Aizaaya 51:5 - EBƆRƐ BE KAWƆL

⁵ Meeŋ nya manaŋ m ba mɔlga bumo; ŋkpal manɛ so, ma kekɔmpɔɔso be jemanɛ taga to. Efuliana nɛ a wɔ keplasawule so kufɔ kufɔ na bee keni ma ekpa nna; ŋkpal manɛ so, baa tama fanɛ meeŋ baa mɔlga bumo nseŋ ji kuwura bumo so nna.

Aizaaya 51:5 ပူးပေါင်းရင်းမြစ်များ

Nshɛ 110:6

E beeŋ ji basa nɛ b wɔ efuli pɔtɛana so demu nseŋ shin nɛ bumo be basa e wu n deŋi abar so kasawule ere so.

Nshɛ 67:4

Shin nɛ efuliana na be basa kikɛ be ŋgbene e fuli bumo, nɛ b boŋ nshɛ kagbenefuliso Ŋkpal manɛ so, fee ji asheŋ nɛ amo be ekpa so nna nsaa ŋini efuliana na be basa ekpa nɛ k daga.

Nshɛ 85:9

Kashenteŋto e wora shiriya nɛ e mɔlga bekama nɛ baa ŋana mo na nna; saŋɛ na so mo gbagba be kemaŋkura beeŋ baa wɔ anyi be kasawule so.

Nshɛ 96:13

n sa Enyɛnpe Ebɔrɛ na. E bee ba nɛ e ba bɔla ekpa niŋiso nɛ kashenteŋ so nna n ji basa nɛ b wɔ durnya to demu.

Nshɛ 98:9

Ŋkpal manɛ so, mo e naa ba nɛ e ba ji kuwura kasawule so. E beeŋ ba bɔla ekpa niŋiso so n ji esa kama nɛ e wɔ kasawule so demu nɛ e maŋ kpɛa ekama to.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 24:15

nɛ bumo nɛ b wɔ epeŋilarkpa na malɛ e kpaŋ mo. Basa nɛ b wɔ teku be ekarso na malɛ gba beeŋ fur Enyɛnpe, Israɛl be Ebɔrɛ na.

Aizaaya 26:4

Amoso an baa yirda Enyɛnpe Ebɔrɛ na saŋkama, nɛ e baa la fanɛ kefalta a kuŋ anyi saŋkikɛ.

Aizaaya 33:2

Jande, Enyɛnpe Ebɔrɛ, wu anyi kuwɔr. Fo nɛ an ta anyi be tama n deŋi so. Baa kuŋ anyi karechɛ kama nsaa mɔlga anyi ashi etɔrɔ to.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 40:10

Enyɛnpetale Ebɔrɛ na kɔ eleŋgboŋ a ba nɛ e ba ji kuwura basa so eleŋso. E keta basa nɛ e kɔ m mɔlga bumo na nna a ba, nɛ kumo be loŋ fuli mbe kagbene.

Aizaaya 42:4

E maaŋ gben n yige to ŋko m pɔ aba; e beeŋ shin nɛ keji asheŋ nɛ amo be ekpa so e ba durnya to. Efuli pɔtɛ so be basa pere kenishi nna a jo mbe keŋini.”

Aizaaya 46:13

Meeŋ ba mɔlga menyi. Ma nɛ menyi maaŋ naŋ barga abar. M maaŋ naŋ chɛr nseŋ ba mɔlga menyi. Meeŋ mɔlga basa nɛ b wɔ Jerusalɛm to nseŋ shin nɛ Israɛl be efuli na e nya kemaŋkura.”

Aizaaya 49:1

Ekama e nu nfe! Menyi nɛ men wɔ efuli pɔtɛana nɛ a wɔ teku be kaba ndoŋ na gba, e nu nfe. Enyɛnpe Ebɔrɛ na e lara ma nɛ m baa la mbe kenya, nseŋ nase ma ketre pɔɛŋ nɛ b kurge ma.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Aizaaya 56:1

Nɛ Enyɛnpe Ebɔrɛ na kaŋɛ mbe basa le: “Men baa wora kusɔ nɛ k daga nseŋ bɔla ekpa, ŋkpal manɛ so, k maaŋ chɛr nɛ m ba mɔlga menyi.

