Aizaaya 52:3 - EBƆRƐ BE KAWƆL

³ Kede be kaman nɛ Enyɛnpetale Ebɔrɛ kaŋɛ mbe basa le: “Men ka daa la anya na, esa kikɛ daa maaŋ ka shɛŋ n tɔ menyi. Amoso, esa maaŋ ka shɛŋ nɛ men nya menyi be amu a ji.

Aizaaya 52:3 ပူးပေါင်းရင်းမြစ်များ

Nshɛ 44:12

K du fanɛ fo maŋ fa fo basa yawu kpakpaso, amoso fo maŋ nya tɔnɔ kikɛ.

Nshɛ 44:13

Fo shin nɛ an ki basa fuloŋ ashi an braana be anishito nna. Nseŋ shin nɛ anyi be bechenashapo bee wora anyi amɔmɔshiasheŋ nsaa keni anyi jiga.

Aizaaya 1:27

Ŋkpal Enyɛnpe Ebɔrɛ na ka niŋi so, e beeŋ mɔlga Jerusalɛm nɛ esa kama nɛ e beeŋ tuba n lar alubi to ashi ndoŋ.

Aizaaya 45:13

Ŋ gbagba e we n wɔtɔ ewura Sairus nɛ e koso a wora kusɔ nɛ mee sha nɛ asheŋ e nyalɛ. Meeŋ shin nɛ asheŋ e baa du pɔtɔ pɔtɔ n sa mo. Saŋɛ na so e beeŋ lɔŋɛ ma kadegboŋ nɛ baa tre Jerusalɛm na m pɔr, nseŋ sɔ ma basa n yige nɛ b nya bumo be amu. Esa kikɛ maŋ ber mo paa ŋko n sa mo kusɔ ko fanɛ e wora loŋ. Ma, Enyɛnpe Ebɔrɛ e malga na.”

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Aizaaya 62:12

Kumo be kaman nɛ b baa tre menyi, “Ebɔrɛ be Basa Cheembi.” Ŋko Basa nɛ Enyɛnpe Ebɔrɛ na mɔlga. Baaŋ baa tre Jerusalɛm “Kadegboŋ nɛ Ebɔrɛ mɔlga.” Ŋko “Kadegboŋ nɛ basa bɔlɔ kumo to.”

Aizaaya 63:4

N wora loŋ nna nɛ m bishi kuwule n sa ma basa ashi bumo doŋana so a ŋini fanɛ jemanɛ fo nɛ m mɔlga bumo.

Jɛremaya 15:13

Meeŋ shin nɛ bedoŋ e ba sulɔ asɔ nɛ ma basa kɔ na kikɛ n yɔ nɛ k baa la kasogberge n sa bumo ŋkpal bumo be alubi nɛ b wora kasawule na so so.

Ezikɛl 16:31

Fo daŋ pɔr mboŋ nɛ feeŋ baa shuŋ agbirana nsaa ji kubojua n yili kubɔrbi kikɛ ase nna. Ama mannɛ amansherbi so nɛ fo daa wora loŋ, ŋkpal manɛ so fo daa maa sɔ amansherbi.

Ezikɛl 34:27

Saŋɛ na so nɛ ndibi na e sɔr nɛnɛ nɛ nsawule na kikɛ malɛ e wora adɔjibi. Kumo be kaman nɛ ekama e chena mo gbagba be kasawule so nɛ kayurwushi. Ŋ kaŋ tuge ŋgbɛlɛbi nɛ a kre ma basa na, nseŋ shin nɛ b nya bumo be amu ashi basa nɛ b pɛ bumo anya na be enɔ na nɛ baaŋ pin fanɛ ma e la Enyɛnpe Ebɔrɛ na.

Levitikɔs 25:54

Nɛ fanɛ e maŋ nya kesɔnyige akpaana ere be kekama so, a daga fanɛ mo nɛ mbe mbia kikɛ ka nya bumo be amu Kelaŋɛ n sa be Kafɛ nɛ k baa ba na to.

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.