Aizaaya 51:22 - EBƆRƐ BE KAWƆL

²² Enyɛnpe menyi be Ebɔrɛ nɛ e bee kuŋ menyi na e kaŋɛ le: “Mee lara kasogberge nɛ n nya agbo n shin nɛ k ba menyi so na nna na. M maaŋ naŋ gberge menyi kusoe n shin nɛ men baa nite a lente fanɛ basa nɛ b boo nsa na.

Aizaaya 51:22 ပူးပေါင်းရင်းမြစ်များ

Nshɛ 35:1

Enyɛnpe Ebɔrɛ, kɔ bekama nɛ baa kɔ ma na; nseŋ kuŋ bumo nɛ baa kuŋ ma ekpa na ekpa.

Nshɛ 60:3

Fo shin nɛ saŋɛ kpakpaso tu fo basa, nɛ afu bee ber anyi nɛ anyee lente.

Aŋasa 22:23

Ŋkpal manɛ so Enyɛnpe Ebɔrɛ na e naŋ chɛ bumo to, nseŋ tɔrɔ bekama nɛ b tɔrɔ bumo na n tal to.

Aizaaya 29:9

Asheŋ beeŋ chinchiŋ menyi anebiana na nseŋ mɔ menyi kɔnɔ! Menyeeŋ buu anishi so fanɛ etanpo a wɔtɔ! Menyeeŋ boo a jante nɛ menyi maŋ nuu nsa!

Aizaaya 3:12

Mbifɔlbi nɛ beche e naa ji kuwura ma basa so nsaa kɔrfɛ bumo ga. Ma basa, menyi be bejuŋkparpoana maa juŋkpar menyi nɛnɛ, amoso menyi maŋ nyi ekpa nɛ menyeeŋ bɔla so n wora asheŋ.

Aizaaya 3:13

Enyɛnpe Ebɔrɛ na bela ase nɛ e kaŋɛ kusɔ nɛ k wɔtɔ nseŋ wora shiriya nɛ e ji mbe basa demu.

Aizaaya 49:25

Ama Enyɛnpe Ebɔrɛ nase kɔnɔ fanɛ e beeŋ kɔ n sa anyi nseŋ sɔ anyi be mbia n yige ashi an doŋana nɛ baa suge basa be asɔ eleŋso be enɔ to.

Aizaaya 51:17

Jerusalɛm to ebi, men koso! Kasogberge nɛ Enyɛnpe Ebɔrɛ na nya agbo n shin nɛ k ba menyi so na shi ga. Kasogberge na shin nna nɛ menyee nite a lente fanɛ basa nɛ b boo nsa na.

Aizaaya 62:8

Le nɛ Enyɛnpe Ebɔrɛ na bɔ ntaŋ n nase kɔnɔ ŋ kaŋɛ: “M maaŋ naŋ ta fo ayu n sa fo doŋana fanɛ bumo be kusɔ jiso kikɛ; befɔ malɛ maaŋ naŋ nya yabra nɛ fo gben n wora na n nuu kikɛ.

Jɛremaya 25:15

Ade be kaman nɛ Enyɛnpe, Israɛl be Ebɔrɛ na naŋ kaŋɛ ma le ashi bɔrɛdare to: “Kawiebi nɛ ma agbo bɔlɔ kumo nde. Sɔ kumo n yɔ efuliana nɛ meeŋ shuŋi fo amo so na so n ya shin nɛ b nuu kumo to.

Jɛremaya 50:34

Ama esa nɛ e beeŋ sɔ bumo n yige na kɔ eleŋ. Mbe ketre e la Enyɛnpetale Ebɔrɛ na. Mo gbagba e naaŋ sɔ bumo be kɔnɔ so n shin nɛ kayurwushi e ba bumo be kasawule so nseŋ bar etɔrɔ Babilɔn be basa so.”

Jɛremaya 51:36

Nɛ Enyɛnpe Ebɔrɛ na kaŋɛ le: “N yil menyi be kaman nna, nɛ n sɔ menyi be kɔnɔ so ŋ ka Babilɔn be basa kukɔ. Meeŋ shin nɛ bumo be elɔr nɛ mbombi kikɛ e wɔl to nɛ b sa maŋ naa nya nchu.

Nfabel 3:15

Ebɔrɛ shin nɛ kebaawɔtɔ ki kekera n sa ma.

Nfabel 3:58

Kumo be keman nɛ fo ba sɔ ma n yige nseŋ mɔlga ma efute nɛ n ji ŋkpa.

Ezikɛl 39:29

Ma alɛ maaŋ naaŋ lar Israɛl be basa na kaman kikɛ, ŋkpal manɛ so, meeŋ ta ma kiyoyu n wɔtɔ bumo to. Ma, Enyɛnpetale Ebɔrɛ na e kaŋɛ na.”

Jowɛl 3:2

Meeŋ gbargbar efuli pɔtɛana kikɛ so ebi m ba shɛr ketaŋɛ nɛ baa tre Jehoshafat na to n ji bumo demu ŋkpal asɔ lubi kama nɛ b wora ma basa na so. B pesaŋ Israɛlebi na to n wɔtɔ efuli pɔtɛana to nseŋ ta ma kasawule m barga to n sa abar.

Obadaya 1:16

Ma basa nɛ b tase ma kebee cheembi so ashi Jerusalɛm na ka nya kasogberge ere bre meeŋ gberge efuli pɔtɛana kikɛ gba kusoe a chɔ loŋ. Baaŋ nya kasoegberge a chɔ Jerusalɛm peya na, hale nɛ k yɛr bumo kemur to cheche.

Maika 7:9

N wora alubi n da Enyɛnpe Ebɔrɛ na so, amoso meeŋ wora kanyiti n ji mbe agbo be tɔrɔ n ya fo saŋɛ nɛ e beeŋ ba kɔ n sa ma. M baa nyi geeŋ fanɛ e beeŋ naŋ shin nɛ asheŋ a nyalɛ nɛ e juŋkpar ma m ba kefulto to.

Zakareya 12:2

E yɛ: “N yili kumo nna fanɛ Jerusalɛm e ki fanɛ yabra kurwa nɛ efuliana nɛ a mata kumo na e nuu m boo. Kananɛ baaŋ kre kena m ba kulti Jerusalɛm n wɔtɔ na, aloŋ nɛ baaŋ wora Juda be efuli na kikɛ so.

Matiu 20:22

Nɛ Yesu kaŋɛ bumo: “Men maŋ nyi kusɔ nɛ menyee kule ere. Menyeeŋ tiŋ n ji awurfoŋ nɛ meeŋ ji a?” Nɛ mbia na kaŋɛ: “Mm, anyeeŋ tiŋ.”

1 Samuɛl 25:39

Deevid ka nu fanɛ Nabaal wu na, nɛ e kaŋɛ le: “Kemaŋkura e baa la Enyɛnpe Ebɔrɛ na peya ŋkpal Nabaal ka bee tege ma nɛ e sɔ ma kɔnɔ ŋ kɔ mo n sa ma so. Nabaal be kulubi so nɛ Enyɛnpe Ebɔrɛ gberge mo kusoe na.” Kede be kaman nɛ Deevid shuŋi n ya sha Abigɛl.