mbe basa abar so fanɛ kananɛ baa beri ayu a chela to a deŋi abar so na.

Aizaaya 27:8

Kasogberge nɛ Enyɛnpe Ebɔrɛ na sa mbe basa e la fanɛ e shin nna nɛ bumo doŋana kɔ m pɔɔ bumo so nseŋ pɛ bumo n yɔ efuli pɔtɛ so n ya ki anya. Bumo bedoŋana na daa du fanɛ epeŋilarkpa be afu tushiso nna m ba ber bumo n yɔ kufɔ kufɔ.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Aizaaya 49:18

Keni ŋ kulti fo! Feeŋ wu fo basa ka bɛta a ba epe. Ma, Enyɛnpe Ebɔrɛ ka baa wɔtɔ ere bre, feeŋ baa puchi fo basa so nsaa wu fo kumu, fanɛ kananɛ kejafɔche bee ta mbe abitasɔ a mea to nsaa ji kebita a ŋini basa na.

Aizaaya 49:21

Ndoŋ nna nɛ fo alɛ e kaŋɛ fo kumu le: ‘Wanɛ e kurge mbia ere kikɛ n sa ma? N daŋ paŋ ma mbia nna nsaa maaŋ naŋ tiŋ ŋ kurge ebi. B daŋ pɛ ma kenya nna n yɔ efuli pɔtɛ so; wanɛ e bela mbia ere nɛ b daŋ? N nawule e daŋ ka a wɔtɔ; nnɛ nɛ mbia ere shi m ba?’ ”

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Aizaaya 56:8

Enyɛnpetale Ebɔrɛ nɛ e keta mbe basa Israɛlebi n shi kenyaya to ashi efuli pɔtɛ wɔfɔ so m ba na e nase kɔnɔ fanɛ e beeŋ bar basa pɔtɛ m ba ti bumo so.

Aizaaya 60:10

Kumo be kaman nɛ Enyɛnpe Ebɔrɛ kaŋɛ Jerusalɛmebi le: “Befɔ e naaŋ lɔŋɛ menyi be kadegboŋ be egbalana m pɔr, nɛ bumo be bewura e shuŋ menyi be basa. N daŋ nya agbo nna ŋ gberge menyi be basa kusoe, ama naniere meeŋ shu menyi so nseŋ wu menyi kuwɔr.

Aizaaya 60:4

Men keni ŋ kulti kusɔ nɛ k bee wora ere. Menyi be basa bee gama abar so nna nɛ b bɛta m ba epe! Menyi be mbinyɛnsobi beeŋ shi kufɔ, kufɔ m ba, nɛ b keta menyi be mbichesobi enɔ to fanɛ mbibi m ba sa menyi.

Aizaaya 62:4

Fo ketre maaŋ naa la Kini n lɛ. Efuli na gba be ketre maaŋ naa la Eche nɛ b kini n lɛ. Ama fo ketre popɔr e naaŋ baa la Ebɔrɛ be Kagbene fuli mo so. Efuli na malɛ peya e naaŋ baa la Kagbenefuli be kakil. Ŋkpal manɛ so, Enyɛnpe Ebɔrɛ na be kagbene beeŋ fuli fo so; mo alɛ beeŋ baa la fanɛ ekul n sa fo efuli na.

Aizaaya 63:7

Meeŋ malga Enyɛnpe Ebɔrɛ na be alelasheŋ be asheŋ nseŋ kpaŋ mo ŋkpal asɔ nɛ e bee wora a sa anyi so. E nɛfa Israɛl be basa ga nna ŋkpal mbe kuwɔrwu nɛ kasha nɛ k wɔtɔ jemanɛ kikɛ na so.

Aizaaya 66:18

N nyi asɔ nɛ menyee fɛ nsaa wora kikɛ! Naniere jemanɛ fo nɛ ŋ gama efuli pɔtɛana na be basa nɛ bumo nɛ baa gbar ŋgbar pɔtɛ na abar so nɛ b ba wu ma kemaŋkura,

Jɛremaya 51:5

Israɛl nɛ Juda be basa kikɛ wora alubi n da ma, Enyɛnpetale Ebɔrɛ na so, ama ma, Israɛl be Ebɔrɛ cheembi na, maŋ kini bumo n lɛ.

Nfabel 3:31

Enyɛnpe Ebɔrɛ na la ewɔrwupo nna, e maaŋ kini anyi n lɛ hale mbaanaayɔ.

Nfabel 3:32

Hale nɛ e shin nɛ awurfoŋ ba anyi so gba, e kraa kɔ kushuso n sa anyi ŋkpal mbe kasha ka shi ga so.

Ezikɛl 36:24

Meeŋ lara menyi ashi efuli pɔtɛana kama to m ba epe menyi gbagba be kasawule so.

Maika 4:6

Kede be kaman nɛ Enyɛnpe Ebɔrɛ na kaŋɛ, “Jemanɛ ko bee ba nɛ ŋ gama basa nɛ ŋ gberge kusoe n shin nɛ b yɔ kenyaya to ashi efuli wɔfɔana so n ya ji awurfoŋ na abar so.

Matiu 23:37

O Jerusalɛmebi, Jerusalɛmebi, menyi e naa mɔ anebiana na nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

2 Kɔrintebi 4:17

Kabre nawule be etɔrɔbi ere beeŋ kaŋ bar anyi kemaŋkuragboŋ nɛ k maŋ kɔ ekar nsaa bɔ etɔrɔ ere ga.

Ɛfesesebi 1:10

Ebɔrɛ be kusɔ nɛ e nase nɛ e wora amo jemanɛ na gbagba kaŋ fo na e la fanɛ e beeŋ bar kepɔrso kikɛ abar so, amo nɛ a wɔ esoso nɛ kasawule so kikɛ nyam nɛ Kristo e baa la amo kikɛ be kumu.

Ditɛronɔmi 30:3

kumo ere Enyɛnpe menyi be Ebɔrɛ na beeŋ wu menyi kuwɔr. Mo alɛ beeŋ naŋ bɛta menyi n shi efuliana nɛ e pesaŋ menyi to n yɔ na so m ba nseŋ shin nɛ men naŋ dii dama.

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”

2 Pita 3:8

Ama n teri shasoana, men sa maŋ kaŋ teŋ kesheŋ koŋwule ere so fanɛ Enyɛnpe bre kutɔ kachɛ koŋwule du fanɛ nfɛ kagboŋ nna nɛ nfɛ kagboŋ malɛ du fanɛ kachɛ koŋwule mo kutɔ.