Aizaaya 51:13 - EBƆRƐ BE KAWƆL

¹³ Men teŋ Enyɛnpe Ebɔrɛ nɛ e to menyi nseŋ to esoso nɛ kasawule kikɛ na so nna a? Nɛ manɛ nna nɛ menyee ŋana kufu ŋkpal basa nɛ baa kɔrfɛ menyi nsaa sha kemur menyi agbo so na? Bumo be kanya agbo maaŋ tiŋ n wora menyi shɛŋ.

Aizaaya 51:13 ပူးပေါင်းရင်းမြစ်များ

Ɛsta 5:14

Ndoŋ nna nɛ mo teriana nɛ mbe eche Zɛrɛsh kaŋɛ mo le: “Manɛ nna nɛ fo maaŋ ku kadebi nɛ kumo be nteŋ sa fanɛ ayadra adushunu nɛ anu n yuu nseŋ kule ewura ekpa echefo kachipurso n ya chɛ Mɔdikaya efɔl n shiga kumo so. Kumo be kaman nɛ fo ta kagbenefuli n tu ewura na n yɔ kejigboŋ na to.” Heman be kagbene daŋ fuli mo ga ŋkpal le be nfɛra nɛ b sa mo ere so. Ndoŋ nna nɛ e shin nɛ b yuu kedibi na.

Ɛsta 7:10

Nɛ b ya chɛ Heman efɔl n shiga kedibi nɛ e yuu fanɛ b chɛ Mɔdikaya n shiga so na so. Nɛ ewura na be kagbene wushi mo.

Job be kawɔl 37:18

Ebɔrɛ bre beeŋ tiŋ n shin nɛ bɔrɛwɔlpa e parga to m buu so nɛ kakpa e wushi, ama fo alɛ beeŋ tiŋ n wora loŋ a?

Job be kawɔl 9:8

Ebɔrɛ nawule e to kuwɔlpa m parga kumo to n sɔ kaplɛkama, mo alɛ e naa ji teku nɛ kumo to be asɔ kikɛ so eleŋ.

Nshɛ 104:2

nɛ kefulto kulti fo n wɔtɔ kaplɛkama. Fo e parga kuwɔlpa to n sɔ kaplɛkama fanɛ wajɛbu, a wɔ kumo to.

Nshɛ 106:13

Ama k maŋ chɛr ko nɛ b naŋ teŋ kusɔ nɛ e wora so nsaa maŋ naa sɔ mbe kasotoji.

Nshɛ 76:10

Kashenteŋto nɛ fo baŋ nya agbo, basa nɛ b nya agbo n wɔtɔ fo gba bee kpaŋ fo nna.

Aizaaya 10:24

Ade kikɛ be kaman nɛ Enyɛnpetale Ebɔrɛ na kaŋɛ mbe basa nɛ b wɔ Jerusalɛm to na le: “Asiriya be basa na beeŋ kɔrfɛ menyi fanɛ kananɛ Ijiptebi daŋ wora na. Ama men sa maa ŋana bumo.

Aizaaya 14:4

E kaŋ wora loŋ n loge nɛ bumo alɛ e wora Babilɔn be efuli so be ewura eyur to nseŋ kaŋɛ le: “Ewura nyaŋnyaŋso na e tɔr na! E maaŋ naŋ tiŋ ŋ kɔrfɛ esa kikɛ!”

Aizaaya 16:4

Men shin nɛ an chena menyi be kasawule so nɛ men baa kuŋ anyi ashi basa nɛ baa sha kemur anyi na kutɔ.” Mowabebi, men doŋana nɛ b maa wu kuwɔr nsaa kɔrfɛ menyi na maaŋ naa wɔtɔ. B maaŋ naaŋ kɔ menyi m mur menyi be efuli.

Aizaaya 17:10

Menyi Israɛlebi teŋ Ebɔrɛ nɛ e bee mɔlga menyi nsaa kuŋ menyi fanɛ kefalta gboŋ na so nna. Men dɔ atoto be adɔbi nna a shuŋ agbirana amo to.

Aizaaya 40:21

Fo maŋ nyi a? B maŋ kaŋɛ fo dra dra na kikɛ a? Fo maŋ nu kananɛ durnya fara a?

