Aizaaya 52:7 - EBƆRƐ BE KAWƆL

⁷ K la mamachi be kesheŋ nna fanɛ esa ka beeŋ wu kabɔ ka ta kagbenewushi be baru n shi abee so a gbelge to a ba nɛ e ba sa basa. Kekɔmpɔɔso be kebomboŋ nɛ e bee ber a sa Jerusalɛm to ebi a kaŋɛ le: “Menyi be Ebɔrɛ e la Ewura!”

Aizaaya 52:7 ပူးပေါင်းရင်းမြစ်များ

Nshɛ 59:13

Nya agbo m mur bumo cheche. Saŋɛ na so efuli pɔtɛana na kikɛ beeŋ pin fanɛ fo e naa ji Israɛl so kuwura.

Nshɛ 68:11

Fo e sa mbra na, nɛ beche damta cha awɔr, ŋ kaŋɛ kusɔ nɛ k wora.

Nshɛ 93:1

Enyɛnpe Ebɔrɛ na e la ewura. Kemaŋkuragboŋ nɛ eleŋ buu mo nna fanɛ kuwurpiŋi. Mo e tɔl durnya n yili kpakpa, nɛ shɛŋ shɛŋ maaŋ tiŋ n fifir kumo.

Nshɛ 96:10

Men kaŋɛ efuliana na so ebi le: “Enyɛnpe Ebɔrɛ na e la Ewura! Mo e tɔl durnya na n yili dindiŋ nɛ k maa fifir; mo alɛ e naaŋ ji basa kikɛ demu nɛ e maŋ puni eko.”

Nshɛ 97:1

Enyɛnpe Ebɔrɛ na e la Ewura! Shin nɛ durnya kikɛ e ji eyur nɛ mplasawule kikɛ e wora awɔr.

Nshɛ 98:2

Enyɛnpe Ebɔrɛ na lara mbe kumɔlga nɛ kebaawɔtɔ niŋiso ŋ ŋini efuli pɔtɛana so be basa.

Nshɛ 98:3

E nyiŋi mbe kasha nɛ kashenteŋji nɛ e kɔ n sa Israɛlebi na be asheŋ. Bekama nɛ b wɔ kasawule so be kaplɛkama wu anyi be Ebɔrɛ na be kumɔlga.

Nshɛ 99:1

Enyɛnpe Ebɔrɛ na e la ewura! Efuliana kikɛ so be basa e baa chicha. E chena mbe kuwurputi nɛ emalaika nɛ b kɔ aba wɔ kumo be kaseto na so nna; nɛ kasawule bee gbuŋgbuŋ.

Sɔlɔmɔn 2:8

N nu n jipo be ebɔl! Mo e shi abee nɛ apreŋ so n shile a tɛto n gbelge to a ba ma kutɔ na.

Aizaaya 24:23

Kufɔl beeŋ biri to nɛ epeŋi e nyaŋɛ ŋ gben, ŋkpal manɛ so, Enyɛnpetale Ebɔrɛ na e la ewura. Zayɔn be kebee na so nɛ e beeŋ baa wɔ nsaa ji Jerusalɛm so kuwura nɛ basa na be benimuana e wu mbe kemaŋkura.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 40:9

Fo nɛ fo kɔ baru lela a ba Zayɔn na, e dii n yɔ kebee jeŋgreŋ na so. Fo nɛ fo kɔ baru lela a ba Jerusalɛm to na, bugi kɔnɔ m ponte awɔrso; maŋ kumo so nsaa maa lɔ kufu. Kaŋɛ nde nɛ a wɔ Juda be efuli so na le: “Menyi be Ebɔrɛ bee ba!”

Aizaaya 41:27

Ma, Enyɛnpe Ebɔrɛ na e juŋkpar m bɔ baru na n sa Zayɔn. N daŋ shuŋi kabɔ Jerusalɛm to fanɛ e ya kaŋɛ le nna: ‘Menyi be basa bee ba! Baa ba epe nna!’

Aizaaya 42:11

Menyi basa nɛ men wɔ keshishɛrsawule so nɛ nde nɛ a wɔ kumo so na kikɛ e kpaŋ Ebɔrɛ; nɛ basa nɛ b wɔ kakpa nɛ baa tre Kɛda na gba e kpaŋ mo! Men shin nɛ basa nɛ b wɔ kadegboŋ nɛ baa tre Sela na e yili abee be awɔlto n wora awɔr kagbene fuli so!

Maika 4:7

Meeŋ shin nɛ ma basa nɛ b shir kaman kasawule na so nsaa du fanɛ ebobi na e naŋ ki efuli lempo so ebi. Ma alɛ beeŋ baa wɔ Zayɔn be kebee na so nna a ji kuwura bumo so hale mbaanaayɔ.”

Nahum 1:15

Judaebi, men keni, kabɔ ko kɔ baru lela n shi kebeegboŋ na so a ba! Kayurwushi be baru nɛ e kɔ a ba. Amoso men ji menyi be nchɛgboŋ nseŋ wora m bɔlɔ nnɔ nɛ men nase n sa Ebɔrɛ na so. Kumukpakpaso wuraana maaŋ naaŋ kɔ n sɔ menyi be kasawule kikɛ, ŋkpal manɛ so, b mur cheche kuraa.

Nahum 2:1

Ninɛveebi, kena bee ba menyi so! Eleŋ nɛ k beeŋ pesaŋ menyi to na teŋ fo m ba. Men baa kuŋ menyi be mboŋ lempoana na, nsaa de menyi be agbembi so nɛnɛ. Men bela ase nɛnɛ a jo kena be kekɔ!

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Maak 13:10

K daga yiri kikɛ ka nu baru lela na pɔɛŋ nɛ jemanɛ ere be ekar e fo.

Maak 16:15

Nɛ e kaŋɛ bumo: “Men yɔ efuli kikɛ so n ya bɔ kubɔya na n sa kepɔrso kikɛ.

Luuk 2:10

Nɛ malaika na kaŋɛ bumo: “Men sa maa lɔ kufu, ŋkpal manɛ so, baru lela nɛ k beeŋ sa basa kikɛ kagbenefuli nɛ m bar menyi.

Luuk 24:47

ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Ɛfesesebi 6:15

Nɛ men baa sha kebaabɔ kagbenewushi be baru lela na fanɛ loŋ be kasha ka la asɛbta a wɔ men be aya to na.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 14:6

Ndoŋ nna nɛ n naŋ wu malaika ko ka wɔ esoso kumu so a firgi nsaa kɔ baru lela nɛ k wɔtɔ mbaanaayɔ na to nɛ e bɔ kumo n sa basa nɛ b wɔ kasawule ere so n sa efuli kama so ebi nɛ yiri kama to ebi nɛ ŋgbar kama to ebi nɛ basa kama to ebi.