Aizaaya 54:1 - EBƆRƐ BE KAWƆL

¹ Jerusalɛm, fo daa du fanɛ egbentepo nna, ama naniere feeŋ tiŋ m boŋ nshɛ kagbenefuliso Naniere bre feeŋ nya mbia damta a chɔ eche kurgepo nɛ e kɔ ekul gba.

Aizaaya 54:1 ပူးပေါင်းရင်းမြစ်များ

Jɛnesis 21:6

Sɛɛra ka kurge kebia na nɛ e kaŋɛ le: “Ebɔrɛ sa ma kagbenefuli nɛ emushe. Ekama malɛ nɛ e nu ma kakurge be asheŋ be kagbene beeŋ fuli nɛ e tu ma m mushe.”

Nshɛ 113:9

Eche kilpo baa maa kɔ mbia, Ebɔrɛ e naa nɛfa mo nɛ e bee nya mbia nɛ mbe kagbene e fuli. Men kpaŋ Enyɛnpe Ebɔrɛ na!

Sɔlɔmɔn 8:8

An kɔ an sipochebi ko nɛ e maŋ naŋ daŋ. Nɛ enyɛn ba kaa sha mo, nuso nɛ anyeeŋ wora?

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 24:14

Basa nɛ baaŋ ji efute bre beeŋ boŋ nshɛ kagbenefuliso nɛ bumo nɛ b wɔ epeŋitɔrkpa na e malga kananɛ Enyɛnpe Ebɔrɛ na be keshi nɛ kemaŋkura du,

Aizaaya 44:23

Men kaŋɛ esoso nɛ kasawule kikɛ fanɛ a fara a boŋ nshɛ! Men naŋ kaŋɛ abee nɛ kupo to be ndibi kikɛ fanɛ amo alɛ gba e baa shuli nshɛ na so! Enyɛnpe Ebɔrɛ na mɔlga mbe basa Israɛlebi, n shin nɛ mbe kemaŋkura dii efuli ashi Israɛl be efuli so.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Aizaaya 49:19

Jerusalɛm be kadegboŋ daŋ bure nna a dese fuloŋ, ama naniere k beeŋ baa du fimbi ga a maaŋ tiŋ n sɔ basa nɛ baaŋ ba chena kumo to na. Basa nɛ b daŋ mur fo nseŋ yige fo n nase fuloŋ na beeŋ lar fo to n yɔ kufɔ kufɔ.

Aizaaya 49:20

Kachako, bee ba nɛ fo basa nɛ b kurge bumo ashi efuli pɔtɛana so na e ba kaŋɛ fo le: ‘Kasawule ere du fimbi ga n sa anyi. Anyee sha kakpagboŋ nɛ an chena so nna!’

Aizaaya 62:4

Fo ketre maaŋ naa la Kini n lɛ. Efuli na gba be ketre maaŋ naa la Eche nɛ b kini n lɛ. Ama fo ketre popɔr e naaŋ baa la Ebɔrɛ be Kagbene fuli mo so. Efuli na malɛ peya e naaŋ baa la Kagbenefuli be kakil. Ŋkpal manɛ so, Enyɛnpe Ebɔrɛ na be kagbene beeŋ fuli fo so; mo alɛ beeŋ baa la fanɛ ekul n sa fo efuli na.

Aizaaya 66:7

Men daŋ nu fanɛ eche bee kurge nna pɔɛŋ nsaa nu kakurge be ebesa a?

Zefanaiya 3:14

Israɛlebi, men baa boŋ nshɛ awɔrso kagbenefuliso! Jerusalɛmebi, menyi alɛ gba e baa ji eyur kagbenefuliso!

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Galeeshaebi 4:27

Ŋkpal manɛ so, le nɛ abɔrɛsibɛ na bee kaŋɛ: “Fo egbentepo nɛ fo maŋ naŋ kurge ŋ ku so, fo alɛ ŋkaa maŋ naŋ nya kakurge be ebesa ere, baa kɔ kagbenefuli nseŋ bugi kɔnɔ n wora kagbenefuliso be awɔr. Ŋkpal manɛ so, eche nɛ b kini na beeŋ nya bibi a chɔ emo nɛ e kɔ ekul a wɔtɔ na.”

1 Samuɛl 2:5

Basa nɛ b daa nya a ji yɛlyɛla so na bee ji paa nna a fin bumo be kusɔ jiso naniere, ama bekama nɛ akoŋ daa mɔ na bre maŋ naa shu akoŋ. Fo e shin nɛ egbentepo kurge mbia ashunu, nɛ bibi damta bumo nio malɛ paŋ mbe mbia kikɛ.