Aizaaya 59:16

E ka wu fanɛ esa kikɛ maŋ wɔtɔ nɛ e wora kusɔ ko a laŋɛ kumo be kaplɛa so nɛ k jija mbe kagbene ga n ti so. Amoso e beeŋ bɔla mo gbagba be eleŋ so ŋ kɔ n suge basa nɛ baa kɔrfɛ na n yige nseŋ shin nɛ b kɔ m pɔɔ so.

Aizaaya 60:9

Teku so be ekuloŋgboŋ nɛ e shi aplasawule wɔfɔ wɔfɔ so nna. Ebɔrɛ be basa nɛ e sulɔ a ba epe. Bumo alɛ keta bumo be shuwa nɛ gbiti nna a ba. Enyɛnpe Israɛl be Ebɔrɛ cheembi na e shin nɛ loŋ wora nɛ mbe basa e nya kemaŋkura. Saŋɛ na so baaŋ baa shuŋ mo nsaa bunyaŋ mo.

Aizaaya 62:11

Kusɔ nɛ Enyɛnpe Ebɔrɛ na bee kaŋɛ nsaa sha fanɛ durnya to be basa kikɛ e nu nde: “Kaŋɛ basa nɛ b wɔ Jerusalɛm to fanɛ Enyɛnpe Ebɔrɛ na bee ba nɛ e ba mɔlga bumo. Men keni, basa nɛ e sɔ n yige na nɛ e kɔ a ba.”

Aizaaya 63:5

K daŋ chinchiŋ ma nna fanɛ esa kikɛ ka daa maŋ wɔtɔ nɛ e chɛ ma to ŋko n wɔtɔ ma enɔ. Amoso ma agbo e wɔtɔ ma eleŋ n shin nɛ ŋ gbagba kɔ m pɔɔ so.

Jowɛl 3:12

Nɛ Ebɔrɛ kaŋɛ: “A daga fanɛ efuli pɔtɛana so ebi kikɛ e bela ase m ba Jehoshafat be ketaŋɛ to naniere. Ndoŋ nɛ ma Enyɛnpe Ebɔrɛ na beeŋ chena n ji bumo kikɛ demu.

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Matiu 3:2

E yɛ: “Men lar menyi be alubi to, ŋkpal manɛ so, ebɔrɛso be kuwura na taga to.”

Maak 16:15

Nɛ e kaŋɛ bumo: “Men yɔ efuli kikɛ so n ya bɔ kubɔya na n sa kepɔrso kikɛ.

Luuk 24:47

ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Ashuŋ Shunso 17:31

Ŋkpal manɛ so, e lara kachako n yili a sha keshin nɛ esa ko nɛ e lara n yili na e ji durnya ere demu kumo be ekpa so. Mo alɛ ŋini ekama nyam kumo be loŋ n shin nɛ amodoŋwura tiŋi luwu to.”

Romebi 2:16

To, loŋ malɛ nɛ baru lela nɛ mee bɔ na bee ŋini fanɛ asheŋ beeŋ ba kaa du kachɛ nɛ Ebɔrɛ beeŋ bɔla Yesu Kristo so n yili edimɛdi be wulo be nfɛraana so n ji bumo demu.

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Ditɛronɔmi 30:14

Ayai, mbraana na wɔ menyi kutɔ nna. Menyeeŋ tiŋ ŋ koya amo m pin amo a kute amo to. Amoso men baa wora amo kasonu naniere.

1 Samuɛl 2:10

Bekama nɛ baa kɔ fo Enyɛnpe Ebɔrɛ na beeŋ mur cheche. Feeŋ shin nɛ bɔrɛ e shi esoso m ponte ŋ kɔ bumo. Fo Enyɛnpe Ebɔrɛ na beeŋ ji durnya ere kikɛ demu, nseŋ ta eleŋ nɛ yuku n sa fo ewura lara so.”