Aizaaya 52:1 - EBƆRƐ BE KAWƆL

¹ Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Aizaaya 52:1 ပူးပေါင်းရင်းမြစ်များ

1 Kronikɛls 16:29

Enyɛnpe be ketre daga bunyaŋ, amoso men shin nɛ an maŋkura mo. Men ta men be sarga m ba mbe lambu to. Enyɛnpe cheembi na kaŋ lar a ba, a daga fanɛ men bunyaŋ mo.

Nehemaya 11:1

Basa na be bejuŋkparpoana na daa wɔ Jerusalɛm to nna nɛ bumo nɛ b ka na malɛ to beri n lara basa kudu kikɛ to be esa koŋwule nɛ e ya chena Jerusalɛm nɛ k la kade cheembi na to nɛ bekpanu nɛ b ka na malɛ a ya chena nde mo nɛ a ka na to. Ŋkpal manɛ so nwu daa maŋ shi Jerusalɛm to.

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Ɛksodɔs 28:2

Nɛ fo baa epiŋi cheembi lela n sa fo da Ɛɛrɔn nɛ a shin nɛ e baa kɔ bunyaŋ nsaa walɛ keyɛrbi.

Ɛksodɔs 28:40

Men baa nle nɛ ekreso nɛ eneemu n sa Ɛɛrɔn be bibinyɛn na malɛ nɛ a shin nɛ b baa kɔ bunyaŋ nsaa walɛ ayɛrbi.

Aizaaya 1:21

Menyi Jerusalɛmebi nɛ men daa ji kashenteŋ na, chɛrga nna a wora asheŋ fanɛ sakaleche. Basa nɛ b niŋi e daŋ bɔlɔ menyi be kadegboŋ to jemanɛ ko, ama naniere basa nɛ baa mɔ basa nawule e ka kumo to.

Aizaaya 1:26

Ma alɛ beeŋ sa menyi bewura nɛ besoetojipo nɛ b du fanɛ bumo nɛ men daa kɔ dra na. Ŋ kaŋ wora loŋ, baaŋ naa tre Jerusalɛm Kadegboŋ Niŋiso nɛ Kashenteŋji be Kakpa.”

Aizaaya 26:2

Men bugi kadegboŋ na be mbunagboŋana na n shin nɛ efuli nɛ k bee ji kashenteŋ nɛ kumo be basa bee wora kusɔ nɛ k niŋi na e luri to.

Aizaaya 35:8

Kegbembi lela beeŋ ba dese ndoŋ, nɛ b baa tre kumo “Kecheembiya be ekpa.” K beeŋ baa la Ebɔrɛ be basa be ekpa. Esa nɛ e maa shuŋ Ebɔrɛ maaŋ nite kumo so. Bewulpo gba maaŋ nite loŋ be kegbembi na so.

Aizaaya 4:3

Baaŋ baa tre Jerusalɛm to be esa kama nɛ Enyɛnpe Ebɔrɛ na shin nɛ e ji efute na esa cheembi.

Aizaaya 48:2

Menyee puchi a kaŋɛ fanɛ men la Jerusalɛm, kadegboŋ cheembi na to be basa nsaa ta menyi be amu a to Israɛl be Ebɔrɛ nɛ e la Enyɛnpetale Ebɔrɛ na so nna.

Aizaaya 49:18

Keni ŋ kulti fo! Feeŋ wu fo basa ka bɛta a ba epe. Ma, Enyɛnpe Ebɔrɛ ka baa wɔtɔ ere bre, feeŋ baa puchi fo basa so nsaa wu fo kumu, fanɛ kananɛ kejafɔche bee ta mbe abitasɔ a mea to nsaa ji kebita a ŋini basa na.

Aizaaya 51:17

Jerusalɛm to ebi, men koso! Kasogberge nɛ Enyɛnpe Ebɔrɛ na nya agbo n shin nɛ k ba menyi so na shi ga. Kasogberge na shin nna nɛ menyee nite a lente fanɛ basa nɛ b boo nsa na.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Aizaaya 60:1

Jerusalɛmebi, men koso n nyɛkpɛ n fulto fanɛ epeŋi. Karechɛ popɔr bee chɛ menyi so nna na. Ŋkpal manɛ so, Enyɛnpe Ebɔrɛ be kemaŋkura nyaŋɛ n yuu menyi so nna!

Aizaaya 60:21

Kumo be kaman nɛ menyi be basa kikɛ e chena kasawule na so nsaa wora kusɔ nɛ k niŋi mbaanaayɔ. B du fanɛ kedibi nɛ ŋ gbagba du ndoŋ nɛ n lara ma keshi ŋ ŋini ekama nna.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Aizaaya 64:10

Fo ndegboŋ cheembiana na be kekama ki fanɛ keshishɛrsawule nna. Jerusalɛm ki kelambure nna nɛ ekama maŋ naa wɔ kumo to.

Jɛremaya 31:23

Enyɛnpetale, Israɛl be Ebɔrɛ na yɛ: “Ŋ kaŋ bɛta basa na m ba chena bumo gbagba be kasawule so n loge, baaŋ naa kaŋɛ le ashi nde nɛ a wɔ Juda be kasawule so na: ‘Ebɔrɛ e nɛfa Zayɔn be kebee nɛ bɔrɛlambu na nɛ ewura be laŋ yil so ashi Jerusalɛm nɛ k la kakpa cheembi nɛ e wɔ na.’

