Aizaaya 5:30 - EBƆRƐ BE KAWƆL

³⁰ Kachɛ nɛ baaŋ kre kena m ba na, baaŋ munto fanɛ teku ka bee kaa ketili a gbri na. Tentembiri nɛ kebagato beeŋ sɔ efuli na kikɛ so, ŋkpal manɛ so kuwɔlpa nɛ k biri to beeŋ buu kefulto nɛ k wɔtɔ kabre ere kikɛ so.

Aizaaya 5:30 ပူးပေါင်းရင်းမြစ်များ

Kaŋinichiŋgeliŋ 12:2

Loŋ be jemanɛ na, epeŋi nɛ kufɔl nɛ achɛkpabi maaŋ naa fuli to nɛnɛ a sa fo, ŋkpal fo anishi ka maa naa wu nɛnɛ so. Nɛ kewora fanɛ bɔrɛwɔlpa ka buu fo so jemanɛ kikɛ na.

Aizaaya 13:10

Kefulto maaŋ naa wɔtɔ, ŋkpal manɛ so achɛkpabi nɛ a wɔ esoso na kikɛ beeŋ fulto ŋ gben nɛ epeŋi e pete nseŋ biri to nɛ kufɔl malɛ gba e fuli to ŋ gben.

Aizaaya 13:4

Men kaŋ asoe n nu, awɔr ka bee gbri abee so fanɛ jimaŋ damta na! K du fanɛ efuliana nɛ kuwurgboŋana e naa gama abar so! Enyɛnpetale Ebɔrɛ na e naa gama benapo abar so nɛ b kɔ kena.

Aizaaya 17:12

Efuliana nɛ a kɔ eleŋ ga na du fanɛ atiligboŋ nɛ a bee koso teku so a wora awɔrgboŋ na nna.

Aizaaya 30:6

Ebɔrɛ be kubɔya nɛ e sa asɔbɔya nɛ a wɔ kiyi nɛ k wɔ Juda be efuli so be kelargato be kaseto be kaba so na nde: “Menyi basa ere bee ta ekurma nɛ enyɔma a sulɔ asɔ lela nɛ amo be yawu du kpakpa a bɔla efuli lubiana nɛ ebuluŋ nɛ awɔ lubi wɔ amoso to a yɔ efuli nɛ k maaŋ tiŋ n chɛ menyi to so.

Aizaaya 59:9

Kede be kaman nɛ basa na kaŋɛ le: “Naniere nɛ an pin kusɔ nɛ k ba nɛ Ebɔrɛ maa mɔlga anyi ashi basa nɛ baa kɔrfɛ anyi na be enɔ to. An daa tama fanɛ anyeeŋ baa na kefulto to nna, ama tentembiri e kulti anyi n wɔtɔ

Aizaaya 8:22

Baaŋ maŋ amu so ŋ keni esoso ŋko n to anishi ŋ keni kasawule, bumo alɛ maaŋ wu shɛŋ she etɔrɔ nɛ tentembiri. Tentembiri mina nɛ k bee da kufu ga na to nɛ baa yɔ.”

Jɛremaya 13:16

Men baa maŋkura Enyɛnpe menyi be Ebɔrɛ na; saŋɛ na so e maaŋ shin nɛ tentembiri e ba menyi so nɛ men baa nite a fiti a tɔr abee so. Men baa maŋkura mo, saŋɛ na so e maaŋ shin nɛ kefulto nɛ menyee tama na e ki tentembiri mina n sa menyi.

Jɛremaya 30:5

“N nu basa ka bee boŋ to a shu kufugboŋ so, mannɛ kayurwushi be kushu e daa la.

Jɛremaya 50:42

B teŋ ta bumo be ata nɛ etokobi ŋ keta; bumo be benapo maŋ kɔ kushuso, bumo alɛ maa wu kuwɔr. B baa dii egbaŋɛ a ba k bee gbri nna fanɛ teku be nchu ka bee wɔr na. B bela ase nna a ba nɛ b ba kɔ Babilɔn be efuli so be basa kena.

Jɛremaya 6:23

B kɔ bumo be ata nɛ etokobi nna a ba. Bumo alɛ maŋ kɔ kushuso ŋko e wu kuwɔr. Egbaŋɛ nɛ baa dii na be aya bee gbri kasawule so nna fanɛ ketili ka bee kaa teku so na. B wora shiriya nna a ba nɛ b ba kɔ Jerusalɛmebi kena.”

Nfabel 3:2

E daŋ ju ma n lɛ tentembiri plɔ to, kakpa nɛ kefulto kikɛ maŋ wɔ nna.

Ezikɛl 26:3

Kusɔ nɛ ma, Enyɛnpetale Ebɔrɛ na bee kaŋɛ e la fanɛ menyi Tayɛ be basa ki n doŋana nna na, nɛ meeŋ shin nɛ efuli damtaana e kre kena m ba kɔ menyi fanɛ kananɛ teku so bee ku atili a ba kaa gbuŋ teku be kɔnɔ na.

Jowɛl 2:10

B baa ba, kasawule bee gbuŋgbuŋ nna nɛ awɔlpa bee wora fanɛ a ka bee chicha na, nɛ epeŋi nɛ kufɔl kikɛ malɛ e biri to tuum nɛ achɛkpabi e fuli to ŋ gben.

Eemɔs 5:18

Asheŋ maaŋ nyalɛ n sa menyi nɛ menyee jo Enyɛnpe Ebɔrɛ be demujiachɛ na. Mannɛ be tɔnɔ nɛ loŋ be kachɛ na beeŋ kurge n sa menyi? Loŋ be kachɛ na beeŋ ba kaa la tentembiri nna n sa menyi, mannɛ kefulto.

Eemɔs 8:9

Loŋ be kachɛ na, ma Enyɛnpetale beeŋ shin nɛ epeŋi a tɔr kapaso nɛ kanyɛ e biri kapiidi. Ma Enyɛnpetale na e malga na.

Matiu 24:29

Etɔrɔ ere be jemanɛ baŋ ba choŋ, k maaŋ chɛr ko nɛ epeŋi e biri to nɛ kufɔl e fuli to ŋ gben. Achɛkpabi beeŋ shi awɔlpa so n tɔr nɛ ebɔrɛso be eleŋana kikɛ e wea abar to.

Kelaraŋŋini 6:12

Ndoŋ nna nɛ n naŋ keni n wu Kpakpafɔlbi na ka naŋ bu tɔɔnɛ be kebersobi shesopo na to nɛ kasawule be kebembeŋgboŋ ko gbuŋgbuŋ kasawule ga nɛ epeŋi kilgi m biri to a du fanɛ fusa lembir na nɛ kufɔl malɛ pere to le kpaiŋ fanɛ ŋklaŋ na.