Aizaaya 54:5 - EBƆRƐ BE KAWƆL

⁵ Ŋkpal manɛ so menyi be etopo na beeŋ baa la fanɛ ekul n sa menyi. Mo e la Enyɛnpetale, Israɛl be Ebɔrɛ cheembi na. E beeŋ mɔlga menyi. Mo e naa ji kuwura durnya kikɛ so na.

Aizaaya 54:5 ပူးပေါင်းရင်းမြစ်များ

Job be kawɔl 19:25

N nyi ma emɔlgapo Ebɔrɛ na ka wɔ ebɔrɛso, nɛ asheŋ ere kikɛ be lalaloge e beeŋ gbelge m ba durnya to m ba mɔlga ma.

Aizaaya 11:9

Kusɔ lubi kikɛ maaŋ naa wɔ Ebɔrɛ be kebee cheembi nɛ baa tre Zayɔn na so. Kananɛ nchu bɔlɔ teku to na, aloŋ nɛ basa nɛ b nyi nsaa bunyaŋ Enyɛnpe Ebɔrɛ na gba beeŋ baa kaa shi kasawule na so.

Aizaaya 43:1

Israɛl be basa, Enyɛnpe Ebɔrɛ nɛ e to menyi na yɛ: “Men sa maa lɔ kufu, meeŋ mɔlga menyi. Ma e ti menyi be atre n tre menyi. Men la ma basa nna.

Aizaaya 43:14

Kusɔ nɛ Enyɛnpe, Israɛl be Ebɔrɛ cheembi nɛ e mɔlga bumo na kaŋɛ nde: “Meeŋ shuŋi benapo ko nɛ b ba kɔ Babilɔn be efuli so be basa kena nseŋ mɔlga menyi. Ma alɛ beeŋ buri kadegboŋ na be mbunagboŋ to, nseŋ shin nɛ benapo na e ta Babilɔn be basa n wɔtɔ bumo gbagba be ekuloŋgboŋ to n sulɔ bumo a yɔ nɛ b baa boŋ to a shu.

Aizaaya 45:11

Kusɔ nɛ Enyɛnpe, Israɛl be Ebɔrɛ cheembi nɛ e to kusɔ kikɛ na kaŋɛ nde: “Menyi maŋ kɔ ekpa nɛ men bishi ma basa Israɛlebi be asheŋ ma kutɔ, ŋko ŋ kaŋɛ ma kusɔ nɛ k daga fanɛ n wora!

Aizaaya 48:17

Kusɔ nɛ Enyɛnpe, Israɛl be Ebɔrɛ cheembi, nɛ e mɔlga menyi na kaŋɛ nde: “Ma e la Enyɛnpe menyi be Ebɔrɛ, nɛ mee sha keŋini menyi asheŋ ŋkpal menyi be nɛnɛ so, nseŋ juŋkpar menyi ekpa nɛ menyeeŋ baa bɔla so a wora asheŋ.

Aizaaya 48:2

Menyee puchi a kaŋɛ fanɛ men la Jerusalɛm, kadegboŋ cheembi na to be basa nsaa ta menyi be amu a to Israɛl be Ebɔrɛ nɛ e la Enyɛnpetale Ebɔrɛ na so nna.

Aizaaya 51:15

Ŋkpal manɛ so, ma e la Enyɛnpe menyi be Ebɔrɛ na. Ma e naa shin nɛ teku bee baga to nsaa ku atili a wora awɔr. Ma ketre e la Enyɛnpetale Ebɔrɛ!

Aizaaya 54:8

N daŋ nya agbo nna m pal kaman n sa menyi jemanɛ gbrɛbi ko, ama meeŋ naaŋ wu menyi kuwɔr nseŋ sha menyi mbaanaayɔ. Kusɔ nɛ ma, Enyɛnpe Ebɔrɛ, nɛ n la menyi be emɔlgapo na bee kaŋɛ menyi nna na.”

Aizaaya 6:3

Bumo alɛ daa ponte awɔrso nna a shoŋi abar a kaŋɛ le: “Enyɛnpetale Ebɔrɛ na nawule e du cheembi! Mbe kemaŋkura e bɔlɔ durnya kikɛ nyam to.”

