Aizaaya 51:7 - EBƆRƐ BE KAWƆL

⁷ Menyi nɛ men nyi kusɔ nɛ k daga kewora na e nu nfe! Menyi nɛ men kɔ ma keŋini menyi be ŋgbene to na gba e nu nfe! Men sa maa ŋana basa nɛ baa tege menyi nsaa kaŋɛ menyi asheŋbesaso na.

Aizaaya 51:7 ပူးပေါင်းရင်းမြစ်များ

Nshɛ 37:31

E ta Ebɔrɛ be mbra na nna n wɔtɔ mbe kagbene to; amoso e bee pere kenishi nna a bɛ kumo so saŋkikɛ.

Nshɛ 40:8

“Kebaa wora fo aparsheŋ e naa fuli ma kagbene, amoso n ta fo mbra n wɔtɔ ma kagbene to nna.”

Aizaaya 25:8

Enyɛnpetale Ebɔrɛ na beeŋ mur luwu mbaanaayɔ! E beeŋ kpra anishichubi ashi ekama be anishito nseŋ lara ŋaba nɛ mbe basa ji ashi durnya kikɛ to na ashi bumo so. Enyɛnpe Ebɔrɛ na gbagba e kaŋɛ.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 37:6

nɛ ŋ kaŋɛ bumo le: “Enyɛnpe Ebɔrɛ na kaŋɛ fanɛ men sa maa lɔ kufu ŋkpal kusɔ nɛ Asiriyaebi na kaŋɛ na so, fanɛ mo ere Ebɔrɛ na maaŋ tiŋ m mɔlga menyi na.

Aizaaya 51:1

Enyɛnpe Ebɔrɛ na yɛ: “Nɛ menyee sha kebaawora kusɔ nɛ k niŋi nsaa wora Enyɛnpe Ebɔrɛ na kasonu, kumo ere men baa keni menyi nananyɛn Eebraham so a wora asheŋ. Mo e du fanɛ kefalta nɛ men shi kumo to n lar na.

Aizaaya 54:4

Men sa maa ŋana kufu ŋko anishinyɔr. Menyi alɛ e sa maŋ pɔ aba kikɛ. Men teŋ menyi be kebifɔlbi to be asheŋ lubi na so. Men sa maŋ shin nɛ menyi be kebaawɔtɔ nɛ k du fanɛ ekulpoche be kebaawɔtɔ na e baa keta menyi nyɔmɔ.

Jɛremaya 1:17

Jɛremaya, wora shiriya n ya kaŋɛ basa na kusɔ kama nɛ ŋ kaŋɛ fo kenishipereso na. Sa maa ŋana bumo, nɛ mannɛ aloŋ meeŋ shin nɛ kufu nɛ k chɔ loŋ a pɛ fo jemanɛ nɛ feeŋ baa wɔ bumo to na.

Ezikɛl 2:6

Ama fo ere, dimɛdi pibi, sa maa ŋana bumo ŋko bumo be mmalga. Sa maa lɔ kufu ŋkpal b ka beeŋ kplaŋ fo so nseŋ wora fo yɛryɛrbi so. K beeŋ baa du fanɛ fo ka wɔ ewi to ŋko nna to nna. Ama sa maa ŋana basa nɛ b kini ma nseŋ pal kaman n sa ma na ŋko n shin nɛ b baa ta kufu a da fo.

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Matiu 5:11

Nɛ basa bee tege menyi nsaa tɔrɔ menyi a ku efɛ a malga mmalga be yiri kikɛ a gbiti menyi ŋkpal ma so, kagbenefuli beeŋ ba kaa la menyeya.

Luuk 6:22

Nɛ basa kishi menyi a kini menyi nsaa tege menyi a tre menyi basa lubi ŋkpal ma, Nyiŋgbasa Pibinyɛn na so, kagbenefuli beeŋ ba kaa la menyeya.

Ashuŋ Shunso 5:41

Nɛ beshuŋipo na lar nshɛrwuraana na kutɔ nɛ kagbenefuli ŋkpal Ebɔrɛ ka shin nɛ bumo alɛ tiŋ n ji awurfoŋ ŋkpal Yesu be ketre na so so.

2 Kɔrintebi 3:3

Menyi alɛ gba bee ŋini fanɛ men la kawɔl nna n shi Kristo kutɔ a la anyi be kushuŋ ere be tɔnɔ. Mannɛ kleembi nɛ b ta n sibɛ amo, bumo alɛ maŋ sibɛ amo n deŋi ajembu so, ama Ebɔrɛ nɛ e wɔ ŋkpa to be Kiyoyu nɛ b ta n sibɛ amo dimɛdi be ŋgbene so.

Ditɛronɔmi 6:6

Men sa maŋ kaŋ teŋ mbraana nɛ n ta a sa menyi kabre ere so kikɛ.

Filipaiebi 3:10

Kusɔ nɛ m baa sha asheŋ ere kikɛ to e la fanɛ m baa nyi Kristo na nsaa tiŋ a wu mbe ketiŋi luwu to be eleŋ na ma kebaawɔtɔ to nseŋ naa tiŋ a tu mo a ji mbe awurfoŋ na n tiŋ ŋ ki fanɛ mo gbagba ashi mbe luwu na to.

Filipaiebi 3:8

Kashenteŋto, naniere shɛŋ maŋ naa kɔ tɔnɔ ma anishito ŋkpal kebaanyi Kristo Yesu n Nyɛnpe na ka chɔ kusɔ kikɛ na so. Mo so nɛ m paŋ asɔ kikɛ nseŋ naa ta kusɔ kama fanɛ asɔ fuloŋ ŋkpal kananɛ meeŋ wora n nya Kristo na so nɛ n tiŋ n nya a wɔ mo to.

Hibruwebi 10:16

“Ade be kaman kɔnɔkoŋwule be ŋkre nɛ ma nɛ bumo beeŋ kre na nde: ‘Meeŋ ta ma mbraana n wɔtɔ bumo be ŋgbeneana to nseŋ sibɛ amo n deŋi bumo be nfɛraana so.’ ”

1 Pita 4:14

Nɛ b baŋ tege menyi ŋkpal men ka la Kristo be bebɛsopo so, kumo ere nɛfa la menyeya nna, ŋkpal manɛ so, Ebɔrɛ be Kiyoyu nɛ e kɔ kemaŋkura na e wɔ menyi to.

1 Pita 4:4

Naniere k bee chinchiŋ bumo nna, ŋkpal men ka maŋ naa tu bumo a wora loŋ be asheŋ jiga na so. Amoso nɛ baa tege menyi na.