Aizaaya 51:9 - EBƆRƐ BE KAWƆL

⁹ Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Aizaaya 51:9 ပူးပေါင်းရင်းမြစ်များ

Job be kawɔl 26:12

Ebɔrɛ be eleŋgboŋ nɛ e ta m pulgi teku to, nseŋ bɔla mbe kanyiasheŋ so ŋ ku teku to be kusɔbɔya lubi gboŋgboŋi nɛ baa tre Reehab na to.

Job be kawɔl 9:13

Ebɔrɛ be kagbene baŋ kaa, e bee mur mo doŋana nɛ baa chɛ kusɔkpaŋ gboŋgboŋi lubi nɛ k wɔ teku to nɛ baa tre Reehab na to na nna.

Nshɛ 21:13

Enyɛnpe Ebɔrɛ, kemaŋkura e baa la fo peya. Anyeeŋ boŋ nshɛ m maŋkura fo ŋkpal fo eleŋgboŋ na so.

Nshɛ 44:1

Enyɛnpe anyi be Ebɔrɛ, an nananyɛnana kaŋɛ anyi kusɔ nɛ fo wora dra dra na. Nɛ anyi alɛ kaŋ asoe n nu,

Nshɛ 44:2

kananɛ fo ta fo eleŋ n ju basa nɛ b daa wɔ efuli ere so dra dra na, nseŋ shin nɛ an nananyɛnana sɔ kasawule ere nɛ kananɛ fo shin nɛ asheŋ nite nɛnɛ n sa bumo.

Nshɛ 44:23

Enyɛnpe Ebɔrɛ, jande ba chɛ anyi to. Wora kusɔ ko. Sa maŋ kini anyi n lɛ.

Nshɛ 44:24

Manɛ nna nɛ fo ŋana anyi so, nseŋ teŋ anyi be awurfoŋ nɛ kamɛaŋ so?

Nshɛ 59:4

M maŋ wora kulubi kikɛ, ama b wora shiriya nɛ b kɔ ma. Keni ma awurfoŋ nɛ mee ji ere so nseŋ wora kusɔ ko n chɛ ma to.

Nshɛ 7:6

Enyɛnpe Ebɔrɛ, nya agbo ŋ kpa n niŋi to n tu ma doŋana nɛ b nya agbo ga na; yili to n shin nɛ kashenteŋji e di efuli.

Nshɛ 77:5

Mee fɛ nchɛ nɛ a choŋ na nɛ nfɛ dra na be asheŋ nna.

Nshɛ 78:65

Kumo be kaman nɛ Enyɛnpe Ebɔrɛ na kpa niŋi to fanɛ esa ka tiŋi edi to, ŋko enapo ka diewu ŋ koso na.

Nshɛ 87:4

Nɛ m baa ti efuliana nɛ a bee nu a sa ma be atre, meeŋ ti Ijipt nɛ Babilɔn be efuliana n ti so. Nɛ m baa naa karga Jerusalɛm to be basa, meeŋ karga Filisti nɛ Itiopia be efuliana nɛ Tayɛ be kadegboŋ to be basa gba n ti so.

Nshɛ 89:10

Fo e daŋ to m pɛ teku to be kusɔbɔya lubi gboŋgboŋi nɛ baa tre Reehab na to kpakpa nseŋ mɔ kumo na. Fo gbagba be eleŋgboŋ nɛ fo ta m pɔɔ fo doŋana so, nseŋ shin nɛ b pesaŋ to n sɔ kaplɛkama.

Nshɛ 89:11

Ebɔrɛso nɛ kasawule so kikɛ la feya nna; fo e to durnya nɛ kusɔ kama nɛ k wɔ kumo to.

Nshɛ 93:1

Enyɛnpe Ebɔrɛ na e la ewura. Kemaŋkuragboŋ nɛ eleŋ buu mo nna fanɛ kuwurpiŋi. Mo e tɔl durnya n yili kpakpa, nɛ shɛŋ shɛŋ maaŋ tiŋ n fifir kumo.

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Aizaaya 27:1

Kamɔnchɛ kaŋ fo, Enyɛnpe Ebɔrɛ na beeŋ ta mbe tokobi nɛ k kɔ eleŋ ga na ŋ gberge kusɔbɔya gbeyeso gboŋgboŋi nɛ k wɔ teku to nɛ baa tre kumo Liviatan na kusoe m mɔ kumo.

Aizaaya 30:7

Ijipt be kechɛto maŋ la shɛŋ. Amoso nɛ mee tre kumo ‘Kusɔ gbeyeso nɛ k du fanɛ laŋchaŋ a maaŋ tiŋ n wora shɛŋ na.’ ”

Aizaaya 51:17

Jerusalɛm to ebi, men koso! Kasogberge nɛ Enyɛnpe Ebɔrɛ na nya agbo n shin nɛ k ba menyi so na shi ga. Kasogberge na shin nna nɛ menyee nite a lente fanɛ basa nɛ b boo nsa na.

Aizaaya 51:5

Meeŋ nya manaŋ m ba mɔlga bumo; ŋkpal manɛ so, ma kekɔmpɔɔso be jemanɛ taga to. Efuliana nɛ a wɔ keplasawule so kufɔ kufɔ na bee keni ma ekpa nna; ŋkpal manɛ so, baa tama fanɛ meeŋ baa mɔlga bumo nseŋ ji kuwura bumo so nna.