Aizaaya 40:22

Esa nɛ e chena mbe kuwurputi so ashi durnya be esoso nɛ k baŋ awɔlpa so na e to durnya. Basa nɛ b wɔ kumo to na du fanɛ atutulombi mo kutɔ nna. Mo e parga kuwɔlpa to fanɛ patisa, ŋko fanɛ wajɛbu nɛ esa e chena to na.

Aizaaya 42:5

Ebɔrɛ e to esoso nseŋ parga kumo to n sɔ kaplɛkama; mo e to kasawule nɛ asɔ kama nɛ e wɔ kumo so na kikɛ; mo e sa durnya to be basa kikɛ ŋkpa nɛ efute. Naniere kusɔ nɛ Enyɛnpe Ebɔrɛ na bee kaŋɛ mbe kayɛrbi nde:

Aizaaya 43:1

Israɛl be basa, Enyɛnpe Ebɔrɛ nɛ e to menyi na yɛ: “Men sa maa lɔ kufu, meeŋ mɔlga menyi. Ma e ti menyi be atre n tre menyi. Men la ma basa nna.

Aizaaya 44:24

“Ma e la, Enyɛnpe Ebɔrɛ, menyi be emɔlgapo na; Ma e la esa nɛ n to menyi. Ma e la Enyɛnpe Ebɔrɛ nɛ e to kusɔ kikɛ na. N nawule e parga kuwɔlpa to n sɔ esoso kikɛ. Ekama malɛ maŋ chɛ ma to n to durnya.

Aizaaya 45:12

Ma e to durnya nseŋ to edimɛdi be yiri yiri n wɔtɔ kumo to. Ma eleŋgboŋ so nɛ awɔlpa parga to n sɔ kaplɛkama nɛ epeŋi nɛ kufɔl nɛ achɛkpabi kikɛ wɔ kumo so na.

Aizaaya 45:18

Enyɛnpe na nawule e la Ebɔrɛ, mo e to ebɔrɛso nɛ durnya nɛ basa wɔ kumo to na. E maŋ to durnya nna nɛ k baa dese fuloŋ fanɛ kiyi.” Mo e kaŋɛ le na: “Ma e la Enyɛnpe Ebɔrɛ, Ebɔrɛ kikɛ maŋ naa wɔtɔ n ti ma so.

Aizaaya 48:13

Ŋ gbagba be enɔ nɛ n ta n to durnya, nseŋ shin nɛ awɔlpa parga to n sɔ kaplɛkama. Kusɔ kama nɛ m baŋ yili n sa amo, e bee nya manaŋ a wora ma kasonu epul to nna.

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Aizaaya 54:14

Fo basa be kewora kusɔ nɛ k daga nɛ bumo be kewora asheŋ nɛ amo be ekpa so beeŋ shin nɛ fo baa kɔ eleŋ. Ma alɛ beeŋ lara bumo be kafɔŋ kikɛ ashi fo to, nɛ a maa naŋ taga fo to gba kuraa.

Aizaaya 57:11

Ade be kaman nɛ Enyɛnpe Ebɔrɛ na bishi le: “Nuso be agbir e shin nɛ kufu pɛ menyi, nɛ men kpal amo so a ku efɛ nseŋ teŋ ma so kuraa loŋ? Ŋkpal ŋ ka wora shruum n chɛr so nɛ men yige kebaabunyaŋ ma ere a?

Aizaaya 7:4

Men kaŋ wu mo nɛ fo kaŋɛ mo fanɛ e shin nɛ mbe kagbene e dese mo. E saa maa ŋana ewura Rezin nɛ ewura Pɛka. B nya agbo ga bre, ama bumo alɛ baa du fanɛ ndibi anyɔ ka kɔ edɛ nsaa dese a duŋ gbrɛgbrɛbi nna.

Aizaaya 9:4

Ŋkpal manɛ so, fo e pɔɔ basa nɛ b ta fo basa ŋ ki anya a kɔrfɛ bumo ŋkpal eleŋ nɛ b kɔ so na so. Fo e kɔ n sɔ bumo fanɛ kananɛ dra na fo mɔlga fo basa ashi Midian be efuli so be benapo be enɔ to na.

