Aizaaya 5:29 - EBƆRƐ BE KAWƆL

²⁹ Bumo be benapoana bee munto nna fanɛ ebuluŋ ka pɛ kusɔbɔya nsaa gbeye kumo a yɔ kakpa nɛ shɛŋ maaŋ tiŋ n suge kumo bumo kutɔ na.

Aizaaya 5:29 ပူးပေါင်းရင်းမြစ်များ

Zakareya 11:3

Men nu mbolpɔkpapoana ka bee shu awɔrso; ŋkpal bumo be mbolpɔ be ejikpa lela na ka mur so! Men nu ebuluŋ ka bee munto; ŋkpal Jɔɔdan be lɔrkar be kupogboŋ lela na ka mur so!

Maika 5:8

Ama bekama nɛ b shir a wɔ efuli pɔtɛana so na bre beeŋ ki fanɛ buluŋ nɛ e bee kɔ a fin kusɔ jiso ashi kiyi to na nna. E baŋ nya n luri mbolpɔ to e beeŋ baa tɛ nna a yuu bumo so nsaa kpɛa bumo to a we nɛ esa kikɛ malɛ maaŋ tiŋ n sɔ bumo n yige.

Aizaaya 42:22

Ama naniere mbe basa ki basa nɛ beko suge bumo be asɔ eleŋso nna, nseŋ ta bumo kikɛ n wɔtɔ emaŋ chiŋgeliŋ to ŋko n ti ebu nɛ esa kikɛ maaŋ tiŋ n lara bumo. Beko daŋ suge asɔ kama b daa kɔ nna nɛ esa kama malɛ daa maŋ wɔtɔ nɛ e kɔ n sɔ amo n sa bumo.

Zefanaiya 3:3

Kumo be ekrachi du fanɛ ebuluŋ nɛ a bee munto nna, nɛ kumo be demujipoana malɛ du fanɛ ejiŋkaamu nɛ a bee pɛ kusɔ kanyɛso a ji nɛ, kare be kechɛ kachipurso nɛ shɛŋ maŋ naŋ ka na nna.

Eemɔs 3:8

Buluŋ baa ponte to, wanɛ nɛ kufu maaŋ pɛ? Enyɛnpetale na baŋ lara esa fanɛ e yili mbe katelamu to m malga wanɛ e la amodoŋwura nɛ e tiŋ ŋ kini?

Hoziya 11:10

Ma basa baŋ nu ŋ ka ponte bumo doŋana so fanɛ buluŋ na, baaŋ shi epeŋitɔrkpa be kaba so n chicha kufuso m ba ŋ kutɔ.

Jɛremaya 51:38

Babilɔnebi na kikɛ bee munto nna fanɛ ebuluŋ fɔlbi.

Jɛremaya 50:17

Kumo be kaman nɛ Enyɛnpe Ebɔrɛ na kaŋɛ le: “Israɛl be basa na du fanɛ mbolpɔ nɛ ebuluŋ ju bumo nɛ b pesaŋ bumo to nna. Asiriya be Ewurgboŋ e juŋkpar m ba kɔ bumo kena, kumo be kaman nɛ Babilɔn be ewura Nebukadneeza malɛ ba we bumo be awibi m bure to.

Jɛremaya 49:19

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Edɔmebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Jɛremaya 4:7

Kananɛ buluŋ bee shi kumo be eŋanakpa a lar na nɛ bekɔpo nɛ baa mur efuliana na lar a ba. Baa ba nɛ b ba mur Juda nna nɛ kumo be ndegboŋ e ki alambure nɛ esa kikɛ maaŋ naa wɔ amo to.

Aizaaya 31:4

Ade be kaman nɛ Enyɛnpe Ebɔrɛ na kaŋɛ ma le: “Awɔr kama nɛ mbolpɔkpapo beeŋ wora maaŋ tiŋ n funti buluŋ nɛ e yige kusɔbɔya nɛ e pɛ na. Aloŋ koŋwule na nɛ shɛŋ maaŋ tiŋ n shin nɛ ma Enyɛnpetale Ebɔrɛ na, e yige kebaakuŋ Zayɔn be kebee na.

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Nshɛ 50:22

Men kplaŋ ma so, amoso men kaŋ kusoe n nu nfe, nɛ mannɛ aloŋ meeŋ mur menyi nɛ esa kama maaŋ chɛ menyi to.

Nɔmbɛs 24:9

Bumo be efuli du nna fanɛ buluŋ lempo na. K baa di, wanɛ e naaŋ tiŋ n ya tiŋi kumo. Esa kama nɛ e nɛfa Israɛl, gba bee nya nɛfa nna; Esa kama malɛ nɛ e sho Israɛl kɔnɔ, bee nya kɔnɔsho nna.”

Jɛnesis 49:9

Juda, fo du fanɛ buluŋ nna, mo e naa pɔɔ mo braana asɔbɔya so a mɔ bumo, nsaa bɛta a yɔ mbe eŋanakpa n ya kaa teŋi to a dese na. Wanɛ e naaŋ tiŋ n tɔrɔ mo?

Aizaaya 35:9

Ebuluŋ maaŋ baa wɔ ekpa na so, asɔbɔya nɛ a bee keta kufu maaŋ mata ekpa na gba. Basa nɛ Enyɛnpe Ebɔrɛ na kɔ n suge na e naaŋ bɔla ekpa na so n yɔ epe.

Aizaaya 47:15

Bekpalpo nɛ menyee yɔ bumo kutɔ n ya kaa bishi so men be kebia to kikɛ m ba fo kabre na maŋ nyi kakpa nɛ baa yɔ gba, hale nɛ baa tiŋ a mɔlga menyi.”

Nahum 2:11

Naniere nnɛ nɛ Ninɛve nɛ k daa du fanɛ ebuluŋ be kelaŋ na naa wɔ? K daa du fanɛ kakpa nɛ ebuluŋ nyɛnso nɛ becheso kikɛ beeŋ lar ŋ ka bumo be bibi nɛ shɛŋ maaŋ wora bumo nna.

Jɛremaya 2:15

Bedoŋ bee munto a kulti bumo nna fanɛ ebuluŋ; nsaa mur bumo be adɔsawule a shin nɛ bumo be ndeana ki alambure a dese fuloŋ nɛ shɛŋ shɛŋ maŋ naa wɔ amo to.