Aizaaya 51:4 - EBƆRƐ BE KAWƆL

⁴ Kumo be kaman nɛ Enyɛnpe Ebɔrɛ na naŋ kaŋɛ le: “Ma basa, men nu nfe! Men nu kusɔ nɛ mee kaŋɛ ere! Ma e naa ta ma keŋini a sa efuli pɔtɛana na; nɛ ma mbraana malɛ bee shin nɛ baa pin ma.

Aizaaya 51:4 ပူးပေါင်းရင်းမြစ်များ

Nshɛ 106:5

Shin nɛ n ti fo basa laraso so n nyalɛ, saŋɛ na so ma alɛ gba beeŋ ji eyur fanɛ kananɛ baa ji eyur kagbenefuliso ŋkpal b ka la fo basa so na.

Nshɛ 147:20

E maŋ wora le n sa efuli pɔtɛ kama so be basa; b maŋ nyi mbe mbraana gba. Men baa kpaŋ Enyɛnpe Ebɔrɛ na!

Nshɛ 33:12

Kagbenefuli la efuli kama so ebi nɛ bumo be Ebɔrɛ la Enyɛnpe na peya nna. Kagbenefuli la bekama nɛ e lara fanɛ b baa la mbe basa na peya nna.

Nshɛ 50:7

Ma basa, men nu. Israɛlebi, menyi be Ebɔrɛ na bee ji demu nna a gbiti menyi.

Nshɛ 78:1

Ma basa, men nu ma keŋini ere, nseŋ nu kusɔ nɛ mee kaŋɛ ere nɛnɛ.

Ɛksodɔs 19:6

Menyi alɛ beeŋ baa la kanaŋ cheembi to ebi nɛ bɔrɛmatapoana nɛ b shi kuwurji be kanaŋ cheembi to.’ Kusɔ nɛ mee sha fanɛ fo kaŋɛ Israɛlebi nna na.”

Ɛksodɔs 33:13

To, nɛ ma shɛŋ bee par fo bre, ŋini ma fo ekpaana nɛ m pin fo nfɛra, nsaa shuŋ fo a wora fo aparsheŋ. Baa nyiŋi fanɛ fo gbagba e lara basa ere nɛ b la feya.”

Aŋasa 6:23

Ŋkpal manɛ so fo nio nɛ fo tuto be keŋini du fanɛ kefulto nna n sa fo; nɛ bumo be kasogberge malɛ bee sa fo kebaawɔtɔ lela.

Aizaaya 1:27

Ŋkpal Enyɛnpe Ebɔrɛ na ka niŋi so, e beeŋ mɔlga Jerusalɛm nɛ esa kama nɛ e beeŋ tuba n lar alubi to ashi ndoŋ.

Aizaaya 2:3

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”

Aizaaya 26:2

Men bugi kadegboŋ na be mbunagboŋana na n shin nɛ efuli nɛ k bee ji kashenteŋ nɛ kumo be basa bee wora kusɔ nɛ k niŋi na e luri to.

Aizaaya 26:8

Anyee bɛ fo aparsheŋ so nna nsaa ta anyi be tama a to fo so. Fo nawule be ketre nɛ anyee sha fanɛ k baa nya kemaŋkura ashi anyi be ŋgbene to.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 42:21

Enyɛnpe Ebɔrɛ na kaa bee sha kumɔlga basa so, e bee keni mbe mbraana nɛ keŋini a bɔlɔ kenishi nna, mo alɛ nsaa sha mbe basa e baa bunyaŋ amo.

Aizaaya 42:6

“Ma, Enyɛnpe Ebɔrɛ na e tre fo nseŋ sa fo eleŋ, nɛ fo shin nɛ keji asheŋ nɛ amo be ekpa so e ba durnya to. Fo so nɛ ma nɛ basa kikɛ beeŋ bɔla so n wora kɔnɔkoŋwule be ŋkre. Fo so nɛ Ebɔrɛ be kebaanyi be kefulto beeŋ bɔla so m ba efuliana na to.

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Aizaaya 63:8

Enyɛnpe Ebɔrɛ na daŋ mɔlga mbe basa nna nseŋ kaŋɛ le: “Kashenteŋto b la ma basa nna. B maaŋ ku efɛ n sa ma kikɛ.”

Maika 4:2

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee na so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ mo alɛ bee shi Zayɔn be kebee so a malga a sa mbe basa.”

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

1 Kɔrintebi 9:21

Nɛ ma nɛ bumo nɛ b maŋ wɔ anebi Mosis be mbra na to baa la n wɔtɔ nna fanɛ esa nɛ e maŋ wɔ mbra na to, mannɛ fanɛ m maa bɛ Ebɔrɛ be kɔnɔ so nna, n wɔ Kristo be mbra to nna, saŋɛ na so meeŋ nya bumo nɛ b maŋ wɔ mbra na to gba n wɔtɔ Yesu be kebɛso to n ti so.

Ditɛronɔmi 18:18

Amoso meeŋ shuŋi anebi ko nɛ e du fanɛ fo nseŋ shi bumo gbagba be basa to nɛ e ba bumo kutɔ. Ma alɛ beeŋ baa ta ma kubɔya a sa mo nɛ mo alɛ e baa kaŋɛ bumo kusɔ kama nɛ ŋ kaŋɛ mo na gbagba chap.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.