Aizaaya 51:12 - EBƆRƐ BE KAWƆL

¹² Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Aizaaya 51:12 ပူးပေါင်းရင်းမြစ်များ

2 Bewura 1:15

Ndoŋ nna nɛ Enyɛnpe Ebɔrɛ be malaika ba kaŋɛ Elaija le: “Sa maa lɔ kufu, tu mo a yɔ.” Nɛ Elaija koso ŋ gbelge n tu benapo be enimu na n yɔ ewura na kutɔ

Nshɛ 118:6

Enyɛnpe Ebɔrɛ na ka wɔ ŋ kutɔ so, m maaŋ naa ŋana kufu. Manɛ nɛ dimɛdi beeŋ tiŋ n wora ma?

Nshɛ 146:4

B baŋ wu baa bɛta a yɔ shishɛr to nna; Loŋ be kachɛ na bumo be ŋkre kikɛ bee ba ekar nna.

Nshɛ 92:7

kumukpakpasowura beeŋ tiŋ m purge fanɛ afitiri, nɛ belubiworapoana e nya asɔ nseŋ dii dama. E maŋ nyi fanɛ bumo kikɛ beeŋ mur cheche mbaanaayɔ.

Aŋasa 29:26

Esa kama bee sha fanɛ e ji ewura keteri nna, ama Enyɛnpe Ebɔrɛ nawule e naa shin nɛ ewura bee wora asheŋ nɛ a niŋi.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 2:22

Men yige kebaata yirda a wɔtɔ dimɛdi be eleŋ to. Dimɛdi kikɛ beeŋ wu. Amoso dimɛdi maaŋ tiŋ n chɛ menyi to?

Aizaaya 40:1

Anyi be Ebɔrɛ na yɛ: “Meeŋ lolo ma basa, n shin nɛ bumo be ŋgbene e wushi!

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Aizaaya 51:3

Ma, Enyɛnpe Ebɔrɛ na beeŋ lolo basa nɛ b wɔ Jerusalɛm be alambure to na n wushi bumo kagbene. Jerusalɛm ka ki fanɛ keshishɛrsawule a dese ere gba, meeŋ shin nɛ k ki fanɛ kambɔl nɛ n daŋ nase kumo ketre Iden na. Saŋɛ na so kagbenefuli nɛ kagbenewushi beeŋ baa wɔ ndoŋ, nɛ basa e baa boŋ nshɛ a kpaŋ ma nsaa di ma epaŋ.”

Aizaaya 52:9

Menyi Jerusalɛmebi nɛ menyi be kade daŋ bure a dese na, e baa wora awɔr kagbenefuliso! Enyɛnpe Ebɔrɛ na beeŋ kɔ m mɔlga mbe kadegboŋ nseŋ lolo mbe basa.

Aizaaya 57:11

Ade be kaman nɛ Enyɛnpe Ebɔrɛ na bishi le: “Nuso be agbir e shin nɛ kufu pɛ menyi, nɛ men kpal amo so a ku efɛ nseŋ teŋ ma so kuraa loŋ? Ŋkpal ŋ ka wora shruum n chɛr so nɛ men yige kebaabunyaŋ ma ere a?

Aizaaya 61:2

E shuŋi ma nna nɛ m ba kaŋɛ basa fanɛ, Enyɛnpe Ebɔrɛ be kumɔlga mbe basa nseŋ kɔ m pɔɔ bumo doŋana so be jemanɛ fo. Enyɛnpe Ebɔrɛ na shuŋi ma nna nɛ m ba lolo bumo nɛ baa shu nli,

Aizaaya 66:13

Kananɛ ebinio bee lolo mbe kebia na nɛ ma alɛ gba beeŋ baa lolo menyi ashi Jerusalɛm to.

Aizaaya 8:12

E yɛ: “Sa maŋ kaŋ tre kusɔ kama nɛ basa ere bee tre ŋkre lubi fanɛ k la ŋkre lubi. Fo alɛ e sa maa ŋana kusɔ ko ŋkpal b ka bee ŋana kumo so.

Jɛremaya 38:19

Nɛ ewura Zɛdikaya kaŋɛ ma le: “Anyi gbagba be basa nɛ b shile n ya ti Babilɔnebi na so na nɛ mee ŋana. Ashere Babilɔnebi na beeŋ ta ma n sa bumo nɛ b kɔrfɛ ma.”

Ezikɛl 2:6

Ama fo ere, dimɛdi pibi, sa maa ŋana bumo ŋko bumo be mmalga. Sa maa lɔ kufu ŋkpal b ka beeŋ kplaŋ fo so nseŋ wora fo yɛryɛrbi so. K beeŋ baa du fanɛ fo ka wɔ ewi to ŋko nna to nna. Ama sa maa ŋana basa nɛ b kini ma nseŋ pal kaman n sa ma na ŋko n shin nɛ b baa ta kufu a da fo.

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Baru lela nɛ Jɔn kute na 14:18

M maaŋ yige menyi n to fanɛ amunibi. Meeŋ naŋ ba menyi kutɔ.

Ashuŋ Shunso 9:31

Kumo be kaman nɛ asɔriebi nɛ b daa wɔ Judiya na nɛ Galili nɛ Samɛria na lar bumo be etɔrɔ na to n nya kagbenewushi gbrɛ. Kiyoyu Cheeŋ na e daŋ shin nɛ b daŋ yɔ anishito nseŋ wora keshi n ti so a wɔ Enyɛnpe be kebunyaŋ be kebaawɔtɔ to.

1 Pita 1:24

Loŋ malɛ nɛ abɔrɛsibɛ na bee kaŋɛ fanɛ: “Basa kikɛ du fanɛ kefitiri nna nɛ bumo be kemaŋkura malɛ kikɛ du fanɛ kefitiri na be ketoto. Kefitiri na bee kaa wɔl nna nɛ ketoto na e chuge n tɔr,

1 Samuɛl 15:24

Ndoŋ nna nɛ Sɔɔl kaŋɛ Samuɛl le: “N shuli fanɛ n wora kulubi. Ŋ kini kenu n sa fo nɛ Enyɛnpe Ebɔrɛ kikɛ. Benapo na nɛ n daa ŋana nseŋ nu n sa bumo.

1 Samuɛl 17:11

Sɔɔl nɛ mbe basa ka nu kusɔ nɛ Goliɛf kaŋɛ na, nɛ kufu pɛ bumo ga nɛ bumo be aba pɔ bumo.

1 Samuɛl 21:13

Ŋkpal loŋ so saŋkama nɛ basa baa wɔ mo kutɔ Deevid bee wora fanɛ eboŋ ka dii mo nna. B baŋ yɔ nɛ b ya pɛ mo malɛ e bee yɔ nna n ya ka chaŋ a chaŋ kade na be kabuna to be kukuloŋ gboŋ na so nsaa shin nɛ echɔl bee juye a wurge mbe katɔl so.