Aizaaya 54:6 - EBƆRƐ BE KAWƆL

⁶ Menyi, Israɛlebi, du fanɛ eche fɔlbi nɛ mo kul kini mo nɛ e bee shu kagbenejijaso nna. Ama Enyɛnpe Ebɔrɛ na naŋ tre menyi m ba, nsaa kaŋɛ menyi le:

Aizaaya 54:6 ပူးပေါင်းရင်းမြစ်များ

Aizaaya 62:4

Fo ketre maaŋ naa la Kini n lɛ. Efuli na gba be ketre maaŋ naa la Eche nɛ b kini n lɛ. Ama fo ketre popɔr e naaŋ baa la Ebɔrɛ be Kagbene fuli mo so. Efuli na malɛ peya e naaŋ baa la Kagbenefuli be kakil. Ŋkpal manɛ so, Enyɛnpe Ebɔrɛ na be kagbene beeŋ fuli fo so; mo alɛ beeŋ baa la fanɛ ekul n sa fo efuli na.

Kaŋinichiŋgeliŋ 9:9

Durnya to be kebaawɔtɔ maŋ kɔ tɔnɔ, amoso jemanɛ nɛ men wɔ ŋkpa nɛ Ebɔrɛ sa menyi to ere, fo nɛ fo eche nɛ fee sha na e baa ji menyi be amu nɛnɛ. Ŋkpal manɛ so, kusɔ nɛ k wɔtɔ n sa menyi ashi menyi be kegben kikɛ to nna na.

Aŋasa 5:18

Amoso shin nɛ fo kagbene e baa fuli fo kebiato be eche so. Shin nɛ mbe asheŋ e baa par fo.

Malakai 2:14

Menyee bishi kusɔ nɛ k ba nɛ e maŋ naa sɔ menyi be ŋkɛ. Ŋkpal e ka pin fanɛ men kini men be kebrantiɛ to be beche so. Men nase kɔnɔ fanɛ bumo e naaŋ baa la menyi be beche kilso. Men nase kɔnɔ Enyɛnpe Ebɔrɛ be anishito fanɛ menyeeŋ baa ji kashenteŋ a sa bumo, ama men kini kebɛ loŋ be kɔnɔ naseso na so.

Matiu 11:28

Men kikɛ nɛ men sulɔ men be esulɔ gbɛgbɛso ŋ gben na, men ba ma kutɔ nɛ n sa menyi ewushi.

2 Kɔrintebi 7:6

Ama Ebɔrɛ nɛ e bee wushi kagbenejijawuraana na, wushi anyi be ŋgbene ŋkpal Taites ka ba so.

Hoziya 2:19

Meeŋ shin nɛ fo Israɛl e naŋ ki fanɛ ma eche nɛ m baa ji kashenteŋ a sa fo. Ma alɛ beeŋ baa sha fo saŋkama nsaa wu fo kuwɔr nɛ fo baa la meya hale mbaanaayɔ.

Jɛremaya 30:17

Ekama maŋ naa sha fanɛ men ba la mo teri ŋko ekama be shɛŋ maaŋ naa wɔ kusɔ nɛ k wora menyi to. Ama meeŋ chɛ menyi be edoro nɛ men nya eyur be alenfia. Ma, Enyɛnpe Ebɔrɛ e kaŋɛ na.”