Aizaaya 50:4 - EBƆRƐ BE KAWƆL

⁴ Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Aizaaya 50:4 ပူးပေါင်းရင်းမြစ်များ

Nshɛ 119:147

Pɔɛŋ nɛ epeŋi e pete gba, fo nɛ mee kule a fin kechɛto. N ta ma tama nna n deŋi fo kamalga naseso so.

Nshɛ 143:8

Ŋkpal ŋ ka ta ma yirda n deŋi fo so so, shin nɛ m baa nyiŋi fo kasha nɛ k maa loge na be asheŋ kachipurso kikɛ. Mee kule fo nna nɛ fo ŋini ma ekpa nɛ meeŋ baa bɔla so a wora asheŋ.

Nshɛ 40:7

Amoso nɛ ŋ kaŋɛ fanɛ ma nde na. Meeŋ wora asheŋ nɛ b sibɛ n wɔtɔ fo mbra be kawɔl na to fanɛ m bɛ so na; Kumo e kaŋɛ le na:

Nshɛ 45:2

Enyɛn kikɛ maŋ walɛ keyɛrbi fanɛ fo. Mmalga belbelso nawule e naa shi fo kɔnɔ to. Amoso nɛ Ebɔrɛ bee nɛfa fo.

Nshɛ 5:3

Kachipurso kikɛ fee nu ma kekule nna. Mee ta ma asheŋ tirso nna a ba kaa nase fo anishito, nsaa jo fo atuwebi.

Nshɛ 88:13

Ama fo Enyɛnpe Ebɔrɛ na nɛ mee shu a tre kachipurso kikɛ fanɛ fo chɛ ma to.

Aŋasa 12:25

Kafɔŋ beeŋ tiŋ n shin nɛ fo paŋ kagbenefuli, ama kamalga lela bee leŋ basa to nna.

Aŋasa 15:23

Keshuli n wora kesheŋ saŋɛ nɛ k daga nɛ kananɛ k daga e naa bar kagbenefuli.

Aŋasa 25:11

Kemalga kamalga nɛ k daga saŋɛ nɛ k daga du nna fanɛ b ka ta shuwa m mata gbiti so na.

Aizaaya 28:19

Jɛrbi beeŋ gbelge menyi so kachipurso nɛ kapaso nɛ kanyɛso kikɛ nna fanɛ nchu ka bee bɔlɔ a ba na. Kubɔya popɔr kama malɛ nɛ k beeŋ shi Ebɔrɛ kutɔ m ba menyi kutɔ beeŋ ta kufugboŋ m pɛ menyi!

Aizaaya 28:9

A le nɛ b daa bile asheŋ a kaŋɛ a laŋɛ ma kaplɛa so: “Wanɛ nɛ kanyɛn ere bee fɛ fanɛ e bee ŋini asheŋ? Wanɛ e naa sha mbe kubɔya? K walɛ n sa mbibi nɛ b baŋ ku kenyipo nawule nna!

Aizaaya 35:5

Etanpo beeŋ naŋ nya anishi a wu, nɛ ekpawu e nya asoe a nu.

Aizaaya 40:29

Enyɛnpe Ebɔrɛ na e naa sa bekama nɛ b maŋ kɔ eleŋ nseŋ gben a chul to na eleŋ.

Aizaaya 50:10

Asheŋ beeŋ tiŋ ŋ ki kpakpa n sa menyi nɛ menyee bunyaŋ Enyɛnpe Ebɔrɛ nsaa wora mbe kenya kasonu na. Ama men yirda Enyɛnpe Ebɔrɛ n ta menyi be amu n to mo so.

Aizaaya 54:13

Ma, Enyɛnpe Ebɔrɛ na gbagba e naŋ ŋini fo basa asheŋ, nseŋ sa bumo kedama nɛ kayurwushi damta.

Aizaaya 8:16

Menyi nɛ men la ma bebɛsopo ere daga fanɛ men baa kuŋ nsaa keta abɔya nɛ Ebɔrɛ ta n sa ma ere nɛnɛ.

Jɛremaya 1:9

Kede be kaman nɛ Enyɛnpe Ebɔrɛ na teŋi mbe enɔ m beta ma kɔnɔpurbi nseŋ kaŋɛ ma le: “Nu nfe! Mee sa fo mmalga nɛ feeŋ baa malga nna na.

Jɛremaya 31:25

Meeŋ sa basa nɛ b gbeŋ a chul to na eleŋ popɔr nseŋ sa bumo nɛ akoŋ bɛlɛ na ajibi nɛ b ji m moɛ.

Ezikɛl 46:13

Ade be kaman nɛ Enyɛnpe Ebɔrɛ na naŋ kaŋɛ le: “Kachipurso kikɛ a daga fanɛ men bar kubɔlpo fɔlbi nɛ k ji kafɛ koŋwule nɛ doro kikɛ maŋ wɔ kumo so m ba lara sarga chɔɔso n sa Enyɛnpe Ebɔrɛ na.

Matiu 11:28

Men kikɛ nɛ men sulɔ men be esulɔ gbɛgbɛso ŋ gben na, men ba ma kutɔ nɛ n sa menyi ewushi.

Matiu 13:54

n yɔ mo gbagba be kade to n ya ŋini basa abɔrɛsheŋ ashi bumo be nshɛrbu to nɛ mbe keŋini na chinchiŋ basa kama nɛ b nu amo na ga nɛ b bishi abar: “To, nnɛ nɛ kanyɛn ere nya le be kanyiasheŋ ere? Nɛ mbe emamachi be asheŋ woraso ere malɛ ai?

Matiu 22:46

Basa na be ekama daa maŋ naŋ tiŋ nɛ e malga kusɔ ko. Yili kumo be kachɛ na malɛ a yɔ, ekama maŋ naŋ tiŋ m bugi kɔnɔ m bishi mo asheŋ bishiso.

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

Luuk 4:22

Mbe asheŋ daŋ bɔlɔ basa na be kenishi ga nɛ mbe kubɔya belbelso na be asheŋ chinchiŋ bumo ga nɛ b bishi abar: “Mannɛ mo e la Josɛf pibi na a?”

Baru lela nɛ Jɔn kute na 7:46

Nɛ bekumpo na kaŋɛ bumo le: “Kananɛ kanyɛn na bee malga na, esa kikɛ maŋ naŋ malga loŋ.”

Ditɛronɔmi 18:17

Ndoŋ nna nɛ Enyɛnpe Ebɔrɛ na kaŋɛ ma le: “Kashenteŋ nɛ b ji na.

Ditɛronɔmi 18:18

Amoso meeŋ shuŋi anebi ko nɛ e du fanɛ fo nseŋ shi bumo gbagba be basa to nɛ e ba bumo kutɔ. Ma alɛ beeŋ baa ta ma kubɔya a sa mo nɛ mo alɛ e baa kaŋɛ bumo kusɔ kama nɛ ŋ kaŋɛ mo na gbagba chap.