Jɛremaya 2:32

Kejafɔche maaŋ tiŋ n teŋ mbe asɔbuuso nɛ abitasɔ so nseŋ yɔ mbe kejafɔ to. Ama nchɛ damta nɛ men teŋ ma so.

Jɛremaya 38:19

Nɛ ewura Zɛdikaya kaŋɛ ma le: “Anyi gbagba be basa nɛ b shile n ya ti Babilɔnebi na so na nɛ mee ŋana. Ashere Babilɔnebi na beeŋ ta ma n sa bumo nɛ b kɔrfɛ ma.”

Jɛremaya 51:15

Enyɛnpe Ebɔrɛ na e bɔla mbe eleŋgboŋ so n to durnya; mbe kanyiasheŋ so nɛ e bɔla n to esoso nɛ kasawule.

Jɛremaya 51:19

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Danɛl 3:15

Men kaŋ baŋ nu mbel nɛ nlopi nɛ egoji nɛ ejirgo nɛ ejaŋjilaŋ nɛ alaŋsɔ be yiri kikɛ ka bee shu naniere, men jɔŋɛ m bunyaŋ kapɔrduli na. Men baŋ kini, meeŋ shin nɛ b ta menyi kikɛ n lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to, nseŋ keni kegbir mo nɛ k beeŋ tiŋ m mɔlga menyi ashi ma enɔ to.”

Danɛl 3:18

Ama, hale nɛ E maŋ mɔlga anyi gba Yiramu, anyi maaŋ shuŋ fo agbir, anyi alɛ maaŋ jɔŋɛ shuwa be kapɔrduli nɛ fo pɔr n yili na gba.”

Danɛl 3:19

Ndoŋ nna nɛ ewura Nebukadneeza nya agbo alegaiso n wɔtɔ Shaadrak nɛ Mɛshaak nɛ Abedneego, nseŋ shin nɛ b foŋ edɛ na to nɛ e bee tushi ale shunu so a chɔ kananɛ a daa du sososo na.

Ashuŋ Shunso 12:23

Epul na to nɛ Enyɛnpe be malaika ba ta kulɔ n lɛ Hɛrɔd so ŋkpal e ka maŋ ta kemaŋkura na n sa Ebɔrɛ so. Ashushombi e daŋ ji mbe eyur nɛ e wu.

1 Kɔrintebi 1:20

To, nɛ kenya la loŋ, nnɛ nɛ benyiashempo ŋko nwɔlnyipoana ŋko durnya ere to be kanyiashenfinpowuraana naa yil? Ebɔrɛ maŋ ŋini fanɛ durnya ere to be kanyiasheŋ la kawulisheŋ nna a?

1 Kɔrintebi 15:55

Luwu, nnɛ nɛ feeŋ naŋ nya basa m pɔɔ so? O luwu nnɛ nɛ fo kedoro be eleŋ na naa wɔ?”

Ditɛronɔmi 32:18

B daŋ teŋ bumo be Ebɔrɛ, bumo be Emɔlgapo lempo nɛ e sa bumo ŋkpa na so nna.

Ditɛronɔmi 6:12

men baa da so nɛ men maŋ teŋ so fanɛ Enyɛnpe Ebɔrɛ na e kɔ n suge menyi kenyaya to ashi Ijipt be efuli so.

Ditɛronɔmi 8:11

Men baa da so nɛ menyi maaŋ teŋ Enyɛnpe Ebɔrɛ na so ŋko n wora mbe mbraana nɛ n ta a sa menyi kabre ere kusoe kpakpaso.

Hibruwebi 11:15

Mannɛ efuli mo nɛ b daŋ shi na be asheŋ nɛ b daa fɛ, ŋkpal manɛ so, ekpa daa wɔtɔ nɛ b daŋ naŋ tiŋ m bɛta n yɔ ndoŋ.

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Kelaraŋŋini 20:9

Nɛ b yili kasawule be mparto be kaba ko n nite m ba choŋ kaba ko ŋ kulti Ebɔrɛ be basa laraso n wɔtɔ bumo be kakpa, kumo e la kadegboŋ shaso na. Ama edɛ daŋ shi esoso nna m ba mur basa nɛ b daŋ kulti Ebɔrɛ be basa n wɔtɔ na.