Aizaaya 5:8 - EBƆRƐ BE KAWƆL

⁸ Asheŋ maaŋ nyalɛ n sa menyi! Menyi bee tɔ nwu nɛ nsawule damta a ti amo nɛ men chɛr a kɔ so nna. K maaŋ chɛr nɛ kakpa maaŋ naa wɔtɔ nɛ esa kikɛ e naaŋ ba chena so. Menyi nawule e naaŋ ka kasawule na so.

Aizaaya 5:8 ပူးပေါင်းရင်းမြစ်များ

Job be kawɔl 15:28

ama baaŋ baa ka wɔ nde bureso nɛ ekama shile ŋ ka to nna.

Job be kawɔl 20:21

Jemanɛ nɛ shɛŋ maaŋ naa wɔtɔ nɛ b gbare n sa bumo be amu na, nɛ bumo be kanyɛ kikɛ beeŋ mur.

Aŋasa 15:27

Ekpa lubi so be kanya bee bar tɔrɔ kanaŋ to nna. Sa maa sɔ brɔbu nseŋ kuŋ fo kumu.

Ezikɛl 11:15

“Dimɛdi pibi, le nɛ basa nɛ b wɔ Jerusalɛm to ere bee kaŋɛ a laŋɛ fo nɛ Israɛl be basa nɛ b yɛr Babilɔn be efuli so na be kaplɛa so. B yɛ, menyi ere maŋ naŋ taga Enyɛnpe Ebɔrɛ to a bishi nɛ men tiŋ n shuŋ mo. Amoso, Israɛl be kasawule na ki bumo nawule peya nna.

Ezikɛl 33:24

Dimɛdi pibi, basa nɛ b kra wɔ Israɛl be efuli so be nde nɛ a bure na to na bee kaŋɛ nna fanɛ: ‘Eebraham daa la esa koŋwule nna nɛ Enyɛnpe Ebɔrɛ na ta kasawule na kikɛ n sa mo. Naniere an ka la basa damta ere, kasawule na ki anyeya nna a.’

Eemɔs 1:13

Enyɛnpe Ebɔrɛ yɛ: “Ammɔn be basa wora alubi n ya baŋ so. Amoso abaanaaworashɛŋ meeŋ gberge bumo kusoe. M maaŋ yige bumo kikɛ. B ka daa kɔ a fin kasawule na, b daŋ baŋɛ bedampoche nɛ b daa wɔ Giliad na be epunana to nna.

Maika 2:1

Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Maika 2:2

B baa sha nsawule ŋko nwu kama, baa suge amo eleŋso nna. Baa puni nna a suge basa be nwu ŋko mpetɛsɔ.

Habakuk 2:6

Basa nɛ b kɔ n tɔr na bee melgi belempo nɛ b pɔɔ bumo so na nna a kaŋɛ le: “Asɔ nɛ e maŋ la menyi peya nɛ menyee suge. Asheŋ maaŋ nyalɛ n sa menyi kikɛ! Menyi maaŋ tiŋ n tintiŋ menyi be akɔjipoana n sɔ akɔ nɛ b ji menyi n dii kedama!”

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.