Ezikɛl 44:9

Amoso kusɔ nɛ ma, Enyɛnpetale Ebɔrɛ na, bee kaŋɛ e la fanɛ efɔ kama nɛ e maa ŋana Ebɔrɛ nsaa maa nu a sa ma maŋ daga keluri ma bɔrɛlambu to, hale efɔ nɛ e chena Israɛl be basa na to gba maŋ daga keluri kumo to.”

Danɛl 10:9

Ŋ ka baŋ nu mbe ebɔl nɛ n tɔr kasawule epun so ŋ kreŋ

Jowɛl 3:17

Kede be kaman nɛ Enyɛnpe Ebɔrɛ yɛ: “Kumo be jemanɛ na so nɛ menyi Israɛlebi beeŋ pin fanɛ ma e la Enyɛnpe men be Ebɔrɛ na. Ma e wɔ ma kebee cheembi Zayɔn so na. Jerusalɛm beeŋ naŋ ki kadegboŋ cheembi nɛ efuli pɔtɛana so ebi maaŋ naŋ tiŋ ŋ kɔ m pɔɔ kumo so.

Nahum 1:15

Judaebi, men keni, kabɔ ko kɔ baru lela n shi kebeegboŋ na so a ba! Kayurwushi be baru nɛ e kɔ a ba. Amoso men ji menyi be nchɛgboŋ nseŋ wora m bɔlɔ nnɔ nɛ men nase n sa Ebɔrɛ na so. Kumukpakpaso wuraana maaŋ naaŋ kɔ n sɔ menyi be kasawule kikɛ, ŋkpal manɛ so, b mur cheche kuraa.

Heegai 2:4

Ama ekama e sa maŋ pɔ aba. Menyi ere e baa shuŋ kushuŋ na de, ŋkpal manɛ so, n wɔ menyi kutɔ.

Zakareya 3:4

Ndoŋ nna nɛ malaika na kaŋɛ basa nɛ b daa yil ndoŋ na le: “Men lara kanyɛn ere be asɔ biriso nɛ e buu ere.” Kumo be kaman nɛ e kaŋɛ Joshuwa malɛ le: “N lara fo alubi ashi fo so, ma alɛ beeŋ naŋ sa fo asɔbuuso popɔr nɛ fo buu.”

Matiu 4:5

Ndoŋ nna nɛ alubipo na naŋ shin nɛ b yɔ kadegboŋ cheembi na to n ya shin nɛ Yesu yili bɔrɛlambu na be kakpa jeŋgreŋ ko so nseŋ kaŋɛ mo le:

Luuk 15:22

Nɛ etuto na kplaŋ mo so nseŋ kaŋɛ mbe anya le: ‘Men nya manaŋ n ya lara piŋi lela chɔɛŋ na m ba buu mo nseŋ ta kepinibi n wɔtɔ mbe enɔ to nseŋ ta asɛbta n wɔtɔ mo.

Romebi 13:14

Ama men ta Enyɛnpe Yesu Kristo be akɔsɔ na a kuŋ menyi be amu fanɛ asɔbuuso na nseŋ yige kebaade menyi be kapɔr lubiana ere be aparsheŋ so nɛ a sa maŋ kaŋ shin nɛ menyi be ayɛlgasɔ e ka menyi to.

Romebi 3:22

Loŋ be shɛda nɛ mbra na gba nɛ anebiana na bee ji. Ebɔrɛ malɛ bee bɔla basa be yirda nɛ k deŋ Yesu Kristo so so nna a shin nɛ mo nɛ basa na kikɛ bee nya kɔnɔkoŋwule. Mo alɛ maa kpɛa basa to.

Ɛfesesebi 4:24

Men luri kapɔr popɔr nɛ Ebɔrɛ pɔr nɛ k du fanɛ mo gbagba be kapɔr a yɔ kashenteŋ be alelasheŋ nɛ kebaawɔtɔ cheembi be kaplɛa so na to.

Ɛfesesebi 5:14

Amoso nɛ abɔrɛsibɛ na bee kaŋɛ le na fanɛ: “Edipo koso, niŋi to ŋ koso ashi luwu to nɛ Kristo e nyaŋɛ kefulto n yuu fo so.”

Ɛfesesebi 6:10

Ade kikɛ be kaman, men baa kɔ eleŋ Enyɛnpe na nɛ mbe eleŋgboŋ na to.

Kelaraŋŋini 11:2

Ama sa maŋ ta kusɔ kargaso na ŋ karga lambu na be laŋ na bre, ŋkpal manɛ so, b ta ndoŋ nna n sa nnyamase, bumo alɛ beeŋ nɔkɔr kadegboŋ cheembi na to afɔl adena nɛ anyɔ.

Kelaraŋŋini 19:14

Ebɔrɛso be benapo daŋ buu wajɛ fuful lela nɛ a walɛ so n fuli parr nna n dii egbaŋɛ fuful m bɛ mo so.

Kelaraŋŋini 19:8

E nya wajɛ fuful lela nyɛkpɛso nɛ k walɛ so nɛ e buu. Kusɔbuuso lela na e naa yili fanɛ Ebɔrɛ be basa laraso be alelasheŋ be aworbi.”

Kelaraŋŋini 21:2

Nɛ n wu kadegboŋ cheembi na, kumo e la Jerusalɛm popɔr na ka shi Ebɔrɛ kutɔ ashi ebɔrɛso fanɛ kejafɔ ka mea to nɛ e tu mo kul na.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.