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Aizaaya 52:10

Enyɛnpe Ebɔrɛ na beeŋ ta mbe eleŋgboŋ m mɔlga mbe basa ashi bumo doŋana be enɔ to, saŋɛ na so durnya to ebi kikɛ beeŋ wu kumo.

Aizaaya 53:1

Ndoŋ nna nɛ basa na malɛ bishi le: “Wanɛ e naaŋ yirda kubɔya nɛ anyee nu ere? Wanɛ e daŋ wu Enyɛnpe Ebɔrɛ be eleŋgboŋ ka shuŋ le?

Aizaaya 62:8

Le nɛ Enyɛnpe Ebɔrɛ na bɔ ntaŋ n nase kɔnɔ ŋ kaŋɛ: “M maaŋ naŋ ta fo ayu n sa fo doŋana fanɛ bumo be kusɔ jiso kikɛ; befɔ malɛ maaŋ naŋ nya yabra nɛ fo gben n wora na n nuu kikɛ.

Ezikɛl 29:3

Kaŋɛ Ijipt be ewura fanɛ Enyɛnpetale Ebɔrɛ na bee kaŋɛ fanɛ, fo ki n doŋ nna ŋkpal fo ka ta fo kumu fanɛ laŋchaŋ nɛ e kɔ eleŋ a wɔ lɔr to na so. Fo alɛ naŋ kaŋɛ fanɛ feeto lɔrgboŋ nɛ baa tre Nail na a ki feya.

Maika 7:15

Enyɛnpe Ebɔrɛ, yaŋ wora emamachisheŋ n sa anyi fanɛ kananɛ fo daŋ wora saŋɛ nɛ fo daŋ lara anyi ashi Ijipt be efuli so na.

Habakuk 2:19

Asheŋ maaŋ nyalɛ n sa menyi nɛ menyee kaŋɛ kedibi ŋko kejembu fanɛ k koso n sɔ nchu n nuu na. Kegbir beeŋ tiŋ n lara kesheŋ ko ŋ ŋini fo a? Baaŋ tiŋ n ta shuwa ŋko gbiti ŋ gbiti kumo, ama k kraa maŋ kɔ ŋkpa.

Habakuk 3:13

Fo lar m ba nna nɛ fo ba mɔlga fo basa, nɛ fo ewura laraso. Fo ŋmɛa amukpakpasowuraana be ejuŋkparpo n lɛ, nseŋ mur basa nɛ b bɛ mo so na cheche.

Zakareya 10:11

B kaŋ bɔla bumo be etɔrɔbi nɛ e du fanɛ teku ere to a choŋ, ma, Enyɛnpe Ebɔrɛ na beeŋ yɔɔ atili na nseŋ shin nɛ Nail be lɔr nɛ k wɔ Ijipt be efuli so na be kechimbi to be nchu e feeto. Meeŋ shin nɛ Asiriyaebi be kamoowugboŋ na e ba kaseto, nɛ Ijiptebi e paŋ bumo be eleŋgboŋ na.

Zakareya 2:13

Ekama e wora shruum ashi Enyɛnpe Ebɔrɛ na be anishito, ŋkpal manɛ so, e koso kakpa cheembi nɛ e wɔ na nna a ba.

Luuk 1:51

E teŋi mbe enɔgboŋ to n jija kamoowuwuraana be ejina kikɛ n lɛ.

Baru lela nɛ Jɔn kute na 12:38

Loŋ be kesheŋ na malɛ daŋ wora nna nɛ anebi Aizaaya be kamalga nɛ e daŋ malga na e bɔla ekpa. Le nɛ e daŋ bishi Ebɔrɛ: “Enyɛnpe, wanɛ e yirda kubɔya nɛ an bɔ na? Nɛ basa mo nɛ Enyɛnpe ŋini mbe eleŋ na?”

Ashuŋ Shunso 7:7

Ama meeŋ gberge basa nɛ fo kaman to ebi beeŋ shuŋ na kusoe pɔɛŋ n shin nɛ fo basa na e lar efuli na so m ba nfe m ba kaa bunyaŋ ma.’

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Kelaraŋŋini 11:17

a kaŋɛ le: “Enyɛnpetale Ebɔrɛ mo nɛ e daa wɔtɔ nseŋ kraa wɔtɔ na, anyee chɔrɔ fo ga fanɛ fo ta fo eleŋgboŋ na n shuŋ nseŋ fara nɛ fo ji kuwura naniere.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Demujipoana 6:13

Nɛ Gidiɔn malɛ yɛ: “Gafra, shin nɛ ŋ kule m bishi, nɛ fanɛ Enyɛnpe Ebɔrɛ na wɔ anyi kutɔ, manɛ nna nɛ le be asheŋ ere kikɛ bee tu anyi? Nnɛ nɛ mbe emamachisheŋ nɛ an tutoana bee ji amo be asheŋ na yɔ? B yɛ, Enyɛnpe Ebɔrɛ na e lara anyi ashi Ijipt be efuli so m ba nfe. Ama naniere Enyɛnpe Ebɔrɛ na kplaŋ anyi so nna n sa Midianebi na.”