Aizaaya 51:20 - EBƆRƐ BE KAWƆL

²⁰ Menyi be basa bee bɛlɛ nna a tɔr ashi kegbembi be kukɔlɔbi kama to. B ki fanɛ echibir nɛ bekpampo sho ajigbelɛ m pɛ nna. Bumo alɛ pin kananɛ Enyɛnpe menyi be Ebɔrɛ be agbo du kashenteŋto.

Aizaaya 51:20 ပူးပေါင်းရင်းမြစ်များ

Aizaaya 29:9

Asheŋ beeŋ chinchiŋ menyi anebiana na nseŋ mɔ menyi kɔnɔ! Menyeeŋ buu anishi so fanɛ etanpo a wɔtɔ! Menyeeŋ boo a jante nɛ menyi maŋ nuu nsa!

Aizaaya 40:30

Basa fɔlbi gba bee kaa shuŋ a gben, nsaa fiti a tɔr.

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Aizaaya 51:17

Jerusalɛm to ebi, men koso! Kasogberge nɛ Enyɛnpe Ebɔrɛ na nya agbo n shin nɛ k ba menyi so na shi ga. Kasogberge na shin nna nɛ menyee nite a lente fanɛ basa nɛ b boo nsa na.

Aizaaya 51:21

Menyi Jerusalɛm to be basa nɛ menyee ji awurfoŋ nsaa nite a lente fanɛ men ka nuu nsa m boo na e nu nfe!

Aizaaya 66:15

Keni, Enyɛnpe Ebɔrɛ na kɔ edɛ nna a ba. E beeŋ ta mbe gbaŋɛturko nɛ k bee kpa edɛ na m bɔla kawuliwuli so m ba. E nya agbo nna ga a ba nɛ e ba ta edɛ ŋ gberge mo doŋana kusoe.

Aizaaya 8:21

Baaŋ ta ebesa damta a nite a kulti nɛ akoŋ e pɛ bumo ga hale nɛ b shoduu bumo be ewura nɛ agbirana agbo so.

Jɛremaya 14:16

Basa nɛ b ku le be efɛ ere n sa na gba beeŋ wu ekpa koŋwule na so. Baaŋ wu n dese Jerusalɛm be kade to be agbembi so nɛ esa kikɛ maaŋ baa wɔtɔ nɛ e puli bumo. Kusɔ nɛ k beeŋ ba bumo gbagba nɛ bumo be beche nɛ mbia kikɛ so nna na. Meeŋ shin nɛ b ka bumo be asheŋ lubi na be kukɔ.”

Jɛremaya 14:18

M baŋ yɔ kupuŋ to, mee wu benyɛn nɛ b wu kena to a dese nna. Ma alɛ naŋ luri nde to, mee wu basa nɛ akoŋ bee mɔ nna. Ama anebiana nɛ bɔrɛmatapoana na bre kraa shuŋ bumo be ashuŋ nna, a maŋ nyi kusɔ nɛ k bee wora gba.”

Nfabel 1:15

Enyɛnpe Ebɔrɛ na wora anyi eyur to nna m mushe anyi be benapo lempoana. E shin nɛ benapo ba nna m ba mur anyi be mbrantiɛfɔlbi, nseŋ chichi anyi be basa so fanɛ kananɛ baa chichi greep be asɔrso so a wora yabra na.

Nfabel 1:19

An kela n tre basa nɛ anyi nɛ bumo kre fanɛ anyeeŋ baa chɛ abar to kena be jemanɛ, ama b kini keba chɛ anyi to. Bɔrɛmatapoana na nɛ bejuŋkparpoana na daŋ fin ajibi nɛ b ji kadegboŋ na to ŋ gben nseŋ wu n dese agbembi so.

Nfabel 2:19

Men koso n shu kanyɛ lelemu kikɛ ŋ ŋini Enyɛnpe Ebɔrɛ na nseŋ bugi ŋgbene ŋ kule mo nɛ e wu menyi be mbia nɛ akoŋ bee mɔ agbembi so be akɔlɔbi to kikɛ na kuwɔr!

Nfabel 4:11

Enyɛnpe Ebɔrɛ ka daŋ nya agbo ga so, e daŋ shin nɛ Jerusalɛm be kadegboŋ na ji edɛ nna m mur cheche.

Nfabel 4:2

Jerusalɛm be mbrantiɛfɔlbi daa du fanɛ shuwa n sa anyi nna; ama naniere bumo e ki fanɛ ebɔ be mpuliya nɛ ekama bee keni jiga na.

Nfabel 5:13

B nyaŋ anyi be mbrantiɛfɔlbi nɛ baa kɔr ayu abo so fanɛ anya, nɛ anyi be mbinyɛnsobi malɛ bee sulɔ ndibi gbɛgbɛso a jante.

Ezikɛl 12:13

Ma, Enyɛnpe Ebɔrɛ na beeŋ to kashewu m pɛ mo jemanɛ nɛ e bee lar Jerusalɛm to a shile na nseŋ yɛr mo kadegboŋ nɛ baa tre Babilɔn na to, ama e maaŋ wu kadegboŋ na kenishiso hale nɛ e ya wu ndoŋ.

Ezikɛl 17:20

Kewora fanɛ kashewu nɛ n ta m pɛ mo nseŋ yɛr mo Babilɔn be efuli so n ya ji mo demu ndoŋ ŋkpal e ka maŋ ji kashenteŋ n sa ma so.

Ezikɛl 39:19

Jemanɛ nɛ meeŋ mɔ basa ere fanɛ sarga be asɔbɔya na, mbuibi nɛ asɔbɔya beeŋ ji nfɔ kanaŋkama nɛ baaŋ tiŋ nseŋ nuu ŋklaŋ hale nɛ a boo bumo.

Ditɛronɔmi 14:5

nɛ echibir nɛ kupuŋ to be asɔbɔya nɛ a duli mbolpɔ nɛ mboe nɛ eshantaŋ.

Ditɛronɔmi 28:20

Nɛ fanɛ men kini Enyɛnpe Ebɔrɛ na nseŋ wora kulubi, e beeŋ shin nɛ kumu lubi gboŋgboŋi nɛ kebagato nɛ etɔrɔ e ba kusɔ kama nɛ menyeeŋ wora so nɛ men mur cheche.

Kelaraŋŋini 14:10

amodoŋwura beeŋ nuu Ebɔrɛ be agboso be nsa nɛ b maŋ ta shɛŋ n cha amo to na nseŋ duga amo n wɔtɔ Ebɔrɛ be agbo be kawiebi to na gba. Baaŋ ta edɛ nɛ jɛrbi n wɔtɔ mo ebesa to, emalaika cheembiana na nɛ Kpakpafɔlbi na be anishito.