Aizaaya 65:16

Esa kama nɛ e bee sha nɛfa ashi kasawule na so beeŋ kule Ebɔrɛ nɛ e bee ji kashenteŋ na nɛ e nɛfa mo. Ekama malɛ nɛ e bee sha kenase kɔnɔ e beeŋ nase kɔnɔ na kashenteŋji be Ebɔrɛ na be ketre to nna. Ŋkpal manɛ so, etɔrɔ dra na kikɛ choŋ nɛ n teŋ amo so.”

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Jɛremaya 3:14

Menyi basa nɛ men maŋ kɔ kashenteŋji ere, men bɛta m ba ma kutɔ. Ŋkpal manɛ so, men la ma basa nna. Meeŋ keni menyi be ndeana to nɛ kanaŋ be mbunaana to n lara basa koko ŋko benyɔnyɔ nɛ b juŋkpar menyi m bɛta m ba kebee nɛ baa tre Zayɔn na so.

Jɛremaya 51:19

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Ezikɛl 16:8

Ŋ ka naŋ ba wu fo nɛ m pin fanɛ naniere fo ki eche nna n loge na, nɛ n ta ŋ gbagba be kusɔbuuso m buu fo kayurkpaŋ so. Kumo be kaman nɛ n nase kɔnɔ n sa fo nseŋ bɔ ntaŋ fanɛ feeŋ baa la meya nɛ ma, Enyɛnpetale Ebɔrɛ na e baa keni fo so.

Hoziya 2:16

Yili kumo be kachɛ na a yɔ, menyeeŋ baa tre ma men kul nna, nɛ mannɛ men Nyɛnpe.

Hoziya 2:18

Loŋ be saŋɛ na, meeŋ shin nɛ men baa wɔ kagbenewushi to nɛ kupuŋ to be asɔbɔya nɛ mbuibi ŋko kena to be adoŋsɔ gba maaŋ tiŋ n tɔrɔ menyi.

Zakareya 14:9

Loŋ be jemanɛ na, Enyɛnpe Ebɔrɛ na e naaŋ baa ji durnya kikɛ so kuwura. Mo nawule be ketre nɛ ekama beeŋ baa nyi nsaa bunyaŋ mo nawule fanɛ Ebɔrɛ.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Luuk 1:32

E beeŋ ba kaa la esagboŋ nɛ b baa tre mo Ewurgboŋ Ebɔrɛ Pibinyɛn. Enyɛnpe Ebɔrɛ beeŋ shin nɛ e ji kuwura nɛ mo nana Deevid daŋ ji na.

Baru lela nɛ Jɔn kute na 3:29

Kejafɔ mo kul e wɔ eche nɛ baa kre kejafɔ na. Kejafɔ mo teri na bre bee kaa yil nna nseŋ kaŋ kusoe a jo saŋɛ nɛ e beeŋ nu mo teri kejafɔ mo kul na be ebɔl nɛ mbe kagbene e fuli mo ga. Le e naa shin nɛ kagbenefuli bee bɔlɔ ma alɛ gba to.

Ɛfesesebi 5:32

Loŋ be kesheŋ ere malɛ la wulo be kashenteŋgboŋ nna n sa anyi, ama kashenteŋto, Kristo nɛ asɔri na be kaplɛa so nɛ mee malga.

Joshuwa 3:11

Enyɛnpe nɛ e la durnya kikɛ be Ebɔrɛ na be ŋkre be deka na beeŋ juŋkpar menyi n yuu Jɔɔdan be lɔr na to.

Joshuwa 3:13

Saŋɛ na so bɔrɛmatapoana nɛ b sulɔ Enyɛnpe Ebɔrɛ nɛ e to durnya kikɛ na be ŋkre be deka na, be aya kaŋ baŋ yuu nchu na to, Jɔɔdan be lɔr na beeŋ ku to nɛ nchu nɛ a shil a ba e laŋɛ ŋ gbargbar n yili kaboŋ koŋwule fanɛ kebee na